Amelyor nou abilite pour prese—Montre ki mannyer en letid Labib i ganny fer par servi liv Ki Labib i dir

Akoz i enportan: Bokou dimoun i kapab pa konpran ki savedir en letid Labib gratwit. Zot kapab krwar ki zot bezwen asosye avek en group etidyan oubyen fer bann leson par korespondans. Dan plas zis ofer en letid, akoz ou pa montre ki mannyer en letid i ganny fer? Dan zis detrwa minit, menm devan laport, ou kapab montre en dimoun ki mannyer i fasil e enteresan pour etidye Labib.

Ki mannyer pour fer li:

Apre ki ou’n entrodwir ou lekor, demann sa met lakour si i konsernen avek lavenir.
Fer resorti ki bokou dimoun i annan menm lenkyetid e montre li konteni liv Ki Labib i dir. Eksplike ki sa liv i annan bann leson fasil ki montre sa ki Labib i dir lo lavenir e lezot topik e demann li ki sapit ki enteres li.
Donn li en kopi sa liv e montre li sa sapit ki i’n swazir. Eksplike ki sa bann kestyon o konmansman sa sapit i ganny reponn dan bann paragraf ki swiv.
Demann sa met lakour pour lir sa premye paragraf si i pa en problenm pour li. Apre, lir sa kestyon pour sa paragraf e diskit lo son larepons ansanm. Lir e diskit lo sa bann verse Labib ki ganny site ki siport sa larepons. Montre li ki mannyer ou’n souliny sa larepons dan ou liv.
Al lo sa lot paragraf me safwasi demann sa met lakour pour esey reponn sa kestyon dan son prop mo.
Felisit li e fer laranzman pour ou retournen pour fini sa leson.
Si i apropriye esey ankouraz li pour get sa video lo jw.org ki annan pour tit What Happens at a Bible Study?

Esey sa pandan sa mwan:

Priy Zeova pour beni ou bann zefor pour konmans en nouvo letid Labib.—Fili. 2:13.
Esey montre ki mannyer en letid Labib i ganny fer par servi sa liv Ki Labib i dir oubyen montre sa video What Happens at a Bible Study? omwen en fwa ler ou dan predikasyon.