Amelyor nou abilite pour prese​—Ekri bann zoli let

AKOZ I ENPORTAN: Liv 1 Korentyen i enn parmi 14 let ki zapot Pol ti ekri pour ankouraz bann Kretyen. Ler en dimoun i ekri en let i annan letan pour swazir byen son bann mo e sa dimoun ki ganny sa let i kapab lir sa let plizyer fwa. Atraver en let ou kapab anons sa bon nouvel avek ou fanmir ek lezot dimoun ki ou konnen. Ou osi kapab rann temwannyaz avek bann dimoun ki ou pa zwenn dan predikasyon. Par egzanp, en dimoun i kapab enterese me i difisil vwar li kot lakour. I annan serten dimoun ki nou pa zwenn akoz zot reste dan bann batiman ki nou pa ganny akse avek, ki annan baro oubyen akoz zot reste tro lwen. Ki serten keksoz ki nou bezwen gard antet ler nou pe ekri en let, espesyalman si sa dimoun pa konn nou?

KI MANNYER POUR FER LI:

• 

  Ekri sa ki ou ti pou dir sa dimoun si ou ti zwenn li. Entrodwir ou lekor konmansman ou let e eksplike akoz ou pe ekri sa let. Ou kapab demann sa dimoun en kestyon pour li reflesir lo la e envit li pour al lo nou sit Enternet. Apre sa, ou kapab dir li ki i annan Online Bible Study Lessons. Fer li konnen ki nou pare pour fer letid avek bann dimoun kot zot oubyen mansyonn detrwa tit ki i annan dan enn bann piblikasyon ki nou fer letid ladan. Ou osi kapab met en kart kontak, lenvitasyon oubyen en trak avek sa let

• Fer ou let bref. I pa devret tro long si non sa dimoun pa pou anvi kontinyen lir.​—Vwar legzanp en let

• Relir ou let pour fer sir ki i pa tro formel e ki ou pa mank respe pour sa dimoun. I devret osi napa fot, fasil pour konpran e byen pozitif. Fer sir ou annan ase tenm lo ou lanvlop