Loue Zeova konman en pionye

Bann Izraelit ti annan bann bon rezon pour loue Zeova. I ti’n tir zot Lezip e sov zot kont larme Faraon. (Eg 15:1, 2) Zeova i kontinyen fer sa ki byen pour son pep. Ki mannyer nou montre ki nou apresye sa ki i pe fer pour nou?​—Ps 116:12.

En fason nou montre sa, i ler nou fer pionye asistan oubyen pionye ordiner. Ou kapab priye pour ganny dezir ek lafors pour fer pionye. (Fil 2:13) Bokou i konmans fer pionye asistan avan. Ler ou fer pionye asistan, ou kapab swazir pour fer 30 oubyen 50 erdtan pandan mwan Mars ek Avril e pandan vizit sirveyan. Ler ou’n santi sa lazwa ki ou’n gannyen konman en pionye asistan, petet ou pou anvi fer zefor pour vin pionye ordiner. Menm serten ki travay a plen tan oubyen ki annan problenm lasante in kapab fer pionye ordiner. (mwb16.07 8) Byensir, Zeova i merit tou zefor ki nou fer pour loue li!​—1Kr 16:25.

GET SA VIDEO THREE SISTERS IN MONGOLIA. APRE REPONN SA BANN KESTYON SWIVAN:

• 

  Ki difikilte sa trwa ser ti fer fas avek pour vin pionye?

• 

  Ki byenfe zot ti gannyen?

• 

  Ki nouvo loportinite zot in gannyen ler zot ti vin pionye ordiner?

• 

  Ki lefe zot legzanp in annan lo lezot?