Amelyor nou abilite pour prese—Rann temwannyaz lo kamera oubyen Intercom

AKOZ I ENPORTAN: Vi ki teknolozi pe avanse e lakantite krim pe ogmante, pour rezon sekirite, bokou dimoun pe met kamera oubyen intercom kot zot lakour. Petet nou per pour koz lo sa bon nouvel avek en dimoun ki nou pa vwar me ki li i kapab vwar nou. Sa bann rapel swivan pou ed nou vin pli konfidan pour rann temwannyaz lo kamera oubyen intercom.

KI MANNYER POUR FER LI:

• Reste pozitif. Bokou dimoun ki annan kamera oubyen intercom kot zot i pare pour koz avek nou

• Rapel ki serten kamera pe deza filmen ou avan menm ou sonn laklos e sa met lakour i kapab pe get ou oubyen ekout ou dek ki ou antre lo son propriyete

• Ler sa met lakour i reponn, koz lo sa intercom oubyen kamera konmsi ou pe koz avek sa dimoun menm. Fer en sourir e fer bann zes natirel. Dir sa menm keksoz ki ou ti’n prepare pour koz lo la. Si i annan kamera, pa bezwen met ou figir tro pros avek sa kamera. Si sa met lakour pa reponn, pa bezwen kit en mesaz

• Ler ou fini koze, pa oubliye ki sa met lakour i ankor pe get ou e ekout ou