Ki mannyer pour fer renyon predikasyon pli efikas?

Parey tou renyon kongregasyon, renyon predikasyon i en provizyon ki Zeova in met an plas pour ed nou ankouraz kanmarad pour demontre lanmour e fer bann bon aksyon. (Ebr 10:24, 25) Renyon predikasyon i devret senk a set minit, sa i enkli organiz bann group, donn teritwar e fer lapriyer. (Si i ganny fer apre en lot renyon, i devret pli kourt ankor.) Sa enn ki pran group predikasyon i devret prepar en keksoz ki pour ed bann ki pe al predikasyon sa zour. Par egzanp dan Sanmdi, i kapab koz lo ki nou pou dir en met lakour pour ed bann ki pa’n vin predikasyon depi son wikenn avan. Ki lezot size i kapab koz lo la?

• Legzanp en prezantasyon dan Nou minister ek lavi Kretyen​—Kaye renyon

• Ki mannyer pour servi en keksoz ki fek pase dan nouvel pour konmans en konversasyon

• Ki mannyer pour sirmont en lobzeksyon ki dimoun i kontan dir

• Ki mannyer pour reponn en dimoun ki pa krwar dan Bondye, ki krwar dan evolisyon, ki koz en lot langaz oubyen en dimoun ki annan en larelizyon ki dimoun dan ou teritwar pa abitye avek

• Ki mannyer pour servi sit enternet jw.org, app JW Library^®, oubyen Labib

• Ki mannyer pour servi en piblikasyon ki form parti Zouti predikasyon

• Ki mannyer pour partisip dan lezot form predikasyon tel parey temwannyaz par telefonn, ekri let, temwannyaz an piblik, retourn vizit oubyen letid Labib

• Bann rapel konsernan sekirite, pare pour adapte, annan en bon kondwit, annan en latitid pozitif oubyen lezot keksoz parey

• En leson oubyen en video dan sa brosir Amelyor ou abilite pour lir e ansennyen

• Ki mannyer pour ankouraz e ed sa frer oubyen ser ki ou pe travay avek dan predikasyon

• En verse Labib ki relye avek predikasyon oubyen en leksperyans ankourazan ki ou’n gannyen dan predikasyon