Ki mannyer pour servi bann video pour letid Labib?

Nou annan kat video pour letid Labib ki nou servi dan predikasyon. Pour ki rezon sak sa bann video in ganny fer?

• 

  Akoz i bon etidye Labib?​—Versyon long in ganny fer pour ed dimoun pour enterese avek Labib menm si zot annan diferan krwayans relizye. I ankouraz dimoun pour rod larepons bann kestyon enportan dan lavi ki ganny trouve dan Labib. I eksplike ki mannyer pour demann en letid Labib.

• 

  Akoz i bon etidye Labib? (Versyon kourt) i menm parey avek sa versyon long me i apepre en tyer longer sa video. I kapab pli efikas dan bann landrwa kot dimoun napa bokou letan pour koze.

• 

  Kwa ki pase pandan en letid Labib? in ganny fer pour ed dimoun pour enterese avek nou progranm letid Labib gratwit e pour reponn bann kestyon ki dimoun i souvan demande konsernan sa progranm letid, enkli ki mannyer pour demann en letid Labib.

• 

  Byenveni pour ou letid Labib in ganny fer pour montre bann etidyan Labib apre ki zot in konmans en letid. Menm si sa video i ganny entrodwir lo paz de dan sa liv Viv ere pour touzour!, i osi kapab ganny servi avek sa brosir Viv ere pour touzour!. Sa video i montre sa ki i annan dan sa liv e kwa ki sa etidyan i ekspekte dan son letid.

Menm si sak video in ganny fer pour diferan rezon, nou kapab montre bann dimoun ouswa anvoy zot sa bann video ler i apropriye. Bann proklanmater i ganny ankouraze pour konn byen sa bann video e byen servi zot dan predikasyon.