Esey adapte nou Lapros

Lentere senser dan bann dimoun pou pous nou pour esey rekonnet zot bezwen e montre zot konman Rwayonm pou rezourd tou problenm ki zot pe rankontre. (Fili. 2:4) En lapros ki bokou proklanmater in vwar efikas se ler zot envit sa met lakour pour fer komanter lo bann portre Paradi dan nou bann piblikasyon, tel parey bann ki’n ganny mete dan kolonn adrwat lo sa paz. Ou kapab fer sa par servi sa bann lentrodiksyon swivan:

◼ “Eski ou krwar en zour nou imen nou pou rezwir sa bann kalite kondisyon parey i montre la?”

◼ “Nou tou nou ti pou kontan nou zanfan viv dan en lemonn parey i montre la. Dapre ou, kwa ki neseser pour sa arive?”

◼ “Sa portre i montre ki mannyer later pou ete ler lavolonte Bondye pou’n akonpli lo later parey dan lesyel. Eski ou remark okenn keksoz ki diferan avek lavi ozordi?”

◼ “Eski ou ti a kontan viv dan sa bann kondisyon parey i montre la? [Les sa dimoun reponn.] Eski ou krwar sa pou arive dan nou letan?”

Ekout larepons ki sa dimoun i donnen atantivman, e rod son pwennvi par demann li ankor enn oubyen de kestyon. Si serten i reponn ki zot pa pou anvi viv dan sa bann kondisyon oubyen zot pa krwar ki en tel keksoz i posib, pa taye pour dir ki zot pa enterese. Avek bokou latansyon demann zot akoz zot santi koumsa. Zot komanter i kapab revel zot santiman anver bann problenm ki imen pe rankontre, ki pour zot i paret napa solisyon.—Ezek. 9:4.

Adapte ou prezantasyon ler ou rekonnet kwa ki trakas sa met lakour. Fer resorti laspe mesaz Rwayonm ki adres direkteman son bezwen. Montre li enn oubyen de verse Labib ki relye avek sa size ki pe trakas li. (Vwar bann sizesyon dan kolonn adrwat.) Les li vwar pour li menm sa ki Parol Bondye i dir. Si i montre lentere, ofer li sa piblikasyon e fer laranzman pour retournen. Kontinyen devlop son lentere baze lo sa ki ou ti dir dan zot premye konversasyon.

[Bwat lo paz 6]

Legzanp bann Portre Paradi

Liv Création: paz 237, 243, 251

Liv Enseignant: paz 251-4

Liv Konnesans: paz 4-5, 188-9

Brosir Ekspekte: paz 11, 13

Liv Paix véritable: paz 98

Liv Ador Bondye: paz 92-3

[Bwat lo paz 6]

Keksoz ki trakas bann Dimoun

Degradasyon moral

2 Timote 3:1-5

Depresyon

Psonm 34:8;

Izai 65:17-19

Destriksyon later

Revelasyon 11:18

Gouvernman ki pa efikas

Psonm 146:3, 4;

Danyel 2:44

Koripsyon, lenzistis

Izai 9:6, 7;

2 Pyer 3:13

Krim, vyolans

Psonm 37:10, 11;

Proverb 2:21, 22

Lager, terorism

Psonm 46:8, 9;

Mika 4:3, 4

Problenm lakaz, lekonomi

Izai 65:21, 22

Lanmor, dey

Izai 25:8;

Revelasyon 21:3, 4

Lapovrete, labi

Psonm 72:12-14;

Eklezyast 8:9

Maladi, dezabilite

Izai 33:24; 35:5, 6

Maltret zannimo

Proverb 12:10

Lafanmin, malnitrisyon

Psonm 72:16;

Izai 25:6

Prezidis, diskriminasyon

Izai 11:3-5;

Akt 10:34, 35