PREPAR BYEN POUR PREDIKASYON
Amelyor nou abilite pour prese—Fer ou prop prezantasyon pour magazin
AKOZ I ENPORTAN: Menm si i annan legzanp en prezantasyon dan nou kaye renyon ki donn nou bann bon nide, zot zis en plan. Ou devret met li dan ou prop mo. Petet ou ti pou prefer en lot lapros oubyen petet ou santi ki en lot size ti pou pli enteres bann dimoun dan ou teritwar. Si sa i leka, lir sa magazin, pas lo legzanp sa prezantasyon, get video bann demonstrasyon e apre servi sa bann sizesyon swivan pour fer ou prop prezantasyon.
KI MANNYER POUR FER LI:
Demann ou lekor, ‘Eski mon anvi servi enn parmi bann legzanp en prezantasyon?’
WI
Prepar ou lentrodiksyon. Apre ki ou’n dir bonzour, dir sa met lakour akoz ki ou’n vin kot li. (Par egzanp: “Mon’n vin kot ou ozordi akoz . . .”)
Reflesir lo sa ki ou pou dir ant ou kestyon ek sa verse e ant ou verse e ler ou pe ofer sa piblikasyon. (Par egzanp: Pour entrodwir en verse, ou kapab dir: “Nou kapab trouv en bon larepons pour sa kestyon dan sa verse.”)
NON
Swazir en topik dan magazin ki enteres ou e ki pou enteres dimoun dan ou teritwar
Swazir en kestyon ki pou ed ou konn pwennvi sa met lakour, fer li reflesir e konmans en konversasyon. Me fer sir ki sa kestyon pa pou anbaras li. (Par egzanp: Bann kestyon ki lo paz 2 dan bann magazin.)
Swazir en verse pour lir. (Si ou pe ofer magazin Awake! ou kapab swazir pour par lir en verse, parski sa magazin in ganny ekrir pour bann dimoun ki pa tro konn Labib e ki napa konfyans dan larelizyon.)
Fer enn de fraz ki eksplike ki byenfe sa met lakour pou gannyen si i lir sa lartik.
DAN TOU LE DE KA
Prepar en kestyon ki pou ganny reponn ler ou fer retourn vizit
Pran not ki pou ed ou rapel sa ki ou anvi dir laprosenn fwa