INKAˈNEYASAJNA 02
Na Biblia ijwiˈil ti poˈ na akiˈukin kiyeˈe
Pajlat niwa ajnatis poˈ na jijliajkˈali napo iˈnioˈl, seki kˈijliani, seki tˈatiˈ poˈ. ¿Kiak jiwoyi tˈipi aˈam ˈneje? Oˈne ka jeˈ iˈnesni, oˈne ka siupa ineni ti yaˈal seki ti jiwota ka ˈnajane ti ja noˈwe naka. Siniaˈ Jlamtis iyoˈate ti ja ikajmak.
1. ¿Tempuwa ijwiˈil na Biblia siupuwa jlomas ti naˈam?
Siniaˈ Jlamtis ijwiˈil yotˈiyiˈn ti jijliakˈali poˈ niwa ajnatis. Seki kastsˈeyasane ti ja noˈwe niwaka. Siunie ijwiˈil na Siniaˈ Jlamtis ti siupuwa jlomas ti naˈam sitieyiji, ja ˈweˈen siojona akiˈukin kiyeˈe (ˈyeˈen na Jeremías 29:11, 12). Niwak siuniwa ijwiˈil na Siniaˈ Jlamtis janoyetsˈeˈm ti sijliakˈali poˈ seki siuniwa aˈwena nakayi jeˈ kastate isiaˈm. Kiak iyojliyi siupuwa jlomas ti naˈam sitieyiji ja jlajaˈ jlapiyita ti ja kastsˈajkajtsˈen.
2. ¿Tempuwa ijwiˈil na Biblia siupuwa jlomas ti naˈam?
Siniaˈ Jlamtis ijwiˈil ti kiak janwo “siojona ˈnajlati [napo ti ˈyajleˈn] ja lajakˈi japa, siunie injlakˈali kiak iyojliyi. Siuniwa inajlas ti tapajaˈn [...] siuˈneje na aˈtiejiekˈi [...] ˈyaka noˈwe” (ˈyeˈen na Apocalipsis 21:4). Ja noˈwe niwa sijliakˈali ti aˈwena, napo pˈiliusis, siuniwa jeˈ isis, inlayejes seki napo ˈyajleˈn. Siniaˈ Jlamtis ijwiˈil siunapo iˈnioˈl ja inkasajaˈn pet, ti janeyitsˈi na ajnat ja wuj ti ja ˈesie seki ja jlajaˈ jlapiyita.
3. ¿Tepa janiwone kiyeˈe ti ja ka akakiu siunie ijwiˈil na Biblia?
ˈLoj napo iˈnioˈl ti jitienkiujnieye ti iyone ˈate ti jlaj poˈ niwa jeˈ isis seki jeˈ ˈyijenisi niwaka. Siniaˈ Jlamtis kiak jeˈ iyoyi. Siuti iˈneyasanajaˈ na Biblia seki ja ijialasa ka kastsˈajane “ka ijiatayi siupa iyo [...] puwa yamtiyi”, ja sitiej jayomaja niwaka (Hechos 17:11). Nak janoyeˈaˈm ti ja yejniˈjin ti ja ke akakiu siunie ijwiˈil na Siniaˈ Jlamtis apeˈe siupuwa jlomas ti naˈam sitieyiji.
JA AMIT ISIAˈM PET
Niˈneyasane apeˈe siuniwa iyo na Biblia apeˈe puwa jlomas ti naˈam sitieyiji. ˈYeˈen niwaka siuniwa iniuyeje napo iˈnioˈl nakayi.
4. Siniaˈ Jlamtis ijwiˈil ti poˈ jana akiˈukin kiyeˈe ti ja lajakˈi pa na sijliakˈali
ˈYeˈen siunie ijwiˈil apeˈe na Biblia siupuwa jlomas ti naˈam sitieyiji. ¿Tempuwa intelieja? ¿Yotˈiyiˈn?
ˈYena siuniwa versículos apeˈe na Siniaˈ Jlamtis siupuwa jlomas ja naˈam seki amtiyekˈijiˈn apeˈe:
¿Aˈam ja ke akakiu siunie ijwiˈil niwak versículos kanoyeˈaˈm? Tankiujnie napo ˈajajnajwas seki ˈam ijia, ¿jitijnisie pet ka nak ja noyeje?
Tankiujnie pet apeˈe ti ja aˈyiˈi na ajnat ti kiak janwo:
JA LAJAKˈI PA... |
PAJLAT... |
|---|---|
|
|
|
|
|
|
|
|
|
|
5. Siniaˈ Jlamtis ijwiˈil ti ja kas watsˈilati
ˈLoj napo iˈnioˈl kˈijliani seki jwesies ti iwiˈin niwa jeˈ isis. Kiak iyoyi ti poˈ napo iˈnioˈl ti ijialas apeˈe ka lajakˈi pa jijliakˈaliˈye. ˈYeˈen naka iniuyeje napo iˈnioˈl siunie ijwiˈil na Biblia apeˈe siupuwa jlomas ti naˈam sitieyiji, jlam ijiate ti ja ˈesie. ˈYena na VIDEO seki amtiyekˈijiˈn apeˈe:
¿Tempuwa jijliakˈali tˈipi japa Rafika?
ˈWanjliyi ti jeˈ iliyi niwa jeˈ isis, ¿yotˈiyiˈn ti Siniaˈ Jlamtis iniuyeje?
Ti ja akakiuk siunie ijwiˈil na Siniaˈ Jlamtis ti siupuwa jlomas ti naˈam sitieyiji, ˈwanjliyi ti sijliakˈali poˈ, ja kastsˈajkajtsˈen pet. ˈYena na Proverbios 17:22 seki na Romanos 12:12, seki amtiyekˈijiˈn apeˈe:
¿Jeˈ jikakiu siunie ijwiˈil na Biblia ti siupuwa jlomas ti naˈam janoyeˈaˈm nakayi? ¿Yotˈiyiˈn? ¿Tempa jitijnisie?
POˈ NAPO IˈNIOˈL TI IYONE ˈATE: “Siuniwa ijwiˈil na Siniaˈ Jlamtis ti iyoˈate na injwejlik seki istieyiji ka kiak inwo pa ka iˈwina”.
Siunie ijwiˈil na Siniaˈ Jlamtis yiˈ kisieˈe, ¿jiwota pet ka ˈnajane niwaka? ¿Yotˈiyiˈn?
¿TEMPA ˈNAJANE APEˈE SIUNIE JIˈYEˈEN?
Siniaˈ Jlamtis ijwiˈil ti jaˈwina ti ja kastsˈajkajtsˈen siupuwa jlomas ti ja naˈam sitieyiji, nak iyo sijweyejaˈ seki ja atsˈukin kiyeˈe ti ja ke iliki ˈwanjliyi ti sijliakˈali poˈ.
¿Tempa ataj wuki?
¿Yotˈiyiˈn ti isitiaˈn napo iˈnioˈl ti japoye pa itsˈiujwen kiyeˈe?
¿Tepi iyo na Siniaˈ Jlamtis apeˈe puwa jlomas ti naˈam sitieyiji?
Siuniwa akiˈukin kiyeˈe ti ijwiˈil na Siniaˈ Jlamtis, ¿inuyeˈaˈm tˈe nakayi niwaka? ¿Yotˈiyiˈn?
WOJYIˈN PUWA IJIA
Niˈneyasane apeˈe siojona akiˈukin kiyeˈe ti janoyeˈaˈm ti kanwo ajweyejaˈ.
“¿Tepa jawo ka ˈweˈen na akiˈukin kiyeˈe?” (¡Despertad!, 22 na abril ti 2004)
ˈYeˈen siunie ti ja tsˈukin kiyeˈe ti iniuyeje siunapo jiliaye poˈ ti jlaj jikieye.
“¿Siniaˈ Jlamtis janoyeˈaˈm tˈe ti ja toˈmˈ iliaˈam na inlaye?” (Impˈesinik na jw.org)
Ti ja ˈyeˈen na video seki tankiujniape siunie janwo napo ˈajajnajwas seki ˈam ijia ti ja inkasajaˈn pet, ti janeyi na ajnat ti wuj ti ja ˈesie siuˈnie ijwiˈil na Biblia ti janeˈ kisieˈe.
ˈYeˈen apeˈe siuˈnie iˈnioˈ ti teje iliaˈm niwa jeˈ isis ti iwietsˈilati ka ˈnajane apeˈe jana itsˈiujwen kiyeˈe ti ijwiˈil na Biblia.
“Aleyiˈi ti awota ka iwietsˈilati niwa jeˈ isis” (La Atalaya, 1 na julio ti 2013)