Cihtakna Tawh A Tawp Donga Thuakzawh Nadinga Hong Huh Ding Laikhak Khat

1-2. (a) Sawltak Paul’ lai-at hunin Judea gama Khristiante dinmun bangci om a hiam? (b) Paul’ laikhak in bang hangin a hunlap hi a hiam?

ယေရှု သေဆုံးပြီးနောက် ဂျေရုဆလင်​မြို့နဲ့ ယုဒပြည်​က ဟီဘရူး​ခရစ်ယာန်တွေ အခက်အခဲ အများကြီး ကြုံကြရတယ်။ ခရစ်ယာန် အသင်းတော် တည်ထောင်ပြီး​နောက် မကြာခင်​မှာ အကြီးအကျယ် နှိပ်စက်​ညှဉ်းဆဲခံရ​တယ်။ (တ. ၈:၁) နောက်​အနှစ် ၂၀ လောက်​အကြာမှာ အငတ်ဘေး​ဆိုက်​လို့ ငွေကြေး​အကျပ်အတည်း ကြုံရတယ်။ (တ. ၁၁:၂၇-၃၀) အေဒီ ၆၁ ဝန်းကျင်​ကတော့ ရှေ့မှာ ကြုံရမယ့် ဒုက္ခ​ကာလ​နဲ့ ယှဉ်ရင် အေးချမ်း​တဲ့ ကာလ​လို့ ပြော​ရမယ်။ အဲဒီ​ကာလအတွင်း စွမ်းအားတော် လမ်းညွှန်မှုနဲ့ ရေးတဲ့ စာ​တစ်စောင်ကို တမန်တော် ပေါလုဆီကနေ သူတို့ ရတယ်။ အချိန်ကိုက် ရတဲ့ စာပါ​ပဲ။

^၂ ဘာကြောင့် အချိန်ကိုက် ဖြစ်သလဲ။ အေးချမ်း​တဲ့ ကာလ ကြာ​ကြာ​ခံ​မှာ မဟုတ်လို့​ပါပဲ။ ဒါကြောင့် ရှေ့မှာ ကြုံရမယ့် ဒုက္ခ​ကာလကို ခံရပ်နိုင်ဖို့ ကူညီပေးမယ့် လက်တွေ့ကျ အကြံပြုချက်တွေကို ပေါလု ထည့်​ရေးထားတယ်။ ယေရှု ကြို​ပြောခဲ့တဲ့​အတိုင်း ဂျေရုဆလင်​မြို့ ဖျက်ဆီး​ခံရတော့မယ်။ (လု. ၂၁:၂၀) ဖျက်ဆီး​ခံရမယ့် အချိန်​အတိအကျ​ကိုတော့ ပေါလု​ကော ယုဒပြည်​က ခရစ်ယာန်တွေ​ပါ မသိဘူး။ ဒါပေမဲ့ အဲဒီအချိန် မရောက်ခင်​စပ်ကြား ယုံကြည်ခြင်း၊ ခံနိုင်ရည်​လို​မျိုး အရည်အသွေးတွေ တိုးများအောင် လုပ်ခြင်းအားဖြင့် သူတို့ အသင့်​ပြင်ထားနိုင်တယ်။—ဟီ. ၁၀:၂၅။ ၁၂:၁၊ ၂။

3. Hebru Khristiante’ ngah laikhak pen tu huna Khristian te’n a thupi diaka a mitsuan ding uh bang hang kisam a hiam?

^၃ ဟီဘရူး​ခရစ်ယာန်တွေ ကြုံခဲ့တာ​ထက် ပိုကြီးမားတဲ့​ဒုက္ခ ကျွန်တော်တို့ ကြုံရတော့မယ်။ (မ. ၂၄:၂၁။ ဗျာ. ၁၆:၁၄၊ ၁၆) ဒါကြောင့် သူတို့ ရခဲ့တဲ့ စာမှာ ပါတဲ့ လက်တွေ့ကျ အကြံပြုချက်​တချို့ကို သုံးသပ်ကြရအောင်။ အဲဒီ​အကြံပြုချက်တွေက ကျွန်တော်တို့ကိုလည်း ကူညီပေးနိုင်တယ်။

“PICINNA LAMAH MANAWT NI”

4. Jew Khristian te’n bang haksatna tuak uh a hiam? (Lim zong en in.)

^၄ ဂျူး​နောက်ခံ ရှိတဲ့ ခရစ်ယာန်တွေ ကြီးကြီးမားမား အခက်အခဲ​တစ်ခု ကြုံရတယ်။ တစ်ချိန်က​ဆိုရင် ဂျူး​လူမျိုးဟာ ယေဟောဝါ​ဘုရား ရွေးချယ်ထားတဲ့ လူမျိုး ဖြစ်ခဲ့​တာ။ ဂျေရုဆလင်​မြို့ဟာ ယေဟောဝါကို ကိုယ်စားပြုတဲ့ ဘုရင်တွေ နန်း​စိုက်​ရာ​မြို့ ဖြစ်ခဲ့​တာ။ ဗိမာန်တော်ဟာ စင်ကြယ်တဲ့ ဝတ်ပြုရေးရဲ့ အချက်အချာ​နေရာ ဖြစ်ခဲ့​တာ။ သစ္စာရှိ ဂျူး​အားလုံးဟာ မောရှေ​ပညတ်မှာ ပါတာ​တွေ၊ ဘာသာရေး ခေါင်းဆောင်တွေ သင်​ပြတဲ့ စည်းမျဉ်းတွေကို လိုက်နာ​ခဲ့​တာ။ အစားအသောက်၊ အရေဖျားဖြတ်ခြင်း၊ လူမျိုးခြားတွေ​ကို ပြောဆို​ဆက်ဆံခြင်း​စတဲ့ ကဏ္ဍတွေက​အစ စည်းမျဉ်းတွေ ရှိတယ်။ ဒါပေမဲ့ ယေရှု သေဆုံးပြီးနောက် ပညတ်တရား အဆုံးတိုင်​သွားတယ်။ ဗိမာန်တော်မှာ ပူဇော်သက္ကာတွေ​ကို ဆက်သ​စ​ရာ မလိုတော့ဘူး။ ပညတ်တရား လိုက်နာတာ ခေါက်ရိုး​ကျိုး​နေပြီ ဖြစ်တဲ့ ဂျူး​ခရစ်ယာန်တွေ​အတွက် ကြီးကြီးမားမား အခက်အခဲ​ပါပဲ။ (ဟီ. ၁၀:၁၊ ၄၊ ၁၀) တမန်တော် ပေတရု​တို့​လို ရင့်ကျက်တဲ့ ခရစ်ယာန်တွေ​တောင် အပြောင်းအလဲ​တချို့ လုပ်ဖို့ ခက်​ခဲ့တယ်။ (တ. ၁၀:၉-၁၄။ ဂလ. ၂:၁၁-၁၄) ယုံကြည်ချက်​အသစ်တွေ​ကြောင့် ဂျူး​ခရစ်ယာန်တွေဟာ ဂျူးဘာသာရေး ခေါင်းဆောင်တွေရဲ့ ပစ်မှတ် ဖြစ်လာတယ်။

5. Kua te’n Jew Khristiante na langpang uh a hiam?

^၅ ဂျူး​ခရစ်ယာန်တွေကို ဆန့်ကျင်တဲ့ အုပ်စု​နှစ်စု ရှိတယ်။ တစ်စု​က သူတို့ကို အယူဖောက်ပြန်​သွား​သူ​တွေ​လို ဆက်ဆံ​နေ​ကြ​တဲ့ ဂျူးဘာသာရေး ခေါင်းဆောင်တွေ။ နောက်​တစ်စု​ကတော့ မောရှေ​ပညတ် အတင်းအကျပ် ဆက်​လိုက်နာ​ခိုင်း​နေတဲ့ အသင်းတော်ထဲက အမည်ခံ ခရစ်ယာန်တွေ။ နှိပ်စက်​ညှဉ်းဆဲ​မခံရအောင် အဲဒီလို​လိုက်နာ​ခိုင်း​တာ ဖြစ်နိုင်တယ်။ (ဂလ. ၆:၁၂) အမှန်တရားမှာ စွဲမြဲ​နေဖို့ သစ္စာရှိ ခရစ်ယာန်တွေကို ဘာက ကူညီပေးမလဲ။

6. Thu uppih mi te’n bang a sep dinguh Paul in thapia a hiam? (Hebru 5:14-6:1)

^၆ ကျမ်းစာကို နက်နက်နဲနဲ လေ့လာဖို့ ယုံကြည်သူချင်းတွေ​ကို စာထဲမှာ ပေါလု အားပေးတယ်။ (ဟီဘရူး ၅:၁၄–၆:၁ ကို ဖတ်ပါ။) ခရစ်ယာန်​ဝတ်ပြုမှု​ဟာ ဂျူး​ဝတ်ပြုမှု​ထက် ပိုသာ​ကြောင်း ဟီဘရူး​ကျမ်းစောင်တွေ သုံးပြီး ကျိုးကြောင်း​ဆင်ခြင်​ပြတယ်။a အမှန်တရားကို ပို​သိလာရင်၊ နက်နက်နဲနဲ နားလည်လာ​ရင် သွန်သင်ချက်​အမှားတွေကို သူတို့ ခွဲခြား​သိမယ်၊ ငြင်းပယ်​တတ်​မယ်၊ လမ်းမ​လွဲ​တော့​ဘူး​ဆိုတာ ပေါလု သိတယ်။

7. Bang ze-etnate tuak i hiam?

^၇ ဒီနေ့လည်း ယေဟောဝါရဲ့ အမှားအမှန်​စံနှုန်းတွေကို ဆန့်ကျင်တဲ့ အတွေးအခေါ်တွေ ပျံ့​နေတယ်။ လိင်မှု​ကိစ္စနဲ့ပတ်သက်ပြီး ကျမ်းစာ​စံနှုန်းကို ယေဟောဝါ​သက်သေတွေ လိုက်နာတာ​ဟာ အမြင်​ကျဉ်း​တာ​ပဲ၊ နှင်ထုတ်ခြင်း အစီအစဉ်ဟာ မေတ္တာမဲ့​တာ​ပဲ​ဆိုပြီး ဆန့်ကျင်သူတွေ ပြောကြတယ်။ လောက​အမြင်ဟာ ဘုရားရဲ့ ပြည့်ဝစုံလင်တဲ့ အမြင်နဲ့ ကွာ​သည်ထက် ကွာ​လာတယ်။ (ပညာ. ၁၇:၁၅) ဒါကြောင့် အမှန်တရားမှာ အားလျော့​သွား​စေဖို့၊ အမှန်တရားကို လုံးလုံး ကျောခိုင်း​သွား​စေဖို့ ရည်ရွယ်ချက်နဲ့ ဆန့်ကျင်သူတွေ ဖြန့်နေတဲ့ အတွေးအခေါ်​အမှားတွေကို ကျွန်တော်တို့ ခွဲခြား​သိရမယ်၊ ငြင်းပယ်​တတ်​ရမယ်။—ဟီ. ၁၃:၉။

8. Koi bangin picinna lamah manawt thei i hiam?

^၈ ဟီဘရူး​ခရစ်ယာန်တွေကို ပေါလု အကြံ​ပေးတဲ့​အတိုင်း ကျွန်တော်တို့လည်း ရင့်ကျက်တဲ့အဖြစ်ကို တက်လှမ်း​နေ​ရမယ်။ ဆိုလိုတာက အမှန်တရားကို နက်နက်နဲနဲ နားလည်လာအောင်၊ ယေဟောဝါ တွေးသလို တွေးတတ်လာအောင် လုပ်ရမယ်။ ဒါဟာ ဆက်ကပ်အပ်နှံ နှစ်ခြင်းခံပြီး​ရင်တောင် ဆက်လုပ်​နေ​ရမယ့်​အရာ​ပဲ။ အမှန်တရား​သက်တမ်း ဘယ်လောက်ပဲ ရှိပါစေ ကျွန်တော်တို့​အားလုံး မှန်မှန် ကျမ်းစာဖတ်ရှု​လေ့လာရမယ်။ (ဆာ. ၁:၂) ဒါဆိုရင် ဟီဘရူး​ခရစ်ယာန်တွေ​ဆီ ရေးတဲ့ စာမှာ ပေါလု အလေးပေး​ဖော်ပြတဲ့ အရည်အသွေး​တစ်ခု တိုးများလာမယ်။ အဲဒါကတော့ ယုံကြည်ခြင်း​ပါ။—ဟီ. ၁၁:၁၊ ၆။

‘THU UMIN NUNGTA DING UH HI’

9. Hebru Khriatian te’n upna kip a neih ding uh bang hang kisam a hiam?

^၉ ယုဒပြည်မှာ ဒုက္ခ​ကာလ ရောက်လာတဲ့အခါ အသက်ရှင်​လွတ်မြောက်ဖို့ ဟီဘရူး​ခရစ်ယာန်တွေ ခိုင်မာတဲ့ ယုံကြည်ခြင်း လိုအပ်တယ်။ (ဟီ. ၁၀:၃၇-၃၉) ဂျေရုဆလင်​မြို့ကို စစ်တပ် ဝိုင်းရံထားတာ မြင်တဲ့အခါ တောင်ပေါ် ပြေး​ဖို့ နောက်လိုက်တွေကို ယေရှု သတိပေးခဲ့တယ်။ ဂျေရုဆလင်​မြို့ထဲမှာ နေ​နေ၊ ယုဒ​တော​ရွာမှာ နေ​နေ ခရစ်ယာန်​အားလုံး ထွက်ပြေး​ကြ​ရမှာ။ (လု. ၂၁:၂၀-၂၄) ပုံမှန်​ဆိုရင် စစ်တပ် ဝိုင်းရံ​ခံရတဲ့အခါ ဂျေရုဆလင်​မြို့​လို​မျိုး မြို့ရိုး အခိုင်အခံ့ ရှိတဲ့​နေရာကို လူတွေ လာ​ခိုလှုံ​လေ့ရှိတယ်။ ဒါကြောင့် တောင်ပေါ် ပြေးပါ​ဆိုတဲ့ ညွှန်ကြားချက်​ဟာ လက်တွေ့မကျပုံ​ပေါက်နိုင်တယ်။ ညွှန်ကြားချက် လိုက်နာဖို့ ခိုင်မာတဲ့ ယုံကြည်ခြင်း လိုအပ်တယ်။

10. Upna kip in bang sem dingin Khristiante tawsawn a hiam? (Hebru 13:17)

^၁၀ အသင်းတော်ကို ညွှန်ကြား​ဖို့ ယေရှု အသုံးပြုသူတွေကို​လည်း ဟီဘရူး​ခရစ်ယာန်တွေ ယုံကြည်ဖို့ လိုအပ်တယ်။ ဘယ်အချိန်၊ ဘယ်လို ပြေး​ရမယ်​ဆိုတာနဲ့ပတ်သက်ပြီး ဦးဆောင်နေသူ​တွေ သတ်သတ်မှတ်မှတ် ညွှန်ကြား​ပေးခဲ့​ပုံ​ရတယ်။ (ဟီဘရူး ၁၃:၁၇ ကို ဖတ်ပါ။) “နာခံ​ပါ” ဆိုပြီး ဟီဘရူး ၁၃:၁၇ မှာ ပေါလု သုံးတဲ့ ဂရိ​စကားလုံး​က နာခံဖို့ တာဝန်ရှိ​လို့ မဟုတ်ဘဲ ဦးဆောင်နေသူ​တွေ​ကို ယုံလို့ နာခံတာ ဖြစ်သင့်​ကြောင်း ဖော်ပြတယ်။ ဒါကြောင့် ဟီဘရူး​ခရစ်ယာန်တွေဟာ ဦးဆောင်နေသူ​တွေ​ကို ဒုက္ခ​ကာလ မ​ရောက်​ခင်ကတည်းက ယုံကြည်​စိတ်ချ​တတ်​အောင် လုပ်ထားဖို့ လိုအပ်တယ်။ ဦးဆောင်နေသူ​တွေ​ရဲ့ ညွှန်ကြားချက်တွေကို အေးချမ်း​တဲ့ ကာလမှာ နာခံ​မှ ဒုက္ခ​ကာလမှာ နာခံဖို့ လွယ်​မယ်။

11. Tu huna Khristian te’n upna kip a neih ding uh bang hang thupi a hiam?

^၁၁ ဒီနေ့ခေတ် ခရစ်ယာန်တွေ​လည်း ခိုင်မာတဲ့ ယုံကြည်ခြင်း ရှိဖို့ အရေးကြီးတယ်။ ဘာကြောင့်လဲ။ ဒီလောကစနစ်​အဆုံး ရောက်​တော့မယ်ဆိုတာ​ကို လူအများစု မယုံတဲ့၊ ကဲ့ရဲ့​လှောင်ပြောင်​တဲ့ ခေတ်ကာလမှာ အသက်ရှင်နေ​ရလို့ပဲ။ (၂ ပေ. ၃:၃၊ ၄) ဒါ့အပြင် ကြီးစွာသောဒုက္ခအတွင်း ဘာတွေ ဖြစ်မယ်​ဆိုတာ ကျမ်းစာမှာ ဖော်ပြထားလို့ ကျွန်တော်တို့ တော်တော်​များများ သိထားတယ်။ ဒါပေမဲ့ မသိတာ​တွေ​လည်း ရှိတယ်။ သတ်မှတ်ထားချိန်​မှာ ဒီလောကစနစ်​အဆုံး ရောက်လာမယ်၊ ကျွန်တော်တို့ကို ယေဟောဝါ စောင့်ရှောက်မယ်ဆိုတာ အခိုင်အမာ ယုံကြည်ရမယ်။—ဟဗ. ၂:၃။

12. Gimna lianpi-ah suahtat nadingin bang in hong huh ding a hiam?

^၁၂ ဒီနေ့​အချိန်မှာ “သစ္စာနဲ့ သတိပညာရှိတဲ့ ကျွန်” ကို သုံးပြီး ယေဟောဝါ ညွှန်ကြား​နေတယ်ဆိုတာ​လည်း ကျွန်တော်တို့ အခိုင်အမာ ယုံကြည်ရမယ်။ (မ. ၂၄:၄၅) ဂျေရုဆလင်​မြို့ကို ရောမ​စစ်တပ် ဝိုင်းရံချိန်မှာ အသက်ကယ် ညွှန်ကြားချက်တွေကို ဟီဘရူး​ခရစ်ယာန်တွေ ရခဲ့​သလို​ပဲ ကြီးစွာသောဒုက္ခ စချိန်​မှာ သတ်သတ်မှတ်မှတ် ညွှန်ကြားချက်တွေကို ကျွန်တော်တို့ ရလာနိုင်တယ်။ အခု​အချိန်ဟာ အဖွဲ့အစည်းကို ဦးဆောင်နေသူ​တွေ​ရဲ့ ညွှန်ကြားချက်တွေကို ယုံကြည်​စိတ်ချ​တတ်​အောင် လုပ်ထား​ရမယ့် အချိန်​ပဲ။ ညွှန်ကြားချက်တွေကို အခု​အချိန်မှာ လိုက်နာဖို့ ခက်နေရင် ကြီးစွာသောဒုက္ခအတွင်း စိတ်ချလက်ချ လိုက်နာဖို့ ပို​ခက်​မယ်။

13. Hebru 13:5 a thuhilhna bang hangin thupi a hiam?

^၁၃ ဘယ်အချိန်၊ ဘယ်လို ပြေး​ရမယ်​ဆိုတာနဲ့ပတ်သက်ပြီး ညွှန်ကြားချက် စောင့်​နေတုန်း ဟီဘရူး​ခရစ်ယာန်တွေဟာ ဝတ်ပြုရေးကို ဦးစားထား​တဲ့ ဘဝ​ပုံစံနဲ့ နေ​ခဲ့ကြရတယ်။ “ငွေ​တပ်မက်​တာကို ရှောင်” ခဲ့ကြရတယ်။ (ဟီဘရူး ၁၃:၅ ကို ဖတ်ပါ။) ခရစ်ယာန်​တချို့ဟာ အငတ်ဘေး၊ ဆင်းရဲဒုက္ခ ကြုံခဲ့ဖူး​တယ်။ (ဟီ. ၁၀:၃၂-၃၄) သတင်းကောင်း​အတွက် အခက်အခဲတွေကို ကျေကျေနပ်နပ် ခံရပ်ခဲ့​ပေမဲ့ နောက်နောင် ဒီလို​ဒုက္ခတွေ မ​ကြုံရဖို့​ဆိုရင် ငွေ​ရှိမှ ဖြစ်မယ်​ဆိုတဲ့ အတွေး ဝင်​သွား​ကြ​ပုံ​ပဲ။ ဒါပေမဲ့ ဂျေရုဆလင်​မြို့ ဖျက်ဆီး​ခံရချိန်မှာ ငွေ​က ကယ်တင်​နိုင်​မှာ မဟုတ်ဘူး။ (ယာ. ၅:၃) ပို​ဆိုး​တာက ပစ္စည်းဥစ္စာ​မက်​ရင် အိမ်နဲ့ ပိုင်ဆိုင်ရာတွေ ထားခဲ့ပြီး ထွက်ပြေးဖို့ ပို​ခက်​မယ်။

14. Upna kip in neihlelamte tawh kisai-in koi bang thukhensatnate hong bawlsak ding a hiam?

^၁၄ ဒီလောကစနစ်​အဆုံး ရောက်လာတော့မယ်ဆိုတာ အခိုင်အမာ ယုံကြည်ရင် ငွေ​တပ်မက်​တာကို ကျွန်တော်တို့ ရှောင်နိုင်မယ်။ “ယေဟောဝါ အမျက်ထွက်​တဲ့​နေ့မှာ ရွှေ​ငွေတွေ ကယ်တင်​နိုင်​မှာ မဟုတ်” မှန်း လူတွေ သဘောပေါက်​သွား​ကြ​မှာ ဖြစ်လို့ “ငွေကို လမ်းပေါ် လွှင့်ပစ်​လိမ့်မယ်။” (ယေဇ. ၇:၁၉) ဒါကြောင့် ငွေ ရှာ​နိုင်သမျှ ရှာဖို့ အာရုံမစိုက်ပါနဲ့။ မ​ပို​လွန်း၊ မလို​လွန်း ဘဝ​ပုံစံနဲ့ နေနိုင်​မယ့် ဆုံးဖြတ်ချက်တွေ ချပါ။ မလိုအပ်ဘဲ အကြွေးတင်​မခံပါနဲ့။ ပိုင်ဆိုင်ရာတွေ ထိန်းသိမ်း​တာ​နဲ့​ပဲ အချိန်ကုန်​တာ​မျိုး အဖြစ်မခံပါနဲ့။ ပိုင်ဆိုင်ရာတွေကို အလွန်အမင်း မ​ဖက်တွယ်​ပါ​နဲ့။ (မ. ၆:၁၉၊ ၂၄) ဒီလောကစနစ်​အဆုံး နီးလာလေ ယေဟောဝါကို အားကိုး​သ​လား၊ ပိုင်ဆိုင်ရာတွေကို အားကိုး​သ​လား​ဆိုတာ ရွေးချယ်ရမယ့် အခြေအနေတွေ ကြုံလာရနိုင်တယ်။

“THUAK ZAWHNA KISAM”

15. Hebru Khristian te’n thuak zawhna a neih ding uh bang hangin kisam phadiak a hiam?

^၁၅ ယုဒပြည်မှာ အခြေအနေတွေ ပိုဆိုးလာတာနဲ့အမျှ ဟီဘရူး​ခရစ်ယာန်တွေဟာ ယုံကြည်ခြင်း စမ်းသပ်မှုတွေ ခံရပ်​ခဲ့ကြရတယ်။ (ဟီ. ၁၀:၃၆) တချို့က နှိပ်စက်ညှဉ်းပန်းမှု အကြီးအကျယ် ကြုံဖူး​ပေမဲ့ တော်တော်​များများ​က အေးချမ်း​တဲ့ ကာလမှာ ခရစ်ယာန် ဖြစ်လာတာ။ ဘာပဲဖြစ်ဖြစ် ယေရှုလို သွေး​မြေ​ကျတဲ့​အထိ မခံရသေး​လို့ ရှေ့မှာ ကြုံရမယ့် ယုံကြည်ခြင်း စမ်းသပ်မှုတွေ​အတွက် အသင့်ပြင်ထား​ဖို့ ပေါလု သတိပေးတယ်။ (ဟီ. ၁၂:၄) ခရစ်ယာန်​ဘာသာ ပျံ့နှံ့​လာတာ​နဲ့အမျှ ဆန့်ကျင်သူတွေ ပို​မုန်းတီး​ရန်လို​လာကြတယ်။ ဟီဘရူး​ကျမ်း မရေးခင် နှစ်​အနည်းငယ်​တုန်းက ဂျေရုဆလင်​မြို့ကို ပေါလု ရောက်လာလို့ လူတွေ ဆူပူ​အုံကြွ​သွား​သေးတယ်။ “သူ့ကို မသတ်ရသေးခင် စားသောက်​မိရင် ကျိန်စာ​သင့်​ပါ​စေ” ဆိုပြီး ဂျူး​အယောက် ၄၀ ကျော် ကျိန်ကြတယ်။ (တ. ၂၂:၂၂။ ၂၃:၁၂-၁၄) မုန်းတီး​ရန်လို​ခံရမယ်​ဆိုပေမဲ့ ခရစ်ယာန်တွေဟာ ဝတ်ပြုဖို့ စုဆုံ​ကြရမယ်၊ ဟောပြော​ကြရမယ်၊ ယုံကြည်ခြင်း ခိုင်မာအောင် လုပ်ကြရမယ်။

16. Ze-etnate tawh kisai-a mundan man neih nadingin Paul’ laikhak in koi bangin hong huh thei a hiam? (Hebru 12:7)

^၁၆ စမ်းသပ်မှုတွေ​ကို ဟီဘရူး​ခရစ်ယာန်တွေ ခံရပ်နိုင်ဖို့​ဆိုရင် အမြင်မှန် ရှိရမယ်ဆိုတာ ပေါလု သိတယ်။ ဒါကြောင့် စမ်းသပ်မှုတွေ​ကို ဘုရားရဲ့ လေ့ကျင့်မှု​လို့ သဘောထားဖို့ ပြောတယ်။ (ဟီဘရူး ၁၂:၇ ကို ဖတ်ပါ။) ဒီလို​လေ့ကျင့်မှု​တွေ​က အရည်အသွေးကောင်း​တွေ ရှိလာ​စေ​တယ်၊ ရှိပြီး​သား အရည်အသွေးတွေကို တိုးတက်လာ​စေ​တယ်။ စမ်းသပ်မှု​ကနေ ရလာမယ့် အကျိုးကျေးဇူးတွေကို အာရုံစိုက်မယ်ဆိုရင် ခံရပ်ဖို့ ပိုလွယ်တယ်။—ဟီ. ၁၂:၁၁။

17. Bawlsiatnate thuak zawhna tawh kisai-in Paul in bangteng na thei a hiam?

^၁၇ သန္နိဋ္ဌာန် အခိုင်အမာ ချပြီး စမ်းသပ်မှုတွေ ခံရပ်ဖို့ ဟီဘရူး​ခရစ်ယာန်တွေကို ပေါလု အားပေးတယ်။ ပေါလုဟာ ဒီလိုအားပေးနိုင်တဲ့ အနေအထားမှာ ရှိတယ်။ ကိုယ်တိုင်​ဟာ ခရစ်ယာန်တွေကို နှိပ်စက်​ညှဉ်းပန်း​သူ ဖြစ်ခဲ့​လို့ နှိပ်စက်ညှဉ်းပန်းသူ​တွေ ဘယ်လောက် ရက်စက်​သလဲ​ဆိုတာ သိတယ်။ ကိုယ်တိုင် ခရစ်ယာန် ဖြစ်လာပြီးနောက်​မှာ အမျိုးမျိုး နှိပ်စက်​ညှဉ်းပန်း​ခံခဲ့ရလို့ ဘယ်လို ခံရပ်ရမယ်​ဆိုတာ​လည်း သိတယ်။ (၂ ကော. ၁၁:၂၃-၂၅) ဒါကြောင့် ခံရပ်နိုင်ဖို့ ဘာလုပ်ပါဆိုပြီး ပြော​နိုင်​တာ။ စမ်းသပ်ခံရတဲ့အခါ ကိုယ့်ကိုယ်ကိုယ် မဟုတ်ဘဲ ယေဟောဝါကို အားကိုးဖို့ လိုကြောင်း သတိပေးတယ်။ အဲဒီလို​အားကိုးလို့​လည်း “ယေဟောဝါဟာ ကူညီ​မစရှင် ဖြစ်တဲ့အတွက် ငါ ဘာကိုမှ မကြောက်ဘူး” လို့ ပေါလု ရဲရဲဝံ့ဝံ့ ပြော​နိုင်​တာ။—ဟီ. ၁၃:၆။

18. Mailamah bang thu tuak ding ihi hiam? Bang sep ding kisam a hiam?

^၁၈ ဒီနေ့လည်း ညီအစ်ကို/မတချို့ဟာ နှိပ်စက်​ညှဉ်းပန်း​ခံနေကြရတယ်။ ဆုတောင်းပေး​ခြင်း၊ လက်တွေ့ကျကျ ကူညီနိုင်​ရင် ကူညီပေးခြင်းအားဖြင့် သူတို့ကို မေတ္တာ​ပြနိုင်တယ်။ (ဟီ. ၁၀:၃၃) “ခရစ်တော်​ယေရှုရဲ့ နောက်လိုက်​အနေနဲ့ ဘုရားတရား​ကိုင်းရှိုင်း​တဲ့ အသက်တာနဲ့ နေချင်​သူတိုင်းဟာ ညှဉ်းဆဲခံရမှာပဲ” လို့ ကျမ်းစာမှာ ရှင်းရှင်းလင်းလင်း ဖော်ပြထားတယ်။ (၂ တိ. ၃:၁၂) ဒါကြောင့် ရှေ့မှာ ကြုံရမယ့်​အရာတွေအတွက် ကျွန်တော်တို့​အားလုံး အသင့်ပြင်ထား​ရမယ်။ ရှေ့မှာ ဘာစမ်းသပ်မှု​ပဲ ကြုံရပါစေ ခံရပ်နိုင်ဖို့ ယေဟောဝါ ကူညီပေးမယ်​ဆိုတာ အပြည့်အဝ ဆက်ယုံကြည်​စိတ်ချ​နေ​ကြရအောင်။ အချိန်တန်တဲ့အခါ သစ္စာရှိ ကျေးကျွန်​အားလုံးကို ယေဟောဝါ သက်သာရာ​ရစေမယ်။—၂ သက်. ၁:၇၊ ၈။

19. Gimna lianpi adingin koi bangin kigingkhol thei i hiam? (Lim zong en in.)

^၁၉ ရှေ့မှာ ကြုံရမယ့်​အရာတွေအတွက် အသင့်ဖြစ်နေဖို့ ပေါလုရဲ့ စာ​က ဟီဘရူး​ခရစ်ယာန်တွေကို ကူညီပေး​ခဲ့​မှာ သေချာတယ်။ အမှန်တရားကို ပိုသိလာအောင်၊ နက်နက်နဲနဲ နားလည်လာအောင် လုပ်ဖို့ ပေါလု အားပေးတယ်။ ဒါမှ ယုံကြည်ခြင်း ယိုင်​နဲ့​သွား​စေနိုင်​တဲ့ သွန်သင်ချက်တွေကို သူတို့ ခွဲခြား​သိမှာ၊ ငြင်းပယ်​တတ်​မှာ။ ယုံကြည်ခြင်း ခိုင်မာအောင် လုပ်ဖို့လည်း အားပေးတယ်။ ဒါမှ ယေရှုနဲ့ ဦးဆောင်နေသူ​တွေ​ရဲ့ ညွှန်ကြားချက်တွေကို သူတို့ မဆိုင်းမတွ လိုက်နာနိုင်မှာ။ ဒါ့အပြင် စမ်းသပ်ခံရတဲ့အခါ မေတ္တာရှင်​အဖ လေ့ကျင့်ပေးတာ​ကို ခံယူ​နိုင်​တဲ့ အခွင့်အရေး​လို့ သဘောထားဖို့ ပေါလု အားပေးတယ်။ ဒါမှ သူတို့ ခံနိုင်ရည် ရှိမှာ။ ကျွန်တော်တို့လည်း ဒီ​အကြံ​ပေး​ချက်​တွေ​အတိုင်း လိုက်လျှောက်​မယ်​ဆိုရင် အဆုံးထိ သစ္စာရှိရှိ ခံရပ်နိုင်​ပါလိမ့်မယ်။—ဟီ. ၃:၁၄။