Jehovah In “Lungsim Kitamte Damsak”

1. Jehovah in a mite tawh kisai-in bang ngaihsutna nei a hiam?

ကျေးကျွန်တွေ ကြုံတွေ့နေရ​သမျှ ယေဟောဝါ​ဘုရား သိတယ်။ ဝမ်းနည်း​နေ​သလား၊ ဝမ်းသာ​နေ​သ​လား သတိထားမိတယ်။ (ဆာ. ၃၇:၁၈) စိတ်ဒဏ်ရာတွေ ရှိတဲ့​ကြား​ကနေ အတတ်နိုင်ဆုံး ဝတ်ပြု​နေကြတာ မြင်တဲ့အခါ ပီတိ​ဖြစ်တယ်။ နှစ်သိမ့်​ထောက်မ​ပေးချင်တယ်။

2. Jehovah in lungsim kitamte bang hihsak a hiam? Jehovah’ hong donna pan hamphatna i ngah nadingin bang sem ding i hiam?

^၂ စိတ်ကြေကွဲနေသူတွေရဲ့ “ဒဏ်ရာ​တွေ​ကို [ယေဟောဝါ] စည်းပေး​တယ်” လို့ ဆာလံ ၁၄၇:၃ မှာ ဆိုတယ်။ စိတ်ဒဏ်ရာ​ရထား​သူတွေကို ယေဟောဝါ ကြင်ကြင်နာနာ ဂရုစိုက်​ပေးတာကို ပုံဖော်​ထားတာ​ပါ။ ယေဟောဝါရဲ့ ဂရုစိုက်​ပေး​မှု​ကနေ အကျိုးရဖို့ ဘာလုပ်ရမလဲ။ ဥပမာ၊ ဒဏ်ရာ​ရထား​သူ သက်သာ​လာအောင် ကျွမ်းကျင်​ဆရာဝန် ကုသ​ပေးနိုင်တယ်။ ဒါပေမဲ့ လူနာ​ဘက်ကလည်း ဆရာဝန်​ညွှန်ကြားချက်တွေကို တစ်သဝေမတိမ်း လိုက်နာရမယ်။ အဲဒီလိုပဲ စိတ်ဒဏ်ရာ သက်သာ​လာဖို့ ယေဟောဝါရဲ့ ညွှန်ကြားချက်တွေကို တစ်သဝေမတိမ်း လိုက်နာရမယ်။ စိတ်ဒဏ်ရာ​ရှိသူတွေကို ကျမ်းစာမှာ ယေဟောဝါ ဘာပြောထားသလဲ၊ ယေဟောဝါရဲ့ မေတ္တာပါ အကြံပြုချက်ကို ဘယ်လို လိုက်နာ​ရမလဲ​ဆိုတာ ဒီဆောင်းပါးမှာ သုံးသပ်​သွားပါမယ်။

AMA ADING MANPHA IHIHLAM JEHOVAH IN HONG LUNGMUANGSAK

3. Bang hang mi pawlkhat in amau le amau man a nei lo bangin kingaihsun uh ahiam?

^၃ ဒီနေ့​လောက​မှာ လူများစွာဟာ မေတ္တာ​ခေါင်းပါး​နေကြတယ်။ တန်ဖိုး​မရှိဘူးလို့ တစ်ဖက်သား ခံစားရအောင် လုပ်ကြတယ်။ “ကျွန်မ မိဘ​မေတ္တာ မရခဲ့ဘူး။ အဖေက စိတ်​ကြမ်း​ကိုယ်​ကြမ်း​သမား။ ‘အသုံးမကျ​ဘူး’ ဆိုတဲ့ စကား အဖေ့​ဆီ​က ကျွန်မ မကြားရ​တဲ့​နေ့ မရှိဘူး” လို့ ညီအစ်မ ဟယ်လန်a ပြောတယ်။ ဟယ်လန်​လိုပဲ သင်လည်း ဆိုးဆိုးရွားရွား ဆက်ဆံ​ခံ​ခဲ့​ရနိုင်တယ်၊ တစ်ချိန်လုံး ပျစ်ပျစ်နှစ်နှစ် ပြောဆို​ခံ​ခဲ့​ရနိုင်တယ်၊ တန်ဖိုး​မရှိဘူးလို့ ခံစားရနိုင်တယ်။ ဒါကြောင့် ကိုယ့်ကို တကယ် ဂရုစိုက်တဲ့သူ ရှိတယ်ဆိုတာ ယုံကြည်​လက်ခံဖို့ ခက်နေနိုင်တယ်။

4. Late 34:18 ah Jehovah in bang hong kamciam a hiam?

^၄ သင် ဘယ်လိုပဲ ဆက်ဆံ​ခံခဲ့ရ​ပါ​စေ သင့်ကို ယေဟောဝါ ချစ်တယ်၊ တန်ဖိုးထားတယ်ဆိုတာ စိတ်ချနိုင်ပါတယ်။ ယေဟောဝါဟာ “စိတ်ကြေကွဲနေသူတွေရဲ့ အနီးအပါး​မှာ ရှိတယ်။” (ဆာလံ ၃၄:၁၈ ကို ဖတ်ပါ။) “စိတ်ထောင်းကိုယ်ကြေ” ဖြစ်နေတယ်​ဆိုရင် သင့်​ဆီ​မှာ ကောင်းကွက်တွေ တွေ့လို့ ယေဟောဝါ​ကိုယ်တိုင် ဆွဲဆောင်​ထားတယ်​ဆိုတဲ့ အချက်ကို သတိရပါ။ (ယော. ၆:၄၄) သင့်ကို တန်ဖိုးထား​လွန်းလို့ ကူညီပေးဖို့ အမြဲ အသင့်ရှိတယ်။

5. Mi’ simmawhna a thuakte tungah Jesuh’ a don dan pan bang sin thei i hiam?

^၅ လူ​အထင်သေး​ခံရသူတွေ​ကို မြေကြီးပေါ် အမှုဆောင်စဉ်​အတွင်း ယေရှု သတိထားမိတယ်၊ ကရုဏာ​ထား ဆက်ဆံ​တယ်။ (မ. ၉:၉-၁၂) ရောဂါ​နှိပ်စက်​တဲ့​ဒဏ် ခံနေရတဲ့ အမျိုးသမီးတစ်ယောက် ရောဂါ​ပျောက်​ဖို့ မျှော်လင့်ချက်​နဲ့ ယေရှုရဲ့ ဝတ်လုံကို တို့​လိုက်တယ်။ ဝတ်လုံကို ဘယ်သူ တို့​သလဲ​ဆိုပြီး ယေရှု မေးတော့ အမျိုးသမီး တဆတ်ဆတ် တုန်အောင် ကြောက်သွားတယ်။ ဒါနဲ့ အမျိုးသမီးကို ယေရှု နှစ်သိမ့်​ပေးတယ်၊ ယုံကြည်ခြင်း ရှိတာကို ချီးမွမ်းတယ်။ (မာ. ၅:၂၅-၃၄) ယေရှုဟာ အဖေတူ​သား ဖြစ်တယ်။ (ယော. ၁၄:၉) ဒါကြောင့် လူတွေကို ယေရှု ဆက်ဆံပုံ​ကနေ ယေဟောဝါရဲ့ ခံစားချက်ကို သိရတယ်။ သင့်ကို ယေဟောဝါ တန်ဖိုးထားတယ်၊ မိမိအပေါ် ထားတဲ့ ယုံကြည်ခြင်း၊ မေတ္တာ စတဲ့ အရည်အသွေးကောင်းတွေကို သတိထားမိတယ်​ဆိုတာ စိတ်ချနိုင်ပါတယ်။

6. Man a nei lo danin kingaihsun ihih leh bang sem thei i hiam?

^၆ တန်ဖိုး​မရှိဘူးဆိုတဲ့ ခံစားချက် ဖျောက်​မရဘူး၊ ပြန်ပေါ်လာတယ်​ဆိုရင် ဘာလုပ်နိုင်သလဲ။ ကိုယ့်ကို ယေဟောဝါ တန်ဖိုးထားတယ်ဆိုတာ စိတ်ချ​စေ​တဲ့ ကျမ်းပိုဒ်တွေ ဖတ်ပါ၊ တွေးတောဆင်ခြင်ပါ။b (ဆာ. ၉၄:၁၉) ပန်းတိုင်​တစ်ခု မပြည့်မီ​ဘဲ ဖြစ်နေရင်၊ တခြားသူတွေ လုပ်​သ​လောက် မလုပ်နိုင်လို့ စိတ်ဓာတ်ကျ​နေ​ရင် ကိုယ့်ကိုယ်ကိုယ် အဆိုးကြီး မတွေး​လိုက်ပါ​နဲ့။ သင် လုပ်နိုင်တာ​ထက် ပိုလုပ်ဖို့ ယေဟောဝါ မ​မျှော်လင့်ပါ​ဘူး။ (ဆာ. ၁၀၃:၁၃၊ ၁၄) သင် ဆိုးဆိုးရွားရွား ဆက်ဆံ​ခံခဲ့ရတယ်​ဆိုရင် ကိုယ့်ကိုယ်ကိုယ် အပြစ်မတင်ပါနဲ့။ ဒါ သင့်​အမှား မဟုတ်ဘူး။ ခံရသူကို မဟုတ်ဘဲ ဆိုးဆိုးရွားရွား ဆက်ဆံ​သူကို ယေဟောဝါ စာရင်းရှင်း​မယ်​ဆိုတာ သတိရပါ။ (၁ ပေ. ၃:၁၂) “ကိုယ့်ကို ယေဟောဝါ မြင်သလို မျှမျှတတ မြင်တတ်ဖို့ မှန်မှန် ဆုတောင်းတယ်” ဆိုပြီး ငယ်ငယ်​က မိဘ နှိပ်စက်တာ ခံရတဲ့ ညီအစ်မ စန်ဒရာ ပြောတယ်။

7. Jehovah’ nasepna-ah i tuahkhaknate bangci zang thei ding i hiam?

^၇ တခြားသူတွေကို ကူညီပေးဖို့ သင့်ကို ယေဟောဝါ သုံးနိုင်တယ်ဆိုတာ သံသယ မရှိပါ​နဲ့။ အမှုဆောင်လုပ်ငန်းမှာ လုပ်ဖော်ဆောင်ဖက် ဖြစ်ခွင့် သင့်ကို ပေးထားတယ်။ (၁ ကော. ၃:၉) ဘဝမှာ ကြုံခဲ့ရတာတွေကြောင့် တခြားသူတွေကို သင် ပို​စာနာ​နားလည်​ပေး​တတ်​လာနိုင်တယ်။ အများကြီး ကူညီပေးနိုင်တယ်။ အစောပိုင်းမှာ ဖော်ပြခဲ့တဲ့ ညီအစ်မ ဟယ်လန်​ဟာ ယေဟောဝါနဲ့ ညီအစ်ကို/မတွေ​ဆီ​က အကူအညီ ရခဲ့တယ်။ တခြားသူတွေကို​တောင် ပြန်​ကူညီပေးနိုင်​နေပြီ။ “အရင်ကဆိုရင် ကိုယ့်ကိုယ်ကိုယ် ‘ဘာမှ မဟုတ်တဲ့သူ’ လို့ ခံစားခဲ့ရတယ်။ အခုတော့ အချစ်ခံ​ရတယ်၊ အသုံးဝင်တယ်​လို့ ခံစားနေရပြီ။ ဒါ ယေဟောဝါ​ကြောင့်​ပါပဲ” လို့ ဟယ်လန် ပြောတယ်။ မှန်မှန်ရှေ့ဆောင်အဖြစ်​တောင် ပျော်ပျော်ရွှင်ရွှင် အမှုဆောင်​နေပြီ။

JEHOVAH IN A MAISAKNA HONG SANGSAK NUAM

8. Isaiah 1:18 ah Jehovah in bang hong kamciam a hiam?

^၈ နှစ်ခြင်း​မခံခင် ဒါမှမဟုတ် နှစ်ခြင်းခံပြီး​မှ လုပ်မိတဲ့ အပြစ်တွေ​အတွက် ဘုရား​ကျေးကျွန်​တချို့ နောင်တ​စိတ်နဲ့ တနုံ့နုံ့ ခံစား​နေကြတယ်။ ကျွန်တော်တို့ကို သိပ်ချစ်လို့ ယေဟောဝါ ရွေးဖိုး ပြင်ဆင်​ပေးခဲ့တယ်ဆိုတာ သတိရရမယ်။ ယေဟောဝါက ရွေးဖိုး​လက်ဆောင်ကို လက်ခံ​စေချင်တယ်။ မိမိနဲ့ “အမှုကို ဖြေရှင်း” ပြီးပြီဆိုရင်c အကြွင်းမဲ့ ခွင့်လွှတ်​မယ်​လို့ ကတိ​ပေးထားတယ်။ (ဟေရှာယ ၁:၁၈ ကို ဖတ်ပါ။) အတိတ်က အပြစ်တွေကို မေတ္တာရှင် ယေဟောဝါ မေ့ဖျောက်​ပေးတာ ကျေးဇူးတင်စရာပါပဲ။ အပြစ်တွေကို မေ့ဖျောက်​ပေမဲ့ ကျွန်တော်တို့ လုပ်ခဲ့တဲ့ ကောင်းမှုတွေကို ဘယ်တော့မှ မမေ့ဘူး။—ဆာ. ၁၀၃:၉၊ ၁၂။ ဟီ. ၆:၁၀။

9. A beisa hun hi loin tu hun le mailam hun mitsuan dingin bang hang hanciam kul i hiam?

^၉ အတိတ်က အပြစ်တွေ​အတွက် နောင်တ​စိတ်နဲ့ တနုံ့နုံ့ ခံစားနေရတယ်​ဆိုရင် အတိတ်ကို မဟုတ်ဘဲ လက်ရှိ​နဲ့ အနာဂတ်ကို အာရုံစိုက်ဖို့ ကြိုးစားပါ။ တမန်တော် ပေါလုဟာ ခရစ်ယာန်တွေကို ရက်ရက်စက်စက် နှိပ်စက်​ညှဉ်းပန်း​ခဲ့​မိ​လို့ နောင်တရတယ်။ ဒါပေမဲ့ မိမိကို ယေဟောဝါ ခွင့်လွှတ်လိုက်ပြီ​ဆိုတာ သိတယ်။ (၁ တိ. ၁:၁၂-၁၅) ဒါကြောင့် အတိတ်က အပြစ်တွေကို တနုံ့နုံ့ မတွေး​တော့​ဘူး။ လေးစား​ခံရတဲ့ ဖာရိရှဲ​အဖြစ် သူ ပြီးမြောက်​အောင်မြင်ခဲ့တာတွေ​ကို မ​စဉ်းစားသလို လုပ်ခဲ့​မိ​တဲ့ အပြစ်တွေကို​လည်း မစဉ်း​စား​တော့​ဘူး။ (ဖိ. ၃:၄-၈၊ ၁၃-၁၅) ထက်ထက်သန်သန် အမှုဆောင်တယ်။ အနာဂတ်ကို အာရုံစိုက်တယ်။ ပေါလုလိုပဲ သင်လည်း အတိတ်ကို ပြောင်းလဲ​လို့​မရဘူး။ ဒါပေမဲ့ လုပ်လို့​ရတာ ရှိပါတယ်။ လက်ရှိ​အခြေအနေမှာ ယေဟောဝါကို ဂုဏ်တင်​တာ၊ ယေဟောဝါ ကတိ​ပေးထားတဲ့ တောက်ပတဲ့ အနာဂတ်ကို အာရုံစိုက်တာ​ပါ။

10. I gamtatna hanga midangte sukha ahih leh bang sem thei i hiam?

^၁၀ သင့်​လုပ်ရပ်​တချို့ကြောင့် တခြားသူတွေ ထိခိုက်​နစ်နာ​ခဲ့​လို့ သင် စိတ်မကောင်း​ဖြစ်နေတယ်​ဆိုရင် ဘာလုပ်နိုင်သလဲ။ ထိခိုက်​နစ်နာမှု​တွေ​ကို ဖာထေး​ဖို့ လုပ်နိုင်တာ လုပ်ပါ။ စိတ်ရင်းမှန်နဲ့ တောင်းပန်​ပါ။ (၂ ကော. ၇:၁၁) သင့်​လုပ်ရပ်ကြောင့် ထိခိုက်​နစ်နာ​သွား​သူတွေကို ကူညီပေးပါ​လို့ ယေဟောဝါဆီ ဆုတောင်းပါ။ သင်နဲ့ သင့်​ကြောင့် ထိခိုက်​နစ်နာ​သွား​သူ​တွေ ဘုရားရေးရာမှာ မယိမ်းယိုင်​ဖို့၊ စိတ်​ငြိမ်သက်​ဖို့ ယေဟောဝါ ကူညီပေးနိုင်တယ်။

11. Kamsang Jonah kiang pan bang sin thei i hiam? (Lim zong en in.)

^၁၁ အမှားတွေ​ကနေ သင်ခန်းစာ ယူပါ။ ကိုယ့်ကို ယေဟောဝါ ဘယ်လိုပဲ သုံးသုံး လိုလိုလားလား အသုံးတော်ခံ​ပါ။ ပရောဖက် ယောနဟာ အရှေ့​အရပ်​က နိနဝေ​မြို့ကို သွားပါ​ဆိုတဲ့ ဘုရား​ညွှန်ကြားချက်ကို နားမထောင်ဘဲ အနောက်​အရပ်​က တာ​ရှိ​ပြည်ကို ထွက်ပြေး​သွားတယ်။ ဒါနဲ့ ယေဟောဝါ ဆုံးမတယ်။ အမှားကနေ ယောန သင်ခန်းစာ ယူတယ်။ (ယောန ၁:၁-၄၊ ၁၅-၁၇။ ၂:၇-၁၀) ယောန​ကို ယေဟောဝါ မစွန့်ပစ်​ဘူး။ နိနဝေ​မြို့ကို သွားဖို့ အခွင့်အရေး နောက်တစ်ကြိမ် ပေးတယ်။ ဒီတစ်ကြိမ်​တော့ ယောန ချက်ချင်း နားထောင်တယ်။ အမှား​လုပ်မိ​လို့ နောင်တရ​ပေမဲ့ ယေဟောဝါ ပေးတဲ့ တာဝန်ကို လက်မခံဘဲ မနေဘူး။—ယောန ၃:၁-၃။

JEHOVAH IN A KHA SIANGTHO THAHATNA TUNGTAWNIN HONG LUNGNUAMSAK

12. Siatna i tuah ciang Jehovah in koi bangin lungdaihna hong pia a hiam? (Filippi 4:6, 7)

^၁၂ ကျွန်တော်တို့ အဖြစ်ဆိုး ကြုံရတဲ့အခါ သန့်ရှင်းသော စွမ်းအားတော်က​တစ်ဆင့် ယေဟောဝါ စိတ်ဒဏ်ရာ သက်သာ​စေ​တယ်။ ရွန်​နဲ့ ကယ်ရို​တို့ ဇနီးမောင်နှံ​အကြောင်း စဉ်းစားကြည့်ပါ။ သား​ဖြစ်သူ ကိုယ့်ကိုယ်ကိုယ် သတ်​သေသွား​လို့ ဝမ်းနည်း​ပက်လက်​ဖြစ်ခဲ့ကြတယ်။ “စမ်းသပ်မှု အမျိုးမျိုး ကြုံဖူး​ပါတယ်။ ဒီ​တစ်ခုကတော့ ခံရ​အခက်ဆုံး​ပဲ။ အိပ်မပျော်တဲ့ ည​ပေါင်း မနည်း​ဘူး။ ဒါပေမဲ့ ယေဟောဝါဆီ ဆုတောင်း​လိုက်တဲ့အခါ ဖိလိပ္ပိ ၄:၆၊ ၇ မှာ ဖော်ပြထားတဲ့ ငြိမ်သက်ခြင်းကို တကယ် ခံစားရတယ်” လို့ ပြောကြတယ်။ (ဖတ်ပါ။) သင်လည်း အဖြစ်ဆိုး ကြုံရလို့ စိတ်​ကြေကွဲ​နေတယ်​ဆိုရင် ယေဟောဝါဆီ ရင်ဖွင့်​ဆုတောင်းပါ။ ဘယ်နှကြိမ်​ပဲ​ဖြစ်ဖြစ်၊ ဘယ်လောက်ပဲ​ကြာ​ကြာ ဆုတောင်းလို့​ရတယ်။ (ဆာ. ၈၆:၃။ ၈၈:၁) သန့်ရှင်းသော စွမ်းအားတော် ထပ်တလဲလဲ တောင်းခံပါ။ သင့်​တောင်းခံချက်​ကို ယေဟောဝါ ဘယ်တော့မှ လျစ်လျူမရှု​ဘူး။—လု. ၁၁:၉-၁၃။

13. Citak taka Jehovah i biaksuak nadingin kha siangtho thahatna in koi bangin hong huh thei a hiam? (Effesa 3:16)

^၁၃ အဖြစ်ဆိုး​တစ်ခုခုကြောင့် သင် ရုပ်သေး​ကြိုးပြတ် ဖြစ်​နေ​သ​လား။ ယေဟောဝါကို သစ္စာရှိရှိ ဆက်​ဝတ်ပြုဖို့ သန့်ရှင်းသော စွမ်းအားတော်က အားဖြည့်​ပေးနိုင်တယ်။ (ဧဖက် ၃:၁၆ ကို ဖတ်ပါ။) ညီအစ်မ ဖလော်ရာ​အကြောင်း စဉ်းစားကြည့်ပါ။ ခင်ပွန်းနဲ့​အတူ သာသနာပြုတွေ​အဖြစ် အမှုဆောင်​နေတုန်းမှာ​ပဲ ခင်ပွန်း သစ္စာဖောက်​လို့ ကွာရှင်း​လိုက်ကြတယ်။ “သစ္စာဖောက်​ခံလိုက်ရတယ်​ဆိုတဲ့ အတွေး​ကို ခေါင်းထဲ​ကနေ ထုတ်​လို့​မရဘူး။ ခံရပ်နိုင်ဖို့ ယေဟောဝါဆီကနေ သန့်ရှင်းသော စွမ်းအားတော် တောင်းခံတယ်။ ကျွန်မကို ယေဟောဝါ စိတ်ဒဏ်ရာ သက်သာ​လာ​စေ​တယ်။ ဘယ်လိုမှ ခံရပ်နိုင်​မှာ မဟုတ်ဘူးလို့ ထင်​ခဲ့​တဲ့ အခြေအနေကို ခံရပ်နိုင်စေတယ်” လို့ ပြောတယ်။ ယုံကြည်ခြင်း တိုးများလာဖို့ ဘုရား ကူညီပေးတယ်၊ ဘယ်အခက်အခဲကိုမဆို ခံရပ်နိုင်ဖို့ ကူညီပေး​ဦး​မယ်​လို့ ဖလော်ရာ ခံစားရတယ်။ “ဆာလံ ၁၁၉:၃၂ မှာ ပြော​ထား​သလို​ပါပဲ ‘ခံယူ​တတ်တဲ့​စိတ်ကို ကိုယ်တော် ပေး​ထားတဲ့အတွက် ပညတ်​လမ်းစဉ်တွေကို မက်မက်မောမော လိုက်လျှောက်​မယ်’” လို့ ဖလော်ရာ ပြောတယ်။

14. Kha siangtho thahatna i ngah nadingin bang teng sem thei i hiam?

^၁၄ သန့်ရှင်းသော စွမ်းအားတော် ရဖို့ ဆုတောင်းပြီး​ရင် ဘာတွေ လုပ်နိုင်သလဲ။ စွမ်းအားတော် သက်ရောက်​မယ့်​အရာတွေ လုပ်ပါ။ အစည်းအဝေး တက်ပါ။ ဟောပြောပါ။ နေ့တိုင်း ကျမ်းစာ​ဖတ်ခြင်းအားဖြင့် ကိုယ့်စိတ်နှလုံးကို ယေဟောဝါရဲ့ အတွေးတွေ​နဲ့ ဖြည့်ပါ။ (ဖိ. ၄:၈၊ ၉) ကျမ်းစာ​ဖတ်တဲ့အခါ အဖြစ်ဆိုး ကြုံခဲ့ရတဲ့ ကျမ်းစာ​ဇာတ်ကောင်တွေ​အကြောင်း သတိပြုပါ။ သူတို့ ခံရပ်နိုင်ဖို့ ယေဟောဝါ ဘယ်လို ကူညီပေးခဲ့တယ်ဆိုတာ စဉ်းစားပါ။ အစောပိုင်းမှာ ဖော်ပြခဲ့တဲ့ ညီအစ်မ စန်ဒရာ အခက်အခဲတွေ တ​သီ​တ​တန်း ကြုံခဲ့ရတယ်။ “ယောသပ်​အကြောင်း ကျမ်းမှတ်တမ်းက တကယ် စိတ်ထိမိ​စေ​တယ်။ အခက်အခဲတွေ၊ မတရားမှုတွေ ကြုံရပေမဲ့ ယေဟောဝါနဲ့ ဆက်ဆံရေးကို ယောသပ် အ​ထိခိုက်​မခံ​ဘူး” လို့ ပြောတယ်။—က. ၃၉:၂၁-၂၃။

JEHOVAH IN UNAUTE TUNGTAWNIN HONG LUNGNUAMSAK

15. Kuate in hong huh thei a, koi bangin hong huh thei ding uh a hiam? (Lim zong en in.)

^၁၅ ညီအစ်ကို/မတွေ​ကတစ်ဆင့် ယေဟောဝါ မေတ္တာ​ပြတယ်။ ကျွန်တော်တို့ ဒုက္ခရောက်တဲ့အခါ ညီအစ်ကို/မတွေ “တကယ် အားပေး​ထောက်မ” နိုင်တယ်။ (ကော. ၄:၁၁) ရင်ဖွင့်​တာကို စာနာမှု​ရှိရှိ နားထောင်​ပေးနိုင်တယ်။ ဘေးမှာ အတူတူ ရှိနေ​ပေးနိုင်တယ်။ ကျမ်းပိုဒ်​တစ်ပိုဒ် သုံးပြီး အားပေးနိုင်တယ်။ အတူတူ ဆုတောင်းပေးနိုင်တယ်။d (ရော. ၁၅:၄) ခံနိုင်ရည် ရှိစေဖို့ ရည်ရွယ်ချက်နဲ့ ယေဟောဝါ တွေးသလို တွေးဖို့ သတိပေးနိုင်တယ်။ အစားအသောက် ပြင်ဆင်​ပေးတာ​လို​မျိုး လက်တွေ့ကျကျ ကူညီပေးတာလည်း ဖြစ်နိုင်တယ်။

16. Midangte kiang pan huhna i ngah nadingin bang sem ding i hiam?

^၁၆ တခြားသူတွေ​ဆီ​က အားပေး​ထောက်မမှု ရဖို့​ဆိုရင် ကိုယ့်ဘက်က တောင်းခံဖို့ လို​တတ်တယ်။ ညီအစ်ကို/မတွေ​က ကျွန်တော်တို့ကို ချစ်တယ်၊ ကူညီပေးချင်တယ်။ (ပညာ. ၁၇:၁၇) ဒါပေမဲ့ ကျွန်တော်တို့ ဘယ်လို ခံစားနေရတယ်၊ ဘာ​လိုအပ်တယ်ဆိုတာ သိချင်​မှ သိမယ်။ (ပညာ. ၁၄:၁၀) ဒါကြောင့် စိတ်သောက​ရောက်နေတယ်​ဆိုရင် ရင့်ကျက်တဲ့ မိတ်ဆွေတွေကို ရင်ဖွင့်​ပါ။ ဘာက ကိုယ့်အတွက် အကူအညီ ဖြစ်နိုင်တယ်ဆိုတာ ပြောပြပါ။ ရင်းနှီးတဲ့ အကြီးအကဲ တစ်ယောက်၊ နှစ်ယောက်ကို ရင်​ဖွင့်နိုင်တယ်။ ညီအစ်မ​တချို့ကျတော့ ရင့်ကျက်တဲ့ ညီအစ်မ​တစ်ယောက်ယောက်​ဆီ ရင်ဖွင့်​တဲ့အတွက် စိတ်သက်သာရာ​ရခဲ့ကြတယ်။

17. Bang thute hanga midangte’ huhna nial kha thei i hiam? I nial khak loh nadingin bang teng sem thei i hiam?

^၁၇ တစ်သီးပုဂ္ဂလ မနေပါနဲ့။ စိတ်သောက​ရောက်နေချိန်​မှာ တခြားသူတွေနဲ့ မ​တွေ့ချင်​တာ ဖြစ်နိုင်တယ်။ တစ်ခါတလေ ညီအစ်ကို/မတွေ အထင်မှား​တာ၊ စကား​မှားတာ ဖြစ်နိုင်တယ်။ (ယာ. ၃:၂) ဒါပေမဲ့ ဒီ​အကြောင်းရင်းတွေကြောင့် သူတို့ကို မရှောင်​ပါ​နဲ့။ သူတို့ကို သုံးပြီး သင့်ကို ယေဟောဝါ အားပေး​ထောက်မနိုင်တယ်။ “ရွေးချယ်စရာ မရှိတဲ့ အဆုံးမှာ​မှ မိတ်ဆွေတွေကို ဆက်သွယ်​ချင်​မိတယ်” လို့ စိတ်ကျ​ဝေဒနာ ခံစားနေရတဲ့ အကြီးအကဲ ညီအစ်ကို ဂါဗင် ပြောတယ်။ ဒါပေမဲ့ ညီအစ်ကို/မတွေနဲ့ ပေါင်းသင်း​ဖို့ ဂါဗင် ကြိုးစားတဲ့အတွက် အကျိုး​ရခဲ့တယ်။ “ဘဝမှာ ကြုံခဲ့ရတာတွေကြောင့် လူတွေကို မယုံ​ရဲ​တော့​ဘူး။ ဒါပေမဲ့ ညီအစ်ကို/မတွေကို ယေဟောဝါ ချစ်​သလို ချစ်တတ်​ဖို့၊ ယုံသလို ယုံတတ်​ဖို့ ကြိုးစား​နေပါတယ်။ ကျွန်မ ဒီလို​ကြိုးစား​နေ​လို့ ယေဟောဝါ ပျော်​မယ်​ဆိုတာ ကျွန်မ သိတယ်။ အဲဒီ​အသိကြောင့် ကျွန်မ​လည်း ပျော်ရတယ်” လို့ ညီအစ်မ အေမီ ပြောတယ်။

HONG DAMSAK DING CIH JEHOVAH KAMCIAMNA IN HONG LUNGNUAMSAK

18. Bang lungmuang thei i hiam? Tu hunah bang sem thei i hiam?

^၁၈ ကျွန်တော်တို့ရဲ့ ခန္ဓာပိုင်း၊ စိတ်ပိုင်း ဒဏ်ရာ​အားလုံးကို မကြာခင် ယေဟောဝါ အရှင်း ကုသ​ပေးမယ်​ဆိုတာ စိတ်ချနိုင်ပါတယ်။ (ဗျာ. ၂၁:၃၊ ၄) အဲဒီအချိန် ရောက်ရင် အရင်က ကြုံခဲ့ရတဲ့ နာကျင်စရာ​တွေ “စိတ်ထဲ ပေါ်လာတော့မှာ မဟုတ်ဘူး။” (ဟေရှာ. ၆၅:၁၇) လောလောဆယ်မှာ​တောင် ကျွန်တော်တို့ရဲ့ “ဒဏ်ရာ​တွေ​ကို [ယေဟောဝါ] စည်းပေး” နေတယ်။ စိတ်ဒဏ်ရာ သက်သာ​ဖို့ ယေဟောဝါ မေတ္တာပါပါ ပြင်ဆင်ပေးထားတာ​တွေ​ကနေ အကျိုးအပြည့်အဝ ရယူပါ။ “ဘုရားသခင်ဟာ [ကျွန်တော်တို့ကို] ဂရုစိုက်တဲ့ အရှင်” ဖြစ်တယ်ဆိုတာ နည်းနည်းလေး​မှ သံသယ မဝင်ပါနဲ့။—၁ ပေ. ၅:၇။