Jehovah’ Itna Hanga I Ngah Thuphate

1. Koi bang danin Jehovah lungdamsak thei i hiam?

ချစ်ခင်​ရ​သူတစ်ယောက်ကို လှ​လည်း လှ၊ အ​သုံး​လည်း တည့်​တဲ့ လက်ဆောင်​တစ်ခု ပေးတယ်​ဆိုပါစို့။ လက်ဆောင်ကို သူ ချောင်ထိုး​ထား​လိုက်ရင် သင် ဝမ်းနည်း​မိ​မှာ​ပဲ။ လက်ဆောင်ကို သူ ကောင်းကောင်း သုံး​နေတယ်၊ လက်ဆောင်​အတွက် ကျေးဇူးတင်တယ်​ဆိုရင်တော့ သင် ဝမ်းသာ​မှာ သေချာတယ်။ ရွေးဖိုး​လက်ဆောင်​နဲ့​ပတ်သက်လာရင်​ကော။ သားတော်ကို အသေခံ​စေ​ပြီးတော့​တောင် ကျွန်တော်တို့ကို ယေဟောဝါ​ဘုရား ရွေးဖိုး​လက်ဆောင် ပေးထားတာ။ အဖိုးတန် ဒီ​လက်ဆောင်​အတွက်၊ လက်ဆောင် ပေးဖို့ လှုံ့ဆော်​ပေးတဲ့ မေတ္တာတော်​အတွက် ကျွန်တော်တို့ ကျေးဇူးတင်ကြောင်း ပြ​ရင် ယေဟောဝါ ဘယ်လောက် ဝမ်းသာ​လိုက်မလဲ။—ယော. ၃:၁၆။ ရော. ၅:၇၊ ၈။

2. Hih thulu-ah bang thu kikum ding i hiam?

^၂ အချိန်​ကြာလာတာနဲ့အမျှ ရွေးဖိုး​လက်ဆောင်​အတွက် ကျွန်တော်တို့ ကျေးဇူးတင်စိတ် လျော့​လာနိုင်တယ်။ ကျေးဇူးတင်စိတ် လျော့​လာ​ရင် ဘုရားပေး​လက်ဆောင်ကို ချောင်ထိုး​လိုက်​ရာ ရောက်သွားမယ်။ အဲဒီလို​မဖြစ်ဖို့ ဘုရားနဲ့ ခရစ်တော် လုပ်ပေးခဲ့​သမျှ​အတွက် ကျေးဇူးတင်စိတ် အမြဲ ရှိအောင် လုပ်နေရမယ်။ ဘယ်လို လုပ်နိုင်​ကြောင်း ဒီဆောင်းပါး​ကနေ သိရမယ်။ ရွေးဖိုးကြောင့် လောလောဆယ် ဘာ​အကျိုးရနေ​သလဲ၊ အနာဂတ်မှာ ဘာအကျိုး​ရနိုင်သလဲ​ဆိုတာ ဆွေးနွေး​ကြ​မယ်။ အထူးသဖြင့် အောက်မေ့ရာ​ကာလအတွင်း ယေဟောဝါရဲ့ မေတ္တာ​အတွက် ဘယ်လို ကျေးဇူး​တုံ့ပြန်​နိုင်သလဲ​ဆိုတာ​လည်း သုံးသပ်​သွားပါမယ်။

TU HUNAH ZONG TATKHIATNA IN HONG HAMPHATPIH DAN

3. Tu hunah tatkhiatna hanga i ngah hamphatna khat in bang a hiam?

^၃ ခရစ်တော်ရဲ့ ရွေးဖိုး​ပူဇော်သက္ကာကြောင့် အခုကတည်းက ကျွန်တော်တို့ အကျိုးရနေကြတယ်။ ဥပမာ၊ ရွေးဖိုး​ကို အခြေခံပြီး ကျွန်တော်တို့ကို ယေဟောဝါ အပြစ်​ခွင့်လွှတ်ပေးတယ်။ တာဝန်ရှိ​လို့ မဟုတ်ဘဲ ခွင့်လွှတ်​ပေးချင်တဲ့ ဆန္ဒရှိ​လို့ ခွင့်လွှတ်​ပေးတာ။ “အို ယေဟောဝါ၊ ကိုယ်တော်ဟာ ကောင်းမြတ်တယ်၊ ခွင့်လွှတ်ဖို့ အသင့်ရှိတယ်” ဆိုပြီး ကျေးဇူးတင်စိတ်​အပြည့်​နဲ့ ဆာလံ​ကျမ်း​ရေးသူ ပြောတယ်။—ဆာ. ၈၆:၅။ ၁၀၃:၃၊ ၁၀-၁၃။

4. Jehovah in kuate adingin tatkhiatna vaihawmsak a hiam? (Luka 5:32; 1 Timoti 1:15)

^၄ ယေဟောဝါရဲ့ ခွင့်လွှတ်မှု မရထိုက်ဘူးလို့ တချို့ ခံစားရနိုင်တယ်။ တကယ်တော့ ဘယ်သူမှ မရထိုက်​တာ​ပါ။ မိမိဟာ “ဘုရားသခင်ရဲ့ အသင်းတော်ကို ညှဉ်းဆဲခဲ့လို့ တမန်တော်​လို့​တောင် အခေါ်မခံထိုက်ဘူး” ဆိုပြီး ပေါလု ပြောတယ်။ “ဒါပေမဲ့ ဘုရားသခင်ရဲ့ မဟာကရုဏာကြောင့် ဒီ​တာဝန်ကို အခုလို ကျွန်တော် ထမ်းဆောင်နိုင်တာပါ” လို့ ဆက်ပြောတယ်။ (၁ ကော. ၁၅:၉၊ ၁၀) အပြစ်တွေ​အတွက် ကျွန်တော်တို့ နောင်တရတဲ့အခါ ယေဟောဝါ ခွင့်လွှတ်ပေးတယ်။ ဘာကြောင့်လဲ။ ကျွန်တော်တို့ ခွင့်လွှတ်​ခံထိုက်​လို့ မဟုတ်ဘဲ ကျွန်တော်တို့ကို ယေဟောဝါ ချစ်လို့​ပဲ။ ယေဟောဝါရဲ့ ခွင့်လွှတ်မှု မရထိုက်ဘူးလို့ ခံစားနေရရင် အပြစ်မဲ့​သူ​တွေ​အတွက် မဟုတ်ဘဲ နောင်တရတဲ့ အပြစ်သားတွေ​အတွက် ယေဟောဝါ ရွေးဖိုး​ပြင်ဆင်​ပေးတယ်​ဆိုတာ သတိရပါ။—လုကာ ၅:၃၂။ ၁ တိမောသေ ၁:၁၅ တို့ကို ဖတ်ပါ။

5. Jehovah’ maisakna ngah dingin kilawm mah ing, ci-a kingaihsut huai hiam? Hilhcian in.

^၅ နှစ်ပေါင်းများစွာ ဘုရား​အမှုဆောင်ခဲ့သူ ဖြစ်ရင်တောင် ကိုယ့်ကိုယ်ကိုယ် အခွင့်ထူးခံ လူတန်းစား၊ ဘုရား​ခွင့်လွှတ်မှု ရထိုက်သူ​လို့ ဘယ်သူမှ မတွေး​သင့်​ဘူး။ ကျွန်တော်တို့ သစ္စာရှိရှိ အမှုဆောင်တာကို ယေဟောဝါ တန်ဖိုးထားပါတယ်။ (ဟီ. ၆:၁၀) ဒါပေမဲ့ ရွေးဖိုး​ဆိုတာ ကျွန်တော်တို့ ဘုရား​အမှုဆောင်​လို့ အဖိုးအခ​အဖြစ် ပေးတာ မဟုတ်ဘူး။ လက်ဆောင်​အဖြစ် ပေးတာ။ ဘုရား​ခွင့်လွှတ်မှု ရထိုက်သူ​လို့ ထင်​နေ​ရင် မလိုအပ်ဘဲ ခရစ်တော် အသေခံခဲ့​တာ​လို့ ပြောရာ​ရောက်တယ်။—ဂလာတိ ၂:၂၁ နဲ့ နှိုင်းယှဉ်ပါ။

6. Ba’hang Paul in hanciam taka Jehovah’ na sem a hiam?

^၆ ဘုရား​ခွင့်လွှတ်မှု ရဖို့ မိမိ​ဘက်​က လုပ်နိုင်တာ ဘာမှ မရှိမှန်း ပေါလု သိတယ်။ ဒါဆိုရင် ဘာကြောင့် ကြိုးစားပမ်းစား အမှုဆောင်​သလဲ။ မဟာ​ကရုဏာတော်​အတွက် ကျေးဇူးတင်ကြောင်း ပြချင်​လို့​ပဲ။ (ဧ. ၃:၇) ပေါလုလိုပဲ ကျွန်တော်တို့လည်း ဘုရား​ခွင့်လွှတ်မှု ရဖို့ မဟုတ်ဘဲ ဘုရား​ခွင့်လွှတ်မှု​အတွက် ကျေးဇူးတင်ကြောင်း ပြဖို့ ကြိုးစားပမ်းစား အမှုဆောင်ကြတယ်။

7. Tu hunah tatkhiatna hanga i ngah hamphatna adang khat in bang a hiam? (Rom 5:1; James 2:23)

^၇ ရွေးဖိုးကြောင့် လောလောဆယ် ရ​နေတဲ့ အကျိုးကျေးဇူး​နောက်တစ်ခုကတော့ ယေဟောဝါ​ဘုရားနဲ့ ခင်မင်​ရင်းနှီး​နိုင်တာပါ။a ရှေ့ဆောင်းပါးမှာ ဖော်ပြခဲ့တဲ့​အတိုင်း ကျွန်တော်တို့ မွေး​လာချိန်​မှာ ဘုရားသခင်နဲ့ ဆက်ဆံရေးကောင်း ရှိ​မနေကြဘူး။ ဒါပေမဲ့ ရွေးဖိုးကြောင့် ‘ဘုရားသခင်နဲ့ ခင်မင်​ရင်းနှီး’ နိုင်​လာတယ်။—ရောမ ၅:၁။ ယာကုပ် ၂:၂၃ တို့ကို ဖတ်ပါ။

8. Ba’hang thunget theihna hunpha ading Jehovah tungah lungdam ding i hiam?

^၈ ယေဟောဝါနဲ့ ခင်မင်​ရင်းနှီး​လို့ ကျွန်တော်တို့ ဆုတောင်း​နိုင်​ကြတယ်။ လူအများရှေ့ ဆုတောင်းသံ​ကို​သာမက တစ်ယောက်ချင်းစီရဲ့ သီးသန့် ဆုတောင်းသံ​ကို ယေဟောဝါ ကြားတယ်။ ဆုတောင်းတာက စိတ်​အေးချမ်း​စေ​ရုံ၊ အပူအပင် လျော့​စေ​ရုံ​ပဲ မဟုတ်ဘူး။ ယေဟောဝါနဲ့ ပိုရင်းနှီးလာစေတယ်။ (ဆာ. ၆၅:၂။ ယာ. ၄:၈။ ၁ ယော. ၅:၁၄) ဆုတောင်းတဲ့အခါ အဖ​ယေဟောဝါ နားထောင်တယ်၊ အဖနဲ့ ရင်းနှီး​နေ​စေ​တယ်​ဆိုတာ ယေရှု သိလို့ မြေကြီးပေါ် ရှိစဉ် မကြာခဏ ဆုတောင်းတယ်။ (လု. ၅:၁၆) ယေဟောဝါနဲ့ ခင်မင်​ရင်းနှီး​ခွင့် ရနိုင်​တာ၊ ဆုတောင်း​စကားပြောခွင့်​တောင် ရနိုင်​တာ ဘယ်လောက် ကျေးဇူးတင်​စ​ရာ​ကောင်းလိုက်​သလဲ။ ဒါဟာ ရွေးဖိုးကြောင့် ရလာတဲ့ အခွင့်ထူး​ပါပဲ။

TATKHIATNA HANGIN MAILAM HUNAH HAMPHATNA I NGAH THEIH DAN

9. Pasian a bia a citak mite in tatkhiatna hangin mailam hunah bang hamphatna ngah ding uh a hiam?

^၉ ရွေးဖိုးကြောင့် သစ္စာရှိ ကျေးကျွန်တွေ အနာဂတ်မှာ ဘာအကျိုးရမလဲ။ ထာဝရ​အသက် ရမယ်။ လူဟာ သေမျိုး ဖြစ်လို့ ထာဝစဉ် အသက်​မရှင်​နိုင်​ဘူး​လို့ လူ​တော်တော်​များများ ထင်ကြတယ်။ ဒါပေမဲ့ လူတွေ ထာဝစဉ် အသက်ရှင်ဖို့​ဟာ ယေဟောဝါရဲ့ မူလ​ရည်ရွယ်ချက် ဖြစ်တယ်။ အာဒံသာ အပြစ်​မလုပ်ခဲ့ရင် လူတိုင်း ထာဝစဉ် အသက်ရှင်နေ​မှာ ဖြစ်လို့ ထာဝရ​အသက်ကို အထူးအဆန်း​လို့ ထင်ကြ​မှာ မဟုတ်ဘူး။ လောလောဆယ်တော့ ထာဝစဉ် အသက်ရှင်​တယ်​ဆိုတာကို အထူးအဆန်း​လို့ ထင်​နိုင်တယ်။ ဒါပေမဲ့ သားတော်ရင်းကို​တောင် လက်ဆောင်​အဖြစ် ယေဟောဝါ ပေးတာက​ကော မထူးခြား​လို့​လား။ တန်ဖိုးကြီးကြီး ပေးပြီးပြီ​ဆိုမှတော့ လူတွေကို ယေဟောဝါ ထာဝစဉ် အသက်ရှင်စေ​မယ်​ဆိုတာ စိတ်ချနိုင်ပါတယ်။—ရော. ၈:၃၂။

10. Sathau nilhte le tuu dangte in bang lamen uh a hiam?

^၁၀ ထာဝရ​အသက်ဟာ အနာဂတ်မှာ ရမယ့် ကောင်းချီး ဖြစ်ပေမဲ့ ယေဟောဝါက ကျွန်တော်တို့ကို အခုကတည်းက မြင်ယောင်​ခံစား​ကြည့်​စေချင်တယ်။ ဘိသိက်ခံတွေ​ဆိုရင် ခရစ်တော်​နဲ့​အတူ တွဲဖက်​အုပ်ချုပ်​ရမယ့် စိတ်လှုပ်ရှားစရာ ကောင်းကင်​အသက်တာကို စောင့်မျှော်နေကြတယ်။ (ဗျာ. ၂၀:၆) တခြားသိုးတွေ​ကျတော့ နာကျင်ခြင်း၊ ဝမ်းနည်းခြင်း မရှိတော့မယ့် ကမ္ဘာသစ်​အသက်တာကို စောင့်မျှော်နေကြတယ်။ (ဗျာ. ၂၁:၃၊ ၄) သင်ဟာ ကမ္ဘာမြေပေါ် ထာဝစဉ် အသက်ရှင်ဖို့ မျှော်လင့်ချက် ရှိတဲ့ တခြား​သိုး​လား။ ကမ္ဘာသစ်​အသက်တာ​ဟာ ကောင်းကင်​အသက်တာ မရသူ​တွေ​အတွက် နှစ်သိမ့်​ဆု မဟုတ်ပါဘူး။ တကယ်တော့ လူတွေကို ယေဟောဝါ စ​ဖန်ဆင်း​ကတည်းက ကမ္ဘာမြေပေါ် နေဖို့ ပုံစံပြုထား​တာ။ ဒါကြောင့် ကမ္ဘာသစ်​အသက်တာ​ဟာ အတိုင်းထက်​အလွန် ပျော်စရာ​ကောင်းမှာ သေချာတယ်။

11-12. Leitung thakah a kingah ding thupha pawlkhat in bang a hiam? (Lim zong en in.)

^၁၁ ကမ္ဘာသစ်​အသက်တာကို မြင်ယောင်​ကြည့်ပါ။ ဖျားနာ​မှာ၊ သေမှာ သင် စိတ်ပူ​ဖို့ မလိုတော့ဘူး။ (ဟေရှာ. ၂၅:၈။ ၃၃:၂၄) တော်သင့်​လျောက်ပတ်တဲ့ သင့်​လိုအင်ဆန္ဒ​အားလုံးကို ယေဟောဝါ ဖြည့်ဆည်းပေးမယ်။ ကမ္ဘာသစ်​မှာ ဘာတွေ လေ့လာ​သင်ယူချင်​သလဲ။ တိရစ္ဆာန်တွေ​အကြောင်း​လား။ ဂီတ​ပညာ​လား။ ပန်းချီ​ပညာ​လား။ ကမ္ဘာသစ်​မှာ ဗိသုကာ၊ ဆောက်လုပ်ရေး၊ စိုက်ပျိုးရေး အတတ်ပညာ တတ်ကျွမ်း​သူ​တွေ လိုမှာ​တော့ သေချာတယ်။ ဟင်းလျာ​တွေ ဖန်တီးတတ်ဖို့၊ ဆောက်လုပ်ရေး​သုံး၊ စိုက်ပျိုးရေး​သုံး ကိရိယာတွေ လုပ်တတ်​ဖို့၊ ဥယျာဉ်​ခြံမြေ ထိန်းသိမ်း​တတ်​ဖို့လည်း လိုမှာ။ (ဟေရှာ. ၃၅:၁။ ၆၅:၂၁) ထာဝစဉ် အသက်ရှင်​ရမှာ ဖြစ်လို့ စိတ်ကူး​မိ​သမျှ အတတ်ပညာ​တွေ ဆည်းပူး​ဖို့ အချိန်​အများကြီး ရှိမယ်။

^၁၂ ရှင်ပြန်ထမြောက်လာသူတွေ​ကို ကြို​ဆိုတဲ့အခါ ဘယ်လောက် စိတ်လှုပ်ရှားစရာ​ကောင်းလိုက်မလဲ။ (တ. ၂၄:၁၅) ဒါ့အပြင် ဖန်ဆင်းခြင်း​လက်ရာ​အမျိုးမျိုးကို လေ့လာရင်း ယေဟောဝါကို သင် ပိုသိကျွမ်း​လာမှာ​ကိုလည်း စဉ်းစားကြည့်ပါ။ (ဆာ. ၁၀၄:၂၄။ ဟေရှာ. ၁၁:၉) အကောင်းဆုံးကတော့ အပြစ်​စိုးစဉ်း​မှ မရှိဘဲ ယေဟောဝါကို ကိုးကွယ်​နိုင်မယ်။ လောလောဆယ် “အပြစ်​မှာ ခဏ​ပျော်ပါး​ဖို့” အတွက် အနာဂတ်​ကောင်းချီးတွေကို သင် လက်လွတ်​ခံ​မလား။ (ဟီ. ၁၁:၂၅) ဘယ်​လက်လွတ်​ခံ​မလဲ။ လက်ရှိမှာ ဘာပဲ စွန့်လွှတ်​ရ​ပါစေ စွန့်လွှတ်​ရသမျှထက် အနာဂတ်မှာ ရမယ့် ကောင်းချီးတွေ​ဟာ ပိုသာတယ်။ ဒါ့အပြင် ကမ္ဘာသစ်​အသက်တာကို အမြဲ မျှော်​ပဲ မျှော်နေ​ရမှာ မဟုတ်ဘူး။ ‘ကမ္ဘာသစ်​မှာ ငါ အသက်ရှင်နေတယ်’ လို့ ပြောနိုင်တဲ့ နေ့ရက်​တွေ ရောက်လာမယ်။ သားတော်ကို အသေခံ​စေ​တဲ့​အထိ​သာ ကျွန်တော်တို့ကို ယေဟောဝါ မချစ်ရင် ဒီ​ကောင်းချီးတွေ ရနိုင်မှာ မဟုတ်ဘူး။

JEHOVAH’ ITNA THUKKIK IN

13. Jehovah’ itna tungah i lungdamna koi bangin thukkik ding i hiam? (2 Korin 6:1)

^၁၃ ယေဟောဝါရဲ့ မေတ္တာ​အတွက် ဘယ်လို ကျေးဇူး​တုံ့ပြန်​နိုင်သလဲ။ ဘုရား​အမှုဆောင်ခြင်းကို ဘဝမှာ ဦးစားထားခြင်းအားဖြင့်​ပါ။ (မ. ၆:၃၃) “အသက်ရှင်နေ​သူ​တွေ​ဟာ ကိုယ့်အတွက် အသက်​မရှင်​တော့​ဘဲ ကိုယ့်အတွက် အသေခံပြီး အသက်ပြန်ရှင်လာတဲ့ ခရစ်တော်​အတွက် အသက်ရှင်​သင့်​တယ်။” (၂ ကော. ၅:၁၅) ယေဟောဝါ မဟာကရုဏာတော် ပြတာကို ကျွန်တော်တို့ အကျိုးမဲ့ မဖြစ်စေချင်​ကြ​ဘူး။ အတတ်နိုင်ဆုံး ဘုရား​အမှုဆောင်ခြင်းအားဖြင့် ကျေးဇူး​တုံ့ပြန်​ချင်ကြပါတယ်။—၂ ကောရိန္သု ၆:၁ ကို ဖတ်ပါ။

14. Jehovah’ lamlahna koi bang danin muang taka zui thei ding i hiam?

^၁၄ ယေဟောဝါရဲ့ လမ်းညွှန်မှုကို ယုံယုံကြည်ကြည် လိုက်နာခြင်း​အားဖြင့်​လည်း ကျေးဇူး​တုံ့ပြန်​နိုင်တယ်။ ဥပမာ၊ ကျောင်း​ပညာ ဘယ်လောက် သင်ယူ​မလဲ၊ ဘာ​အလုပ် လုပ်မလဲ ဆုံးဖြတ်တယ်​ဆိုပါစို့။ ယေဟောဝါ ဘာ​ဆုံးဖြတ်​စေချင်​သလဲ စဉ်းစားရမယ်။ (၁ ကော. ၁၀:၃၁။ ၂ ကော. ၅:၇) ယုံကြည်ခြင်းကို လုပ်ရပ်နဲ့ ပြတဲ့အခါ ယေဟောဝါကို ပို​အားကိုး​တတ်လာမယ်။ ယေဟောဝါနဲ့ ပိုရင်းနှီး​လာမယ်။ မျှော်လင့်ချက် ပိုခိုင်မာလာမယ်။—ရော. ၅:၃-၅။ ယာ. ၂:၂၁၊ ၂၂။

15. Jesuh Sih Phawk hun sungin Jehovah tungah i lungdamna koi bangin thukkik thei i hiam?

^၁၅ ယေဟောဝါကို ကျေးဇူး​တုံ့ပြန်​နိုင်​တဲ့ နောက်တစ်နည်း ရှိသေးတယ်။ အောက်မေ့ရာ​ကာလအတွင်း လုပ်နိုင်တာ​မှန်သမျှ လုပ်ခြင်း​ပါ။ အောက်မေ့ရာ အစီအစဉ်ကို ကိုယ်တိုင် တက်​ဖြစ်အောင် စီစဉ်ထား​သလို တခြားသူတွေကိုလည်း ဖိတ်နိုင်​တယ်။ (၁ တိ. ၂:၄) အောက်မေ့ရာ အစီအစဉ် ဘယ်လိုမျိုးလဲ​ဆိုတာ ကိုယ်​ဖိတ်​ထား​သူတွေကို ရှင်းပြနိုင်တယ်။ ယေရှု ဘာဖြစ်လို့ အသေခံ​ရတာလဲ၊ လူအားလုံးနဲ့​ဆိုင်တဲ့ ယေရှုရဲ့ သေခြင်း စတဲ့ jw.org က ဗီဒီယိုတွေ ပြနိုင်တယ်။ မလှုပ်မရှား​ဖြစ်နေသူတွေကို အကြီးအကဲတွေ မမေ့​မလျော့ ဖိတ်​သင့်​တယ်။ ပျောက်နေတဲ့ သိုး​တချို့ သိုးအုပ်​ဆီ ပြန်လာတဲ့အခါ ကောင်းကင်မှာ​ကော မြေကြီး​မှာ​ပါ သိပ်​ဝမ်းမြောက်နေ​ကြ​မှာ။ (လု. ၁၅:၄-၇) အောက်မေ့​ရာ အစီအစဉ်မှာ အချင်းချင်းကိုပဲ နှုတ်ဆက်​တာ​မျိုး မဟုတ်ဘဲ လူသစ်တွေ၊ လာ​မတက်တာ ကြာပြီ ဖြစ်သူ​တွေ​ကို နှုတ်ဆက်ပါ။ ကြိုဆို​ပေးကြတယ်​လို့ သူတို့ကို ကျွန်တော်တို့ ခံစားစေချင်တယ်။—ရော. ၁၂:၁၃။

16. Ba’hang Jesuh Sih Phawk hun sungin taangko nasepna-ah tampi kihel dingin kilawm i hiam?

^၁၆ အောက်မေ့ရာ​ကာလအတွင်း အမှုဆောင်မှာ ပို​ပါဝင်နိုင်​မလား။ ဒါဟာ ဘုရားနဲ့ ခရစ်တော် လုပ်ပေးခဲ့​သမျှ​အတွက် ကျေးဇူးတင်ကြောင်း ပြနိုင်တဲ့ နည်းလမ်းကောင်း​ပဲ။ အမှုဆောင်မှာ ပို​ပါဝင်​လေ ဘုရား​ထောက်မမှု ပို​ခံစားရ​လေ၊ ဘုရားကို ပိုယုံကြည်​ကိုးစား​လေ ဖြစ်လာမယ်။ (၁ ကော. ၃:၉) ဒါ့အပြင် ကျမ်းစာကို နေ့စဉ် ဆန်းစစ်ပါ၊ အသက်တာနဲ့ အမှုဆောင်​လုပ်ငန်း လေ့ကျင့်ခန်း​စာစောင် တို့​မှာ ပါတဲ့ အောက်မေ့​ရာ​ကာလ ကျမ်းစာ​ဖတ်ရှုခြင်း​ဇယားအတိုင်း အမီ​လိုက်​ဖတ်နိုင်တယ်။ အဲဒီ​ကျမ်းပိုဒ်တွေ​ကို အခြေခံပြီး ကိုယ်ပိုင်​လေ့လာမှု​တောင် လုပ်နိုင်တယ်။

17. Bang in Jehovah lungdamsak a hiam? (“Jehovah’ Itna Thukkik Theih Dante” kiu li bawm zong en in.)

^၁၇ ဒီဆောင်းပါးမှာ အကြံပြု​ထား​သမျှ​အတိုင်း သင် လုပ်ဖို့ အခြေအနေ ပေးချင်​မှ ပေးမယ်။ သင် လုပ်နိုင်တာကို တခြားသူတွေ လုပ်နိုင်တာ​နဲ့ ယေဟောဝါ မနှိုင်းယှဉ်​ဘူး။ မိမိကို သင် သိပ်ချစ်မှန်း သိတယ်။ အဖိုးတန် ရွေးဖိုး​လက်ဆောင်​အတွက် သင် ကျေးဇူးတင်ကြောင်း ပြတာကို မြင်တဲ့အခါ ယေဟောဝါ ပီတိ​ဖြစ်တယ်။—၁ ရှ. ၁၆:၇။ မာ. ၁၂:၄၁-၄၄။

18. Jehovah Pasian le Jesuh tungah ba‘hang lungdam i hiam?

^၁၈ ရွေးဖိုးကြောင့်​သာ ကျွန်တော်တို့ အပြစ်​ခွင့်လွှတ်​ခံကြရတယ်။ ယေဟောဝါနဲ့ ခင်မင်​ရင်းနှီး​နိုင်​ကြတယ်။ ထာဝစဉ် အသက်ရှင်ဖို့ မျှော်လင့်​နိုင်​ကြတယ်။ ကျွန်တော်တို့ကို ယေဟောဝါ ချစ်လို့ ဒီ​ကောင်းချီးတွေ ရလာ​တာ။ ဒါကြောင့် ယေဟောဝါရဲ့ မေတ္တာ​အတွက် ကျေးဇူးတင်ကြောင်း အမြဲ ပြ​ကြရအောင်။ (၁ ယော. ၄:၁၉) အသက်စွန့်​တဲ့​အထိ ကျွန်တော်တို့ကို သိပ်ချစ်တဲ့ ယေရှုကိုလည်း ကျေးဇူးတင်ကြောင်း ပြ​ကြရအောင်။—ယော. ၁၅:၁၃။