Jehovah’ Maisakna Tungah Bang Hangin Lungdam Ding I Hiam?

1-2. Mi khempeuh’ dinmun pen laikhawk 1 sunga khangnopa’ dinmun tawh koi bangin kibang a hiam?

ချမ်းသာတဲ့ မိသားစုမှာ ကြီးပြင်းလာတဲ့ လူငယ်​တစ်ယောက်ကို မြင်ယောင်ကြည့်ပါ။ တစ်ရက်​မှာ မိဘတွေ အသတ်​ခံလိုက်ရတယ်။ ဒီ​သတင်းဆိုး​ကြောင့် လူငယ်လေး ဝမ်းနည်း​ပက်လက်​ဖြစ်သွားတယ်။ ဒါပေမဲ့ ဒီထက်​ဆိုး​တဲ့ သတင်း ရှိသေးတယ်။ မိဘတွေ သုံးဖြုန်း​ခဲ့​လို့ အကြွေး​တောင်ပုံရာပုံ ကျန်ခဲ့တယ်​ဆိုတဲ့ သတင်း​ပါ။ လူငယ်လေး​ခမျာ မိဘရဲ့ ပိုင်ဆိုင်မှုတွေ​ကို မဟုတ်ဘဲ အကြွေးတွေကို အမွေ​ရလိုက်တယ်။ အကြွေးရှင်တွေက​လည်း အကြွေး​လိုက်​တောင်းနေ​ကြ​ပြီ။ အကြွေးတွေ များလွန်းလို့ တစ်သက် ဆပ်လို့ ကုန်​မှာ မဟုတ်ဘူး။

^၂ အဲဒီ​လူငယ်လေး​အဖြစ်​နဲ့ ကျွန်တော်တို့​အဖြစ် တော်တော် ဆင်တူတယ်။ ကျွန်တော်တို့ရဲ့ ကနဦး​မိဘ အာဒံနဲ့ ဧဝ​ဟာ စုံလင်​ခဲ့တယ်။ လှပတဲ့ ပရဒိသုမှာ နေခဲ့ရ​တယ်။ (က. ၁:၂၇။ ၂:၇-၉) အပူအပင်​ကင်းကင်း ထာဝရ အသက်ရှင်ခွင့် ရှိခဲ့တယ်။ ဒါပေမဲ့ သူတို့ အပြစ်​လုပ်လိုက်လို့ အရာရာ ပြောင်းလဲသွားတယ်။ ပရဒိသု​စံအိမ်​ကော ထာဝရ အသက်ရှင်ခွင့်​ပါ ဆုံးရှုံး​သွားတယ်။ ဒီတော့ သားစဉ်မြေးဆက်​တွေ​ကို ဘာပဲ အမွေ​ပေး​လိုက်​နိုင်သလဲ။ “အပြစ်ဟာ လူတစ်ယောက် [အာဒံ] ကြောင့် လူ့​လောက​ထဲ ရောက်လာတယ်။ အပြစ်​ကြောင့် သေခြင်းလည်း ပေါ်ပေါက်လာတယ်။ ဒါကြောင့် လူအားလုံးဟာ အပြစ်ရှိသူတွေ ဖြစ်သွားတဲ့အတွက် သေဆုံး​ကြရတယ်” လို့ ကျမ်းစာ ဆိုတယ်။ (ရော. ၅:၁၂) သားစဉ်မြေးဆက် ကျွန်တော်တို့ကို အာဒံ ပေးလိုက်တဲ့ အမွေ​ကတော့ သေခြင်းကို ပေါ်ပေါက်​စေ​တဲ့ အပြစ်​ပါပဲ။ အဲဒီ​အပြစ်ဟာ ဘယ်​လူသား​မှ မဆပ်နိုင်​တဲ့ အကြွေးနဲ့ တူတယ်။—ဆာ. ၄၉:၈။

3. Mawhna pen leiba tawh koi bangin kibang a hiam?

^၃ အပြစ်ကို အကြွေးနဲ့ ယေရှု ခိုင်းနှိုင်း​ခဲ့တယ်။ (မ. ၆:၁၂။ လု. ၁၁:၄) ကျွန်တော်တို့ အပြစ်​လုပ်တဲ့အခါ ယေဟောဝါ​ဘုရားဆီ အကြွေးတင်​သွားတာနဲ့ တူတယ်။ အပြစ်ကြွေး ပြန်ဆပ်​ဖို့ လိုတယ်။ ဒါပေမဲ့ ကိုယ့်ဘာသာကိုယ်​ဆိုရင် ဘယ်လိုမှ ဆပ်​မကုန်​တဲ့အတွက် အပြစ်ကြွေး ကျေမယ့်လမ်း​ဆိုလို့ သေလမ်း​ပဲ ရှိတယ်။—ရော. ၆:၇၊ ၂၃။

4. (a) Khat peuhpeuh in a huh kei a leh mawhnei mi khempeuh bang piang ding a hiam? (Late 49:7-9) (b) Lai Siangtho sunga “mawhna” cih kammal in bang a cihnopna a hiam? (“Mawhna” kiu li bawm en in.)

^၄ အာဒံနဲ့ ဧဝ ဆုံးရှုံး​သွား​သမျှ​ကို ကျွန်တော်တို့ ပြန်​ရ​နိုင်သလား။ ကိုယ့်​အစွမ်းအစနဲ့တော့ မရနိုင်ဘူး။ (ဆာလံ ၄၉:၇-၉ ကို ဖတ်ပါ။) တစ်ယောက်ယောက်​သာ မကူညီ​ရင် ကျွန်တော်တို့မှာ ထာဝရ အသက်ရှင်ဖို့ မျှော်လင့်ချက်၊ ရှင်ပြန်ထမြောက်​ဖို့ မျှော်လင့်ချက် မရှိနိုင်ဘူး။ သေ​ပြီး ဘယ်တော့မှ ပြန်​မရှင်​ဘူး​ဆိုရင် ကျွန်တော်တို့ရဲ့ သေခြင်းဟာ တိရစ္ဆာန်တွေ​ရဲ့ သေခြင်းနဲ့ မခြား​တော့​ဘူး။—ဒေ. ၃:၁၉။ ၂ ပေ. ၂:၁၂။

5. I luahsuk mawhna leiba i loh theih nadingin itna Pa in bang hong vaihawmsak a hiam? (Lim en in.)

^၅ ဆောင်းပါးအစမှာ ဖော်ပြထားတဲ့ လူငယ်​အကြောင်း ပြန်​စဉ်းစားကြည့်ပါ။ အကြွေး​အားလုံး ဆပ်ပေး​မယ်​လို့ သူဌေး​တစ်ယောက် ပြောလာရင် သူ ဘယ်လို ခံစားရမလဲ။ ရက်ရောတဲ့ ဒီ​ကမ်းလှမ်းမှုကို ကျေးဇူးတင်စွာ လက်ခံမှာ ဖြစ်တယ်။ အဲဒီလိုပဲ အာဒံဆီက ကျွန်တော်တို့ အမွေ​ရထားတဲ့ အပြစ်ကြွေး ကျေနိုင်ဖို့ လက်ဆောင်​တစ်ခုကို မေတ္တာရှင်​အဖ ယေဟောဝါ ပြင်ဆင်​ပေးတယ်။ “ဘုရားသခင်က လူ့​လောကကို အလွန်​ချစ်တယ်။ ဒါကြောင့် မိမိရဲ့ သားကို ယုံကြည်သက်ဝင်သူတိုင်း ဖျက်ဆီးမခံရဘဲ ထာဝရ​အသက် ရနိုင်ဖို့ အဲဒီ​တစ်ဦးတည်းသော သားကိုတောင် ပေးအပ်​ခဲ့တယ်” လို့ ယေရှု ပြောတယ်။ (ယော. ၃:၁၆) အဲဒီ​လက်ဆောင်​က အပြစ်ကြွေး ကျေစေ​တဲ့​အပြင် ယေဟောဝါနဲ့ ဆက်ဆံရေးကောင်း ရှိစေတယ်။

6. Hih sin ding thu ah bang Lai Siangtho kammalte kikum ding i hiam? Ba’hang hiam?

^၆ အဲဒီ​လက်ဆောင်မွန်​ကြောင့် ကျွန်တော်တို့ ဘယ်လိုနည်းနဲ့ အပြစ်ကြွေး ကျေနိုင်သလဲ။ အဖြေ သိရဖို့ ပြန်လည်​သင့်မြတ်ခြင်း၊ အပြစ်ဖြေခြင်း၊ ရွေးဖိုး၊ လွတ်မြောက်ခြင်း၊ ဖြောင့်မတ်သူ​အဖြစ် သတ်မှတ်ခံရ​ခြင်း ဆိုတဲ့ ကျမ်းစာ​အသုံးအနှုန်း​တစ်ခုစီရဲ့ အဓိပ္ပာယ်ကို ဒီဆောင်းပါးမှာ လေ့လာ​သွားပါမယ်။ ကျွန်တော်တို့ကို ခွင့်လွှတ်​နိုင်ဖို့ ယေဟောဝါ ဘာတွေ လုပ်ခဲ့တယ်​ဆိုတာ သိလာတဲ့အခါ ယေဟောဝါရဲ့ ခွင့်လွှတ်မှုကို ပို​တန်ဖိုးထား​လေးမြတ်​တတ်လာမယ်။

NGIMNA: KILEMKIKNA

7. (a) Adam le Eve in bang na suplawh lai a hiam? (b) Adam le Eve’ suanlekhakte ading bang kisam mahmah a hiam? (Rom 5:10, 11)

^၇ အာဒံနဲ့ ဧဝ​ဟာ ထာဝရ အသက်ရှင်ခွင့်​သာမက အဖ​ယေဟောဝါနဲ့ အဖိုးတန် ဆက်ဆံရေးပါ ဆုံးရှုံး​သွားတယ်။ အပြစ်​မလုပ်ခင်​က​ဆိုရင် ဘုရား​မိသားစုဝင် ဖြစ်ခဲ့​တာ။ (လု. ၃:၃၈) အပြစ်​လုပ်လိုက်​ချိန်​မှာတော့ ဘုရား​မိသားစုကနေ ထုတ်ပယ်​ခံလိုက်ရတယ်။ အဲဒီနောက်မှ သားသမီးတွေ မွေးလာတယ်။ (က. ၃:၂၃၊ ၂၄။ ၄:၁) မွေးလာတဲ့ သားသမီးတစ်ယောက်​မှ ဘုရား​မိသားစုဝင် မဖြစ်တော့ဘူး။ ဒါကြောင့် သူတို့ရဲ့ သားစဉ်မြေးဆက် ကျွန်တော်တို့ဟာ ယေဟောဝါနဲ့ ပြန်လည်​သင့်မြတ်ဖို့ သိပ်​လိုအပ်နေတယ်။ (ရောမ ၅:၁၀၊ ၁၁ ကို ဖတ်ပါ။) တစ်နည်းအားဖြင့် ယေဟောဝါနဲ့ ဆက်ဆံရေးကောင်း ရှိဖို့ လိုအပ်နေတယ်။ အကိုးအကား​တစ်ခု​အရ “ပြန်လည်​သင့်မြတ်ခြင်း” ဆိုတဲ့ ဂရိ​စကားလုံးဟာ “ရန်သူ​အဖြစ်ကနေ မိတ်ဆွေ ဖြစ်​ခြင်း” ကို ဆိုလိုနိုင်တယ်။ အံ့ဩစရာ​ကတော့ ပြန်လည်​သင့်မြတ်ဖို့ အစပြု လုပ်ဆောင်သူ​ဟာ ယေဟောဝါ ဖြစ်နေ​တာ​ပါပဲ။ ပြန်လည်​သင့်မြတ်ဖို့ ယေဟောဝါ ဘယ်လို လုပ်သလဲ။

GEELNA: MAWHNA BIAKPIAKNA

8. Mawhna biakpiakna cih in bang a hiam?

^၈ အပြစ်ဖြေခြင်း​ဆိုတာ မိမိနဲ့ အပြစ်သားတွေ ပြန်လည်​သင့်မြတ်ဖို့ ယေဟောဝါ ပြင်ဆင်ပေးတဲ့ အစီအစဉ် ဖြစ်တယ်။ ဆုံးရှုံးသွားတဲ့၊ ပျက်စီးသွားတဲ့ အရာတစ်ခုခုကို ပြန်ရဖို့၊ အစားထိုးဖို့ တန်ဖိုး​တူ​တာ တစ်ခုခုနဲ့ လဲလှယ်​တဲ့ အစီအစဉ်ပါ။ “အပြစ်ဖြေခြင်း” နဲ့ အဓိပ္ပာယ် ဆင်တူတဲ့ စကားလုံးကို ခရစ်ယာန် ဂရိ​ကျမ်းစောင်မှာ သုံးထားတယ်။ ပြန်လည်​သင့်မြတ်ခြင်း​ဆိုတဲ့ စကားလုံး​ပါ။ (ရော. ၃:၂၅) လူတွေကို ဘုရားနဲ့ ပြန်လည်​သင့်မြတ်​လာစေတဲ့၊ ဆက်ဆံရေးကောင်း ရှိ​လာစေတဲ့ နည်းလမ်းကို ရည်ညွှန်းပါတယ်။

9. Israel mite in mawhmaisakna a ngah nadingun Jehovah in tawlkhat sung geelna-in bang na vaihawmsak a hia?

^၉ အစ္စရေးတွေ အပြစ်​ခွင့်လွှတ်ခံရဖို့၊ မိမိနဲ့ ဆက်ဆံရေးကောင်း ရှိဖို့ ယာယီ​အစီအစဉ်ကို ယေဟောဝါ ပြင်ဆင်​ပေးတယ်။ အဲဒါကတော့ နှစ်စဉ် အပြစ်ဖြေရာနေ့ ကျင်းပဖို့​ပါ။ အပြစ်ဖြေရာနေ့မှာ ပုရောဟိတ်မင်း​က အစ္စရေးတွေ​အတွက် တိရစ္ဆာန်​ပူဇော်သက္ကာတွေ ဆက်သ​ပေးရတယ်။ တိရစ္ဆာန်​ဟာ လူ​ထက် နိမ့်ကျ​လို့ တိရစ္ဆာန်​ပူဇော်သက္ကာတွေ​က လူတွေရဲ့ အပြစ်ကို အကုန်အစင် မဖြေ​ပေးနိုင်​ဘူး။ ဒါပေမဲ့ တောင်းဆိုထားတဲ့ ပူဇော်သက္ကာတွေ ဆက်သ​နေသရွေ့ နောင်တရတဲ့ အစ္စရေးတွေ​ကို ယေဟောဝါ လိုလိုလားလား ခွင့်လွှတ်ပေးတယ်။ (ဟီ. ၁၀:၁-၄) ဒါ့အပြင် အပြစ်ဖြေရာနေ့​နဲ့ တခြား​အခါသမယ​တွေ​မှာ အပြစ်ဖြေရာ ပူဇော်သက္ကာတွေ အထပ်ထပ် ပူဇော်​ရတာက မိမိတို့ အပြစ်ကြီး​ကြောင်း၊ တစ်ကြိမ်တည်း​အပြီး အပြစ်ဖြေ​ပေးမယ့် ပူဇော်သက္ကာ လိုအပ်ကြောင်း အစ္စရေးတွေ​ကို သတိရစေတယ်။

10. Mawhneite in a tawntungin mawhmaisakna a ngah theih nadingun Jehovah in bang vaihawmsak a hiam?

^၁၀ လူတွေကို တစ်ကြိမ်တည်း​အပြီး အပြစ်ဖြေ​ပေးနိုင်မယ့် အစီအစဉ် ယေဟောဝါ ပြင်ဆင်​ပေးတယ်။ “လူအများရဲ့ အပြစ်ကို ခံပြီး မိမိကိုယ်ကို [ချစ်သား] တစ်ကြိမ်တည်း​အပြီး ဆက်သ” စေဖို့ အစီအစဉ်ပါ။ (ဟီ. ၉:၂၈) ယေဟောဝါ စီစဉ်ထားတဲ့​အတိုင်း ယေရှုဟာ “လူအများအတွက် ရွေးဖိုးအဖြစ် အသက်ကို ပေး” တယ်။ (မ. ၂၀:၂၈) ရွေးဖိုး​ဆိုတာ ဘာလဲ။

A MAN: TATKHIATNA

11. (a) Lai Siangtho sunga a kigen, tatkhiatna cih in bang a hiam? (b) Koi bang mi bek in tatkhiatna pia thei a hiam?

^၁၁ ကျမ်းစာအရ ရွေးဖိုး​ဆိုတာ လူတွေ အပြစ်ဖြေ​ခံရဖို့၊ ဘုရားနဲ့ ပြန်လည်​သင့်မြတ်ဖို့ ပေး​ရတဲ့ အဖိုးအခ ဖြစ်တယ်။a အာဒံ ဆုံးရှုံး​သွားတာ​တွေ​ကို ပြန်ရဖို့ အဖိုးအခ​အဖြစ် ဘာ​ပေး​လိုက်ရ​သလဲ။ စုံလင်တဲ့ အသက်​အပြင် ထာဝရ အသက်ရှင်ခွင့်​ကို​ပါ အာဒံနဲ့ ဧဝ ဆုံးရှုံးသွားတယ်ဆိုတာ သတိရပါ။ ဒါကြောင့် ဆုံးရှုံး​သွားတာ​တွေ​နဲ့ တန်ဖိုး​တူတဲ့ ရွေးဖိုး လိုအပ်တယ်။ (၁ တိ. ၂:၆) အဲဒီလို​ရွေးဖိုး​ကို (၁) စုံလင်တဲ့၊ (၂) မြေကြီးပေါ် ထာဝစဉ် အသက်ရှင်နိုင်တဲ့၊ (၃) အဲဒီလို​အသက်ရှင်ခွင့်​ကို ကျွန်တော်တို့အတွက် လိုလိုလားလား စွန့်လွှတ်ချင်​တဲ့ အရွယ်ရောက် အမျိုးသားတစ်ယောက်​က​ပဲ ပေးနိုင်မယ်။ အဲဒီလိုလူ​ရဲ့ အသက်က​ပဲ ဆုံးရှုံး​ခဲ့​တဲ့ အသက်ကို အစားထိုး​နိုင်မယ်။

12. Ba’hang Jesuh in tatkhiatna pia thei a hiam?

^၁၂ ယေရှု ရွေးဖိုး ပေး​နိုင်ခဲ့တဲ့ အကြောင်းရင်း သုံးခုကို သုံးသပ်​ကြည့်ပါ။ (၁) ယေရှုဟာ စုံလင်တယ်၊ “အပြစ်​မကျူးလွန်​ခဲ့ဘူး။” (၁ ပေ. ၂:၂၂) (၂) စုံလင်သူ၊ အပြစ်ကင်း​သူ ဖြစ်လို့ မြေကြီးပေါ် ထာဝစဉ် အသက်ရှင်​နိုင်တယ်။ (၃) အဲဒီလိုအသက်ရှင်ခွင့်​ကို ကျွန်တော်တို့အတွက် လိုလိုလားလား စွန့်လွှတ်ချင်​တယ်။ (ဟီ. ၁၀:၉၊ ၁၀) စုံလင်သူ ယေရှုဟာ ပထမ​လူ အာဒံ အပြစ်​မလုပ်ခင်​က အခြေအနေနဲ့ တူတယ်။ (၁ ကော. ၁၅:၄၅) ဒါကြောင့် ယေရှု အသေခံ​လိုက်တဲ့အခါ အာဒံ ဆုံးရှုံး​သွားတာ​တွေ​ကို အစားထိုးဖို့ တန်ဖိုး​တူတဲ့ အဖိုးအခ ပေးနိုင်​သွားတယ်။ (ရော. ၅:၁၉) ဒီလိုနဲ့ ယေရှုဟာ “နောက်ဆုံးအာဒံ” ဖြစ်လာတယ်။ အာဒံ ဆုံးရှုံး​သွားတာ​တွေ​အတွက် စုံလင်သူ နောက်တစ်ယောက် လာ​ပေးဆပ်​ဖို့ မလိုတော့ဘူး။ “တစ်ကြိမ်တည်းနဲ့ အပြီး” ယေရှု အသေခံခဲ့​ပြီ ဖြစ်လို့ပဲ။—ဟီ. ၇:၂၇။ ၁၀:၁၂။

13. Mawhmaisakna le tatkhiatna bang kilamdang a hiam?

^၁၃ အပြစ်ဖြေခြင်း​နဲ့ ရွေးဖိုး ဘာကွာသလဲ။ အပြစ်ဖြေခြင်း​ဆိုတာ မိမိနဲ့ လူတွေ ပြန်လည်​သင့်မြတ်ဖို့ ဘုရား ပြင်ဆင်ပေးတဲ့ အစီအစဉ် ဖြစ်တယ်။ ရွေးဖိုး​ဆိုတာ အပြစ်ဖြေခြင်း အစီအစဉ် ဖြစ်မြောက်​ဖို့ ပေး​ရတဲ့ အဖိုးအခ ဖြစ်တယ်။ အဲဒီအဖိုးအခ​ကတော့ ကျွန်တော်တို့အတွက် သွန်းလောင်းခဲ့​တဲ့ ယေရှုရဲ့ အဖိုးတန် သွေးပါ​ပဲ။—ဧ. ၁:၇။ ဟီ. ၉:၁၄။

HAMPHATNATE: SUAKTASAKNA LE MI DIKIN KICIAPTEHNA

14. Tun bang kikum ding i hiam? Ba’hang hiam?

^၁၄ အပြစ်ဖြေခြင်း အစီအစဉ်​ကြောင့် ဘာအကျိုး​ရလဒ်​တွေ ရသလဲ။ အကျိုး​ရလဒ်​တွေ​ကို အသုံးအနှုန်း​အမျိုးမျိုးနဲ့ ကျမ်းစာမှာ ဖော်ပြထားတယ်။ အသုံးအနှုန်း​နှစ်ခုကို သုံးသပ်ကြ​မယ်။ အဲဒီ​အသုံးအနှုန်းတွေကို သုံးသပ်တဲ့အခါ ယေဟောဝါ ခွင့်လွှတ်​လို့ ဘာအကျိုး​ရလဒ်​တွေ ရသလဲ​ဆိုတာ သဘောပေါက်​လာမယ်။

15-16. (a) Lai Siangtho sunga “suaktasak” cih kammal in bang a cihnopna a hiam? (b) Mawhna le sihna pan suakta ihih manin i lungsimah bangci ngaihsun i hiam?

^၁၅ ကျမ်းစာမှာ ပါတဲ့ လွတ်မြောက်ခြင်း​ဆိုတာ ရွေးဖိုး​ကြောင့် အပြစ်ကြွေး ကင်းလွတ်​ခြင်း၊ ပြစ်ဒဏ်​ကနေ ကင်းလွတ်​ခြင်း​ကို ရည်ညွှန်းတယ်။ “ဘိုးဘေး​တွေ​ဆီ​က ဆက်ခံ​ရရှိတဲ့ အချည်းနှီး​ဘဝကနေ ခင်ဗျားတို့ကို လွတ်မြောက်​စေခဲ့တာ​ဟာ ရွှေ​ငွေ​စတဲ့ ပျက်စီးတတ်တဲ့​အရာတွေ မဟုတ်မှန်း ခင်ဗျားတို့ သိပါတယ်။ အနာအဆာ၊ အစွန်း​အထင်း ကင်းတဲ့ သိုးသငယ်ရဲ့ သွေးနဲ့တူ​တဲ့ ခရစ်တော်ရဲ့ တန်ဖိုးကြီးတဲ့ သွေးနဲ့ လွတ်မြောက်​စေခဲ့တာ​ပါ” လို့ တမန်တော် ပေတရု ပြောတယ်။—၁ ပေ. ၁:၁၈၊ ၁၉။

^၁၆ အပြစ်နဲ့ သေခြင်း​ကြောင့် လူတွေ အကြီးအကျယ် ဒုက္ခရောက်​ကြရတယ်။ ရွေးဖိုး ပူဇော်သက္ကာ​ကြောင့်သာ အပြစ်နဲ့ သေခြင်းရဲ့ စိုးမိုးမှု​အောက်ကနေ ကျွန်တော်တို့ လွတ်မြောက်​နိုင်​ကြ​တာ။ (ရော. ၅:၂၁) ယေရှုရဲ့ အဖိုးတန် သွေးကြောင့် ရလာတဲ့ ဒီ​လွတ်မြောက်မှု​အတွက် ယေဟောဝါနဲ့ ယေရှု​အပေါ် ကျေးဇူးကြွေး တင်​နေတယ်လို့ ခံစားကြရတယ်။—၁ ကော. ၁၅:၂၂။

17-18. (a) Midikin kiciaptehna cih in bang a cihnopna a hiam? (b) Midikin kiciaptehna in bang hamphatna om a hiam?

^၁၇ ဖြောင့်မတ်သူ​အဖြစ် သတ်မှတ်ခံရ​ခြင်း​ဆိုတာ စွဲချက် ရုပ်သိမ်း​ခံရခြင်း၊ ပြစ်မှု​မှတ်တမ်း ပယ်ဖျက်​ခံရခြင်း​ကို ဆိုလိုတယ်။ ဒီလို​ပယ်ဖျက်​ပေး​လိုက်​ပေမဲ့ မိမိရဲ့ တရားမျှတမှုစံနှုန်းကို ယေဟောဝါ မချိုးဖောက်​ပါ​ဘူး။ ဖြောင့်မတ်သူ​အဖြစ် ယေဟောဝါ သတ်မှတ်တာဟာ ကျွန်တော်တို့ သတ်မှတ်​ခံထိုက်​လို့ မဟုတ်ဘူး။ ကျွန်တော်တို့ရဲ့ အပြစ်တွေကို လက်သင့်ခံလို့ မဟုတ်ဘူး။ ရွေးဖိုး ပေးထားလို့၊ အပြစ်ဖြေခြင်း အစီအစဉ် ကို ကျွန်တော်တို့ ယုံကြည်​သက်ဝင်​လို့ အပြစ်တွေ ပယ်ဖျက်​ပေး​လိုက်တာ ဖြစ်တယ်။—ရော. ၃:၂၄။ ဂလ. ၂:၁၆။

^၁၈ ဖြောင့်မတ်သူ​အဖြစ် သတ်မှတ်ခံရ​လို့ ဘာအကျိုးရသလဲ။ ဖြောင့်မတ်သူ​အဖြစ် သတ်မှတ်ခံရ​သူတချို့​ဟာ ကောင်းကင်မှာ ယေရှုနဲ့​အတူ အုပ်ချုပ်​ဖို့ ရွေးချယ်ခံရတယ်။ ဘုရားရဲ့ သားသမီးတွေ ဖြစ်လာတယ်။ (တိ. ၃:၇။ ၁ ယော. ၃:၁) အပြစ်​ခွင့်လွှတ်ခံရ​တယ်။ တစ်ခါမှ အပြစ်​မလုပ်ဖူး​သလို ဖြစ်သွား​လို့ နိုင်ငံတော်​ဝင်ဖို့ အရည်အချင်း ပြည့်မီ​သွားတယ်။ (ရော. ၈:၁၊ ၂၊ ၃၀) တချို့ကျတော့ မြေကြီးပေါ် ထာဝစဉ် အသက်ရှင်ဖို့ မျှော်လင့်ချက် ရှိလာတယ်။ အပြစ်​ခွင့်လွှတ်ခံရ​ပြီး ဘုရားရဲ့ မိတ်ဆွေတွေ ဖြစ်လာတယ်။ (ယာ. ၂:၂၁-၂၃) အာမဂေဒုန်မှာ အသက်ရှင်​လွတ်မြောက်​မယ့် လူအုပ်ကြီးဟာ သေခြင်း​တရား​နဲ့ တစ်ခါမှ ရင်ဆိုင်​စရာ မလိုတဲ့ အလားအလာ ရှိမယ်။ (ယော. ၁၁:၂၆) သေဆုံးသွားတဲ့ “ဖြောင့်မတ်သူ​ရော မဖြောင့်မတ်သူတွေပါ” ပြန်ရှင်​လာမယ်။ (တ. ၂၄:၁၅။ ယော. ၅:၂၈၊ ၂၉) နာခံမှု​ရှိတဲ့ မြေကြီးပေါ်က ဘုရား​ကျေးကျွန်​အားလုံးဟာ နောက်ဆုံးမှာ “ဘုရားသခင့် သားသမီးတွေရဲ့ ဘုန်းအသရေ​နဲ့ ပြည့်စုံတဲ့ လွတ်လပ်မှုကို ခံစားရမယ်။” (ရော. ၈:၂၁) အဖ​ယေဟောဝါနဲ့ အပြည့်အဝ ပြန်လည်​သင့်မြတ်​လာမယ့်​အချိန်ကို ကျွန်တော်တို့ မျှော်လင့်​တ​ကြီး စောင့်နေကြပါ​တယ်။ ဒါဟာ အပြစ်ဖြေခြင်း အစီအစဉ်​ကြောင့် ရလာတဲ့ အံ့ဖွယ်​ကောင်းချီးပါပဲ။

19. I dinmun koi bangin a hoih lamah hong kikheel a hiam? (““Jehovah’ Mawhmaisakna” kiu li bawm zong en in.)

^၁၉ အရာရာ ဆုံးရှုံး​သွားပြီး တစ်သက် ဆပ်​မကုန်​တဲ့ အကြွေးတွေ အမွေ​ရ​လိုက်တဲ့ လူငယ်​အဖြစ်​နဲ့ ကျွန်တော်တို့​အဖြစ် ဆင်တူ​ခဲ့​တာ မှန်ပါတယ်။ ဒါပေမဲ့ ယေဟောဝါ ပြင်ဆင်ပေးတဲ့ အပြစ်ဖြေခြင်း အစီအစဉ်နဲ့ ရွေးဖိုး​ကြောင့် ကျွန်တော်တို့​အခြေအနေ ပြောင်းသွားတယ်။ ယေရှုခရစ်ကို ယုံကြည်သက်ဝင်တဲ့အတွက် အပြစ်နဲ့ သေခြင်း​လက်အောက်ကနေ လွတ်မြောက်​နိုင်​ကြတယ်။ အပြစ်​ခွင့်လွှတ်ခံရ​ကြတယ်။ တစ်ခါမှ အပြစ်​မလုပ်ဖူး​သလို ဖြစ်​သွားကြတယ်။ အကြီးမားဆုံး အကျိုး​ရလဒ်ကတော့ အခု​အချိန်မှာ​တောင် မေတ္တာရှင်​အဖ ယေဟောဝါနဲ့ ဆက်ဆံရေးကောင်း ရှိနိုင်တာ​ပါပဲ။

20. A zom sin ding thu-ah bang thu kikum ding i hiam?

^၂၀ ယေဟောဝါနဲ့ ယေရှု လုပ်ပေးခဲ့တာ​တွေ​ကို စဉ်းစားတဲ့အခါ ကျွန်တော်တို့ ကျေးဇူးတင်စိတ် တဖွားဖွား ပေါ်လာ​ကြတယ်။ (၂ ကော. ၅:၁၅) သူတို့သာ မကူညီ​ရင် ကျွန်တော်တို့ မျှော်လင့်ချက် မဲ့​နေ​ကြ​မှာ။ ယေဟောဝါရဲ့ ခွင့်လွှတ်မှု​ကြောင့် တစ်ယောက်ချင်းစီ​အနေနဲ့​ကော ဘာအကျိုးရသလဲ။ ဒီအကြောင်း နောက်ဆောင်းပါးမှာ ဆွေးနွေးပါမယ်။