Reperensia Karta nekʼawuabari Bʼaita Kristianora kĩrãkʼa akʉza Trajaita Daizezeita
© 2025 Watch Tower Bible and Tract Society of Pennsylvania
3-9 NOVIEMBREBAYEDA
BEDʼEA BIA DAIZEZE BEDʼEADE ŨDUDATA EL CANTAR DE LOS CANTARES 1, 2
Wãrĩnu kãga jõkata ũdubisi
w15 15/1 30 parr. 9, 10
¿Ewari jõmaʉ̃nẽ yiya kãgaseapanʉka?
9 Juwa jidapanʉrãra bari ãbapana ẽ baibara, ãyirai kãga ũdubidabara mamina ¿kʼãrẽ kãgata ũdubibara ãyara? Ũdubidaibara kãga Daizeze Bedʼeaba jarabʉta wuabemara kãgadamarẽã jarabʉ kĩrãkʼa adewara ãyi kima kãgaibara ãyi mebẽrã kãga ũdubibʉ kĩrãkʼa akʉza ãyi neũdukʼawuara kãga ũdubibʉ kĩrãkʼa kãgaibara ãyi kimasida, adewara yumakẽrãba yuwẽrã kãga ũdubibʉta ũdubibara (1 Juan 4:8.) (Juan 11:3.) (Prov. 5:15-20.) Mamina jipade yibia juwa jidapanʉraba ãyirai yiya kãgabʉta bari ãyi krĩchade erba ẽ baita awuarabʉrʉ ãyi kima jaraita akʉza oũdubita nekʼãrẽ mejãcha oita erpanʉmina, ãyirai mawũã yiya kãga ũdubibʉba kʼarebabʉ ãyi sobiapanaita akʉza ãbapanaita. Jipade yibia juwapanʉraba ãyirai yiya kãgapanʉta badua jarapanaita, maʉ̃ kĩrãbebʉba kʼarebabʉ baera ãyirai yiya kãgabʉta audre zarea bʼaita akʉza ewari jõmaʉ̃nẽ yiya kãgadaita.
10 Bari jaradaita, nokʼo Salomónba sulamita jarasi, nekʼãrẽ oro omata diaita akʉza bedʼea biata mejãcha jarasi sulamitaba iyita kãgamarẽã (Cant. De Cant. 1:9-11; 6:10). Mamina naʉ̃ yuwẽrãbara kãga ze ẽ basi iyira, awuarabʉrʉ obeja akʉbarita audre kãgabasi, ¿kʼãrẽba kʼarebasi iya maʉ̃ta ewari jõmaʉ̃nẽ kãga bʼaita? Iya ewari jõmaʉ̃nẽ kĩrãbebasi obeja akʉbariba iyaʼa kʼãrẽ bedʼea bia jaradata (akʉra El Cantar de los Cantares 1:2, 3).
Jʉrʉda nekʼãrẽ biʼiabʉta Daizezedebemata
¿Sãwũã yi bedʼea panaseabʉ Jeowaba kãgabʉde?
10 ¿Mara yi bedʼeapanʉnera sãwũã Jeowaba kãgabʉde baseapanʉ? Marara mayirai audre yi ũdukʼawua wãne audre yi kãgadayi mamina, ¿kʼãrẽba kʼarebai maraba Jeowa nãã kayirua oda ẽ marẽã? (1 Cor. 6:18). Marara ũmepai doba pana ẽ baibara, ituata aukʼara doda ẽ baibara akʉza bedʼea ẽ baibara mia erkʼãĩ ʉ̃rʉ (Efes. 5:3). Maʉ̃ba audre krĩchabiseabʉ baera ãba kʼãĩta adewara zarea baseabʉ Jeowaba kãgabʉ oita, marara bedʼeaseapanʉ sãwũã mayirai yiya wawia ũdubita akʉza sãwũã oita Jeowaba kãgabʉta (akʉra Proverbios 22:3). Dawit akʉza Almazʼʉ̃mera Etiopíadebema, ãya naʉ̃ta jarabʉ: «Daira ũmepai pana ẽ basi, dai ãba wãbʉrʉdera wãpanasi ẽbẽra biobʉmae mawũã ẽ bʉrʉ dai neũdukʼawuarabawara. Mia karrode, mia dedabida ũmepai doba pana ẽ basi, naʉ̃ba kʼarebasi daiba kayirua oẽ baita».
11 ¿Yi bedʼeapanʉrabara ãyirai kãga ũdubiseapanʉka? Mayirai audre yi kãga wãne audre ũdubikĩrã wãñi sãwũã yi kãgapanʉta, mamina maraba aukʼara krĩchapanʉbʉrʉ ãba yi erkʼãĩ ʉ̃rʉ maʉ̃bara kʼareba ẽ bayi maraba krĩcha biata jidadamarẽã (Cant. 1:2; 2:6). Edaʉde maraba mayirai yiya kãga ũdubibʉdera nekʼãrẽ Jeowaba kãga ẽãta oseapanʉ (Prov. 6:27). Mayirai ʉ̃rabʉrʉ bedʼea jʉ̃drʉbʉrʉdera jara ũrĩbidua sãwũã yi kãga ũdubidaita Daizeze Bedʼearadebemaba jarabʉ kĩrãkʼa (1 Tes. 4:3-7). Mayikʉza krĩchaidua naʉ̃ ʉ̃rʉ: «¿Dai sãwũã yi kãga ũdubipanʉta wuabemaraba ũdudara kʼãrẽta krĩchadai? ¿Mawũã yi kãga ũdubibʉba audre krĩchabibʉka ãba yi erkʼãĩta?».
10-16 NOVIEMBREBAYEDA
BEDʼEA BIA DAIZEZE BEDʼEADE ŨDUDATA EL CANTAR DE LOS CANTARES 3-5
Dayi sode kʼãrẽ nebia erbʉtrʉ audre yibia
w15 15/1 30 parr. 8
¿Ewari jõmaʉ̃nẽ yiya kãgaseapanʉka?
8 Yumakẽrã obeja akʉbariba sulamitaʼa bedʼea bia jarabasidera, bari jaraba ẽ basi iyi sãwũã biʼiakiru ʉ̃rʉ awuarabʉrʉ iyi sode kʼãrẽ nebia erbʉ ʉ̃rʉbida jarabasi. Bari jaradaita, naʉ̃ yumakẽrãbara jarasi sulamitara, ẽbẽra biata, wuabemarata bia edabʉta akʉza bia bedʼeabʉta wuabemara. Iya jarasi sulamita bedʼeara miel kũa kĩrãkʼabʉta akʉza leche kĩrãkʼa (akʉra El Cantar de los Cantares 4:7, 11). Maʉ̃ba jaraseapanʉ maʉ̃ yumakẽrãba sulamita biʼiakiru asidera bari ʉ̃rʉ biʼiakiruta jara ẽ basita awuarabʉrʉ iyi sode kʼãrẽ nebia erbʉ kʼareabida mawũã jarasita.
w00 1/11 11 parr. 17
Daizeze kĩrãkʼa krĩchadadrʉ mia erkʼãĩ ʉ̃rʉ
17 Yumakẽrã obeja akʉbari sulamita kãgabadabara jarasi sulamitara drʉade nepono kĩrãwãreãbʉ kĩrãkʼabʉta (El Cantar de los Cantares 4:12). Nawedara Israeldera basi drʉata nepono mejãcha erbʉta akʉza bakururata maʉ̃ drʉara biʼiakirasi. Mamina maʉ̃ audura muroba pʉrrabasi akʉza maʉ̃bara puerta abapai erbasi maʉ̃ra yabeba ewaibarabasi, baduta eda wãbe ẽ basi mamara, maʉ̃ kʼarea obeja akʉbaribara jarasi sulamitara maʉ̃ kĩrãkʼabʉta iyira biʼiakirasi mamina badu yumakẽrãta kãgaba ẽ basi awuarabʉrʉ abapai maʉ̃ba obeja akʉbaribara kʼawuabasi iyita sulamitaʉ̃me juwa jidara, sulamitabara iyitrʉ abapai kãgaibasita.
g04 22/12 9 parr. 2-5
Dayi sode nebita erbaita audre yibia
Idi ewadera ẽbẽrarãbara audre akʉpanʉ ʉ̃rʉ sãwũã kĩrãwãreãbʉta, mamina ẽbẽra ãya kãgabʉ kĩrãkʼabʉta ũduira jipade zareabaseabʉ adewara maʉ̃ra kʼãrẽita zeri ẽ. Kĩrãwãreã bʼaira dayidebʉ ẽ mamina dayi sode nebia erbaira dayidebʉ, Dazeze Bedʼeaba naʉ̃ta jarabʉ: «Bia ũdubʉra sewata mawũã baseabʉ akʉza kĩrãwareã ũdubʉra mesera berabaribʉ, mamina yuwẽrã Jeowa wawia ũdubibʉra iyi ʉ̃rʉ ibia bedʼeadayi» adewara Daizeze Bedʼeaba jarabʉ: «Yuwẽrã aba kĩrãwãreãbʉba bia krĩchabʉta ũdubi ẽ bʉrʉ, maʉ̃ yuwẽrãra chinaba iyi kĩbʉde argoya oro oma jʉ̃bʉ kĩrãkʼabʉta» (Proverbios 11:22; 31:30).
Daizeze Bedʼeaba naʉ̃ta jarabʉ: «Awuarabʉrʉ bʉ sotrʉ biabaibara, bʉra aduʼabaibara akʉza urumʉ̃rʉãbaibara, naʉ̃ra Daizeze dabʉ nããra yibia baera» (1 Pedro 3:4). Naʉ̃ba ũdubibʉ audre yibiata dayi sode nebia erbaita ʉ̃rʉ kĩrãwãreãbaira.
Jʉrʉda nekʼãrẽ biʼiabʉta Daizezedebemata
mwb16.11 8, rekuadro
Sulamita: Dayirãita yiza bia
4:12. ¿Kʼãrẽa sulamitara yiza bia dayirãita?
• Ẽbẽra aba iya wãrĩnu kãga zeita jʉ̃asi.
• Awuruba iyaʼa ẽbẽra aba kãgamarẽã jarabʉrʉdera maʉ̃ʼa yi edebi ẽ basi.
• Eda krĩchabʉta ũdubibasi sainʉ oita kʼawuabʉta ũdubibasi akʉza Jeowaba kãgabʉdebasi.
• Yumakẽrã kʼaidu wã ẽ basi plata kʼarea mia iyaʼa ibia bedʼeabʉ kʼarea.
17-23 NOVIEMBREBAYEDA
BEDʼEA BIA DAIZEZE BEDʼEADE ŨDUDATA EL CANTAR DE LOS CANTARES 6-8
Nemitia oita zebʉa yi edebirãra
w15 15/1 32 parr. 15, 16
Mʉ̃ nobiara nepono kĩrãwareãbʉ serrabʉ kĩrãkʼabʉ
Yumakẽrã obeja akʉbaritara sulamitara iyi abapaitabasi, sulamitabara iyitrʉ abapai kãga ũdubibʉ baera, mamina Salomónʼitara sulamitara muro kĩrãkʼabasi iyira puerta kĩrãkʼa ba ẽ basi yãrãba ewada ẽ basi (Cant. De Cant. 8:8-10). Maʉ̃ kĩrãkʼa mebẽrã yi kãgapanʉrabara abapai kãga ũdubidaibara yi kima baiabʉrʉ awurura akʉ ẽ baibara.
Ewari aba obeja akʉbariba sulamita jarasi iyiʉ̃me pasia wãmarẽã mamina sulamina mebẽrãbara iduaribi ẽ basi awuarabʉ zokʼasida ãyi uba akʉ wãmarẽã. Ãyara ¿mawũã osidaka ĩjãna ẽ basi baera sulamita ʉ̃rʉ? Mawũã ẽ bʉrʉ, ¿ãyara krĩcha panasika nemitia ode wãta obeja akʉbariʉ̃me? Mawũã ẽ, awuarabʉrʉ ãya bia akʉkĩrã panasi akʉza neida berabari ẽ marẽã kãga panasi (Cant. De Cant. 1:6; 2:10-15). ¿Kʼãrẽta kʼawuapanʉ naʉ̃neba? Yi kãga panʉrãra jura kʼawua bʼaibarata Jeowa dabʉ nãã neneẽãbaita, maʉ̃ba jarakĩrãbʉ nemitiade baebiseabʉta oẽ baibarata, bari jaraita ũmepai pana ẽ baibara akʉza ãyirai yi kãga ũdubibʉrʉdera jʉra kʼawua bʼaibara Jeowa nãã bia bʼaita.
yp 188 parr. 2
¿Kʼãrẽta sãwũã berabari mia erkʼãĩra juwa jidai naãã?
Daizeze Bedʼeabara jarabʉ, ẽbẽra wẽrã aba kʼaime mi erkʼãĩ ẽ bada ʉ̃rʉ iyi juwa jida yeda, maʉ̃ba iya ẽbẽra aba mejãcha kãgabʉmebida mia erkʼãĩ ẽ basita maʉ̃ kʼarea iya jaraseabasita iyira muro kĩrãkʼabasita. Muro ʉ̃tʉ mejãchabʉ kĩrãkʼabasi mia kʼaita mesera wãse ẽ basi, mawũã puerta kĩrãkʼa ba ẽ basi, mesera ewabasi baera puertara. Iyi ʉ̃rʉ jarasea panasi neneẽãbʉta, maʉ̃ba mawũã aduʼabʉ baera iyi juwa jidabʉrʉdera yi kimaʉ̃me aduʼa panaibasi. Maʉ̃ kʼarea jarasi, iya kãgabʉ dabʉ nãã neneẽã aduʼabʉta (El Cantar de los Cantares 6:9, 10; 8:9, 10.) Naʉ̃ nebʉraba jaradiabʉ juwa jida ẽ nãã mia erkʼãĩ ẽ bʉrʉ, aduʼa bʼaita mejãcha zʉbʉria ẽ baita.
yp2 33
Yiza biata: Sulamita
Sulamitabara bia kʼawuabasi kãgai ʉ̃rʉra kʼãrẽta sãwũã oibarata, maʉ̃ kʼarea iyi neũdukʼawuara iya jarasi iyaʼa jarada ẽ marẽã kãgamarẽã awuruta iyareba kãga ze ẽãnera. Sulamitabara bia kʼawuabasi dayi sobara sewaseabʉta maʉ̃ba wuabemaba baldua jarapanʉbʉrʉ ẽbẽra abaʉme juwa jidamarẽã maʉ̃ bedʼeata ĩjãseabasita akʉza mia kʼãĩsiabasita ẽbẽra bia ẽãʉ̃me. Adewara Sulamitabara kʼawuabasi mia kãgabʉrʉdera Maʉ̃bara biʼia krĩchabi ẽãta, maʉ̃ kʼarea iya krĩchasi teitea bʼaita muro kĩrãkʼa (El Cantar de los Cantares 8:4,10).
¿Bʉara kãgai ʉ̃rʉra sulamitaba akʉbʉ kĩrãkʼa akʉbʉka? ¿Obʉka bʉ soba kãgabʉta mawũã ẽ bʉrʉ bia krĩcha kʼãrãpe obʉka? (Proverbios 2:10, 11). Edaʉde ẽbẽra abaʉba bʉaʼa jaraseabʉ ẽbẽra aba kãgamarẽã wuabida juwa jidabari ba ẽna, mawũã ẽ bʉrʉ bʉta juwa jida kĩrãbʉ baibara wuabida juwa jidabari ba ẽna. Bari jaraita, bʉã ũdubʉrʉde ẽbẽra yi nobiorata, ¿bʉabida nobio erbakĩrãdogoka? Mawũã ẽ bʉrʉ ¿nobio erbaya Daizeze odebʉ ẽãta jʉrʉkĩrãbʉka? Sulamitabara bia krĩchasi maʉ̃ ʉ̃rʉ, bʉabida abarika iyide kĩrãkʼa oseabʉ.
Jʉrʉda nekʼãrẽ biʼiabʉta Daizezedebemata
w23.05 20 parr. 1, nota
Jeowa tʉbʉ pʉreara ariya pʉrea erbara
1 KÃGARA «iyi tʉbʉ pʉreara jẽrãtʉbʉ, Jah tʉbʉ pʉrea. Bania kĩrʉbʉbara kia ẽ kãgara, mia do zromabida do barrea ede ẽ» (Cant. 8:6, 7). Kʼãrẽ bedʼea bia naʉ̃ kãga ʉ̃rʉ bedʼeabʉra. Naʉ̃ba ũdubibʉ baera juwa jidapanʉra kãga ũdubibʉra ewari jõmaʉ̃nẽ erbaseabʉta. Kãgara jõ ẽãra akʉza zareabʉra, maʉ̃bara jarakĩrãbʉ «Jah tʉbʉ pʉrea», kãgaira Jeowadeba zebʉ baera.
24-30 NOVIEMBREBAYEDA
BEDʼEA BIA DAIZEZE BEDʼEADE ŨDUDATA ISAÍAS 1, 2
Jeowaba kʼarebabʉ yi iya kayirua oda kʼarea krĩcha zroma obʉta
ip-1 14 parr. 8
Zeze abaʉba erbʉ wũãwũãra iyi bedʼea ũrĩkĩrã ẽãta
8 Isaíasba Judá pʉwʉrʉʼa naʉ̃ bedʼeata jarasi: «Zʉbʉriayi pʉwʉrʉ nemitia obʉra pʉwʉrʉ nemitia mejãcha erbʉra, wũãwũãra nemitia omiara, wũãwũara yara sewakʉabʉra, marabara Jeowata amaesida wawia ũdubi ẽ basi Israelʼde neneẽã bʉa, maʉ̃ʼa ẽkarra diabʉda» (Isaías 1:4). Nemitia obʉra ewariza bira wãseabʉ nekʼãrẽta edabʉe wã kĩrãkʼa, bʉa nekʼãrẽta iyabaʉ mae pipia wãne maʉ̃ra mejãcha zʉgʉaseabʉ maʉ̃ba kabariseabʉ, maʉ̃ kĩrãka ẽbẽraba nemitia obʉra ewariza obʉ baera mejãcha zʉgʉa zeseabʉ. Abrahán ewaridera Jeowaba jarasi Sodoma akʉza Gomorraba nemitia odara nemitia zroma basita (Génesis 18:20). Abarika berabarisi pʉwʉrʉ Judáde maʉ̃ kʼarea Isaíasba jarasi ãyara nemitia mejãcha erbʉta adewara jarasi «wũãwũãra nemitia omiara wũãwũara yara sewakʉabʉra», maʉ̃ba ẽbẽrara Judádebemara Daizezeʼa ẽkarrabʉ diabʉrʉ kĩrãkʼapanasi akʉza ãyira wũãwũara nekayirua omia kĩrãkʼapanasi.
Jeowaba kãgabʉ jõmaʉ̃ta soiduba jẽda krĩchadamarẽã
6 Israelitaraba Jeowaba zokʼabʉta oẽãnera Jeowabara propetara badua zokʼa bʉebasi ãyaʼa jaramarẽã kʼãrẽta berabarita iyi bedʼeata ũrĩna ẽ bʉrʉ. Bari jaraita, Jeowaba Jeremíasneba jarasi israelitara iyima jẽda zedara iyara ãyira jẽda bia akʉita akʉza kãga jõkata ũdubita. Jeowabara bari kãgabasi israelitaraba ãya nemitia oda kʼarea jẽda krĩchadamarẽã mawũã iya bia akʉita (Jer. 3:12, 13). Jeowaba Joeldeba jarasi israelitara soiduba jẽda zedamarẽã (Joel 2:12, 13). Jeowaba Isaíasdeba jarasi israelitara ãya kʼãrẽ kayirua obadara idubʉdamarẽã Jeowa dabʉ nãã neneẽã panaita (Is. 1:16-19). Adewara Jeowaba Ezequieldeba naʉ̃ta jarasi: «‹¿Mʉ̃ra sobiabʉka ẽbẽra kayirua beibʉrʉdera? ¿Mʉ̃itara audre yibia ẽka iya nemitia obʉta idubʉmarẽã mawũã bei ẽ bamarẽã?›. ‹Ẽbẽra aba beibʉrʉdera mʉ̃ra sobiabʉ ẽ, maʉ̃ kʼarea jẽda zeidua mʉ̃ma mawũã zokʼaipanaita›» (Ezeq. 18:23, 32). Ẽbẽra abaʉba iya nãã nemitia obadata idubʉra akʉza jẽda krĩchara Jeowara mejãcha sobiabʉ Jeowabara kãgabʉ baera ẽbẽrarãra ewari jõmaʉ̃nẽ panamarẽã. Mamina Jeowabara kʼãrẽ oẽ jʉ̃ãbʉ ẽ ẽbẽrarã sõbede iyima jẽda zeita awuarabʉrʉ iyiareba kʼarebabʉ iyima zedamarẽã. Akʉdaya awuru yizarata.
Jʉrʉda nekʼãrẽ biʼiabʉta Daizezedebemata
ip-1 39 parr. 9
Jeowadera ʉ̃tʉbʉ wuabemaraira
9 Idi ewadera, ẽbẽrarã mejãchaʉba Jeowaba kãgabʉ kĩrãkʼa yiwidʼipanʉ mawũã yiwidʼira audre yibia, Isaías 2:2de Jeowa de katumabara maʉ̃ta jarakĩrãbʉ, maʉ̃ba Jeowa odepanʉrãra iyabʉ mae ãba yi jʉrepanʉ ẽ awuarabʉrʉ jõmaʉ̃ba yiwidʼipanʉ Jeowaba kãgabʉde.
1-7 DICIEMBREBAYEDA
BEDʼEA BIA DAIZEZE BEDʼEADE ŨDUDATA ISAÍAS 3-5
Israelitarabara ũrĩbarabasi Jeowa bedʼeara maʉ̃ba jʉ̃ãbasi ãya maʉ̃ta odamarẽã
ip-1 73, 74 parr. 3-5
Uba bia zaʉ ẽãra zʉbʉriayi
4 Isaías ewaridera, uba yibaribara uba tata uba ẽ basi awuarabʉrʉ uba bia tukuta ubasi egoro biade mawũã bia pawaramarẽã mamina ubata biʼia zaʉmarẽãra yi uba yibarira mejãcha trajaibarabasi. Bari jaraita, egorora ara oibarabasi maʉ̃ne mõgarata bʉbʉrʉ maʉ̃ta ãĩbʉeibarabasi, maʉ̃ oira mejãcha trajaibarabasi akʉza mõgarara ãba pipiaibarabasi muro oita adewara maʉ̃ mõgara mawũã ãba pipiabʉbara kʼarebabasi yi uba akʉpanʉrata jewedadamarẽã adewara mõgarara ãba pipiabʉepanasi kʉe zebʉrʉde egorota ede ẽ marẽã (Isaías 5:5). Uba yibarira mawũã mejãcha trajasi baera iyara jʉ̃ãbasi ubara biʼia zaʉmarẽã akʉza iya parãsi uba babarita mamina ubara bia zaʉ ẽ basi.
ip-1 76 parr. 8, 9
Uba bia zaʉ ẽãra zʉbʉriayi
9 Jeowabara Israelitarara Canaán ena edesi, mama iyi ubata iyi buru kĩrãkʼasi adewara muro kĩrãkʼa diasi iyi leyta mawũã awuru pʉwʉrʉraba ãya nemitiata obida ẽ marẽã (Éxodo 19:5, 6; Salmo 147:19, 20; Efesios 2:14). Maʉ̃ awuara diaisi saserdoterata, juezʼrata akʉza propetarata ãya jaradiadamarẽã (2 Reyes 17:13; Malaquías 2:7; Hechos 13:20). Akʉza Israel pʉwʉrʉta ãyi nejʉraba purra edabʉdadera zokʼa bʉebasi ãyi ẽdrʉbibarita (Hebreos 11:32, 33). Maʉ̃ kʼarea iya widibʉ, ¿kʼãrẽta oibarata nekʼãrẽ jõma osibʉrʉ iyi ubata bia zaʉmarẽã?
w06 15/6 18 parr. 1
Akʉra naʉ̃ ubata
Isaíasbara jarasi Israel pʉwʉrʉra uba oidebema kĩrãkʼabasita (Isaías 5:2, 7; nota). Uba oidebemara wiñakiru yi tata yi zroma maʉ̃ba zeri ẽ basi koita, bino oita, maʉ̃ kĩrãkʼabasi pʉwʉrʉ Israelta ãya nebia oi kaude nemitiata osida baera. Mawũẽra Jeowabara nekʼãrẽ jõma osi Israel pʉwʉrʉ bia wãmarẽã mamina ãya ũrĩna ẽ basi baera bia wã ẽ basi maʉ̃ kʼarea Jeowaba widibasi iya nekʼãrẽ jõma osibʉrʉ uba bia zaʉmarẽã, maʉ̃ awuara ¿kʼãrẽta sãwũã oibarabasi? (Isaías 5:4).
w06 15/6 18 parr. 2
Akʉra naʉ̃ ubata
Pʉwʉrʉ Israelʼra uba zeri ẽ oidebema kĩrãkʼabasi baera Jeowabara jarasi iyi pʉwʉrʉʼa wua akʉ ẽ baita, abarika uba yibariba ũdubʉrʉde uba zeri ẽ waribʉrʉde maʉ̃ra wua akʉ ẽ kĩrãkʼa, iduaribibasi chiruamarẽã. Maʉ̃ kĩrãkʼa Jeowabara wua akʉ ẽ basi Israel pʉwʉrʉra ãya ũrĩna ẽ basi baera iyi bedʼeata (Isaías 5:5, 6).
Jʉrʉda nekʼãrẽ biʼiabʉta Daizezedebemata
ip-1 80 parr. 18, 19
Uba bia zaʉ ẽãra zʉbʉriayi
18 Nawedara Israelitarabara erbasi ãyi drʉata mamina maʉ̃ drʉara Jeowaba ãyaʼa diadabasi maʉ̃ba israelitarabara maʉ̃ drʉara awurua prestaseabasi akʉza alkilaseabasi mamina nedobe ẽ basi maʉ̃ drʉara Jeowadebasi baera (Levítico 25:23). Jeowaba mawũã jaradaba kʼarebasi israelitarata kʼãrẽ neẽ bemarẽã mamina ʉ̃kʉrʉ israelitarabara Jeowaba jaradara ũrĩ ẽ basi. Ʉ̃kʉrʉ israelitara drʉata ajuersade jãrĩsida (Miqueas 2:2). Mamina Jeowaba jarasi mawũã ʉ̃kʉrʉ israeliaraba ajuersade drʉa jãrĩnara Jeowaba jẽda jãrĩta.
8-14 DICIEMBREBAYEDA
BEDʼEA BIA DAIZEZE BEDʼEADE ŨDUDATA ISAÍAS 6-8
«Zachʉa mʉ̃ta, zokʼabʉera mʉ̃ta»
ip-1 93, 94 parr. 13, 14
Jeowara iyi templodebʉ
13 Isaíasba: «Ũrĩsi Jeowaba jarabʉta: ¿Kʼaita zokʼabʉi akʉza kʼaita wãi dayirãbarira? Aramaʉ̃ta mʉ̃a jarasi: Zachʉa mʉ̃ta, zokʼabʉera mʉ̃ta» (Isaías 6:8). Maʉ̃ bisionʼnera neẽ basi awuru propetara maʉ̃ kʼarea kʼawuapanʉ Jeowaba naʉ̃ bedʼea widisidera kãgabasita Isaíasta iyi propeta bamareã. Isaíasbara Jeowaba kʼãrẽ omarẽã zokʼaita krĩcha ẽã kʼãwũã jarasi «zachʉa mʉ̃ta, zokʼabʉera mʉ̃ta» adewara iya krĩcha ẽ basi mawũã obʉrʉdeba kʼãrẽ nebia ũduita, naʉ̃ra dayirãita idi ewade yiza bia, dayirãbida idi ewadera iyide kĩrãkʼa oseapanʉ Jeowaba zokʼabʉ baera naʉ̃ drʉa jõmaʉ̃nẽ iyi bedʼeata jaradia wãmarẽã (Mateo 24:14).
ip-1 95 parr. 15, 16
Jeowara iyi templodebʉ
15 Jeowaba jarabʉ Isaías kʼãrẽta sãwũã jaraibarata iyi pʉwʉrʉʼa akʉza kʼãrẽta oita iyi pʉwʉrʉba: «wãra mõbe jarada naʉ̃ pʉwʉrʉʼa , maraba mejãcha ũrĩbʉrʉbʉsida bia ũrĩna ẽ bayi maraba mejãcha akʉbʉrʉbʉsida bia kʼawua ẽ bayi, naʉ̃ pʉwʉrʉ sora zarea babira ãyi kʉwʉrʉra anara akʉza ãyi dabʉsida anara, ãya ãyi dabʉba ũdu ẽ marẽã akʉza ãyi kʉwʉrʉba ũrĩna ẽ marẽã ãyi soiduba ũrĩna ẽ marẽã akʉza Daizezema jẽda zeda ẽ marẽã adewara beda ẽ marẽã» (Isaías 6:9, 10). Naʉ̃ bedʼeabara jarakĩrãbʉ ẽ Isaíasba israelitara imitia bedʼeaibasita awuarabʉrʉ jarakĩrãbʉ Isaíasʼra israelitara ibia bedʼeaibasimina israelitarabara ũrĩ ẽ baibasita. Isaíasbara Israel pʉwʉrʉara jarada ʉ̃rʉ jaradiabaibasi mamina ãyara jipa ũrĩ ẽ baibasi, maʉ̃neba ãyira dauberreabʉ kĩrãkʼa baibasi akʉza kʉwʉrʉba dauberrea bʉ kĩrãkʼa baibasi, ãyara jipa ũrĩ ẽ baibasi Daizezeba jarabʉ bedʼeara. Maʉ̃ kĩrãkʼa idi ewadera dayirãba Daizeze Bedʼea ẽbẽrarã jaradia wãbʉrʉra mejãchaʉba ũrĩkĩrãde ẽ.
ip-1 99 parr. 23
Jeowara iyi templodebʉ
23 Jesúsba ũdubisi Isaíasba propesia jaradara iyi ewaridebida aripe barabarinʉmasita, ẽbẽrarã mejãcha Isaías ewaride bada kĩrãkʼa so zarea panasi, ũrĩ ẽ basi Jesúsba jaradiabadara maʉ̃ba ãyira dauberreabʉ kĩrãkʼa akʉza kʉwʉrʉba ũrĩ ẽ bʉ kĩrãkʼapanasi. Mamina ʉ̃kʉrʉ ẽbẽrarãba ũrĩsida Jesúsba jaradiabadara akʉza iyi kʼaidubemabasida maʉ̃ kʼarea Jesúsbara jarasi ãyira mejãcha sobiapanʉta (Mateo 13:16-23, 51). Mamina Jesúsba jaradiabadata ũrĩ ẽ badara mejãcha zʉbʉriasida. Poaga 70de gorogorora romanoraba Jerusalén jõbiside mamabema ẽbẽrarãra jõma makenasi (Mateo 23:35-38; 24:1, 2). Mamina ẽbẽrarã Jesúsba jaradata ũrĩnara ẽdrʉsida Jesúsba jarasi Jerusalénta gorogororaba pʉrrabʉrʉdera wãnamareã katumaena (Lucas 21:20-22). Yi mawũã obʉrʉra beideba ẽdrʉsida (Gálatas 6:16).
Jʉrʉda nekʼãrẽ biʼiabʉta Daizezedebemata
w06 1/12 9 parr. 3
Bedʼea audre yibia Isaías librodebemata (parte I)
7:3, 4. ¿Kʼãrẽa kʼarebasi Jeowaba nokʼo Acazʼra ẽbẽra kayiruabasimina? Siria nokʼoraba akʉza Israeldebema nokʼoraba nokʼo Acazba Judáde zokʼabʉta ãĩ bʉe kĩrãpanasi maʉ̃barira ãya bʉekĩrãbasi Tabeel warrata. Mamina ãya mawũã osibʉrʉ Davidʼdeba nokʼo zeibadata aripe berabaribakasi, maʉ̃ kʼarea Jeowabara Acazʼra beidebe ẽdrʉbisi iyira Davidʼdeba zesi baera (Isaías 9:6).
15-21 DICIEMBREBAYEDA
BEDʼEA BIA DAIZEZE BEDʼEADE ŨDUDATA ISAÍAS 9, 10
«Ʉ̃na zromata» ũdudaibasita jarasida
12 (Akʉra Génesis 49:21). Jacobʼba jarasi Neftalíʼra ibia bedʼea bʼaibasita. Naʉ̃ra aripe berabarisi kĩrãkʼabʉ Jesúsdeba, Jesúsbara biʼia jaradiabasi baera akʉza biʼia bedʼeabasi baera iyira (Juan 7:46). Adewara Jesúsbara badua jaradiabasi pʉwʉrʉ Capernaúmne, naʉ̃ra Neftalí drʉadebema basi. Maʉ̃ba Daizeze Bedʼeade jarabʉ maʉ̃ra iyi pʉwʉrʉ basita (Mat. 4:13; 9:1). Adewara Isaíasba jarasi Jesúsʼra ũna zroma kĩrãkʼa bʼaibasita pʉwʉrʉ Zabulón akʉza Neftalídebemaraita (Is. 9:1, 2). Daizeze Bedʼeade jarabʉ Jesúsʼra ũna wãrĩnuara kĩrãkʼa bʼaibasita ẽbẽrarã naʉ̃ drʉadebemara jõmaita, iya bia jaradiabʉdeba (Juan 1:9).
ip-1 126-128 parr. 18, 19
Nokʼo warrata zeibasi
18 Yi Jesúsba jaradiabadata ũrĩpanʉrabara erpanasi ãyira kʼãrẽa sobiapanaita Isaíasba naʉ̃ta jarasi: «Bʉa obʉrʉ pʉwʉrʉra mejãcha bamarẽã akʉza obʉrʉ mejãcha sobia bamarẽã ãyira bʉ nãã mejãcha sobiapanʉ ne uda jurepei ewaride sobiabari kĩrãkʼa yõpanʉne nekʼãrẽ bia ũdudata, dedekabʉde sobiabari kĩrãkʼa sobiapanʉ» (Isaías 9:3). Jesúsba jaradiabadaba akʉza iyi kʼaidubemaraba jaradiabadaba kʼarebasi ẽbẽrarãba ũdubidamarẽã ãyi sode kʼãrẽtabʉta maʉ̃ba ʉ̃kʉrʉrara nekʼãrẽ jõma osida Jeowaba kãgabʉde yiwidʼi jʉ̃drʉdaita (Juan 4:24). Mawũã naʉ̃ra poaga kimare bai nãã ẽbẽrarã mejãchaʉta kristianora basida Pentecostés ewaride poaga 33de buru kʼoesida 3 mil maʉ̃ audre ẽãne yumakẽrãrata basi 5 mil (Hechos 2:41; 4:4). Kristianoraba «Daizeze bedʼeara wuaabʉrʉ jara wãsidʼa, mawũẽ Jesúsdʼebema ĩjã bʼera kʼãbãẽã eaba wãsia Jerusalénnerã. Sacerdoterãbidʼa bioba ĩjã tupudʼeasia» (Hechos 6:7).
19 Jesús kʼaidubemaraba ũdusidade ẽbẽrarã mejãchaʉba ĩjãsita Jesúsba jaradiadata sobiasida ẽbẽra ne udaba maʉ̃ jurepe ewaride sobiabari kĩrãkʼa mawũã e bʉrʉ yõpanʉne nekʼãrẽ bia ũdudata dedekabʉde sobia bari kĩrãkʼa (Hechos 2:46, 47). Maʉ̃ tẽã Jeowaba iduaribisi Judiora ẽãbida Daizeze Bedʼeata jaradiadamarẽã (Hechos 14:27). Maʉ̃ba ẽbẽrarã naʉ̃ drʉa jõmaʉ̃nebemata sobiasida ãyabida Jeowata orraseapanasi baera (Hechos 13:48).
ip-1 128, 129 parr. 20, 21
Nokʼo warrata zeibasi
20 Jesúsba odabara ewari jõmaʉ̃nẽ kʼarebaibasi Isaías librode jarabʉ ne zʉgʉa atʉbadara akʉza okiwade bakuru atʉbadara adewara ajuersade trajabibadara jõita Madián ewaride barabarida kĩrãkʼa (Isaías 9:4). Nawedara Madianitara bedʼea abarika zesi moabitarabawara israelitara nemitia obita (Números 25:1-9, 14-18; 31:15, 16). Tẽã madianitarabara israelitarara poaga siete bayeda zʉbʉria osi. (Jueces 6:1-6). Maʉ̃ kʼarea Jeowabara iyi odebʉta aba zokʼasi maʉ̃ kʼarebaita Gedeónta maʉ̃ba madianita gorogororara jõma makenasi maʉ̃ tẽã madianitarabara Jeowa pʉwʉrʉra wua zʉbʉriabi ẽ basi kĩrã (Jueces 6:7-16; 8:28). Aranʉ Jesúsbara Jeowa pʉwʉrʉ nejʉrarãra jõma jõbiyi (Revelación 17:14; 19:11-21). Madián ewaride Jeowa pʉwʉrʉde wua zʉbʉria oda ẽ kĩrãkʼa Jeowabara iyi pʉwʉrʉ nejʉra idi ewadebʉ makenabʉrʉdera maʉ̃rabara wua zʉbʉria oda ẽ bayi (Jueces 7:2-22). Maʉ̃ba Jeowaba iyi nejʉrara jõma makenabʉrʉdera iyi pʉwʉrʉra wua zʉbʉria ẽ bayi.
21 Jesúsba iyi nejʉrara wua makenai baera ewari jõmaʉ̃nẽ aduʼa panañi. Daizeze Bedʼeabara jarabʉ dayirãra wua perada ẽ baita gorogorora ãyi bota kʉrʉkʉrʉ wãchʉbeta ũrĩbʉrʉ kʼarea akʉza ãyi wua waba barabʉta ũdubʉ kʼarea (Isaías 9:5). ¿Kʼãrẽa? Yõra wua ne ẽ bai baera (Salmo 46:9).
Jʉrʉda nekʼãrẽ biʼiabʉta Daizezedebemata
w25.07 10, rekuadro
¿Sãwũã ũrãgʼa biata diaseapanʉ?
Jesúsbara bedʼeai nãã bia kʼawuabasi kʼãrẽ jaraita. Jesúsʼra Jeowaba jarabʉ kĩrãkʼabasi baera ũrãgʼa biata diabasi mawũã iyimabʉta jaradia ẽ basi baera. Jesúsbara iyi disipulora jarasi: «Mʉ̃a bedʼeata mara jaranʉmʉra mʉ̃yikʉzaʉba jaranʉmʉ ẽã» (Juan 14:10).
Kʼãrẽ kʼawuaseabʉta:Ũrãgʼa diabʉrʉdera dayi krĩchamabʉta dia ẽ baibara dayi zõrãrãchumina, awuarabʉrʉ nekʼãrẽ mejãcha kʼawuabʉmina, awuarabʉrʉ ũrãgʼa diabʉrʉdera Daizeze Bedʼeadeba ũrãgʼa diaibara.
Jesúsbara bia kʼawuabasi kʼãrẽ ewaride ũrãgʼa diaira. Jesúsbara iyi kʼaidupanʉrãra wãña ũrãgʼa dia ẽ basi, awuarabʉrʉ jʉ̃ãbasi kʼãrẽ ewaride ũrãgʼa bia diaita akʉza ãya ũrĩseabʉbitapai diabasi (Juan 16:12).
Kʼãrẽ kʼawuaseabʉta:Jʉ̃ãibara kʼãrẽ ewaridebʉrʉ ũrãgʼa diaseabʉta (Ecl. 3:7). Ẽbẽra abaʉʼa ũrãgʼata mejãcha diara, maʉ̃ba krĩcha zroma obiseabʉ, maʉ̃ba ũrãgʼa diabʉrʉdera aukʼara dia ẽ baibara.
Jesúsbara ũrãgʼa diabʉrʉdera bia okaʉbasi. Jesúsbara iyi kʼaidubemara ũrãgʼara diada ʉ̃rʉ diaibarabasi ãyita ʉ̃tabʉta krĩchabasi baera, iya maʉ̃ obasidera ibiade obasi (Mat. 18:1-5).
Kʼãrẽ kʼawuaseabʉta:Daya mebẽã abaʉʼa ũrãgʼata diada ʉ̃rʉ diabʉbʉrʉ, ãyara maʉ̃ ũrãgʼara ĩjãseabʉ daya ibiade jara ũrĩbira.
22-28 DICIEMBREBAYEDA
BEDʼEA BIA DAIZEZE BEDʼEADE ŨDUDATA ISAÍAS 11-13
¿Sãwũã bʼaibasi Mesiasʼra?
ip-1 159 parr. 4, 5
Mesiasba zokʼabʉrʉde ẽdrʉdayi akʉza sobiapanañi
4 Isaías ewari nãã ʉ̃kʉrʉ Daizeze Bedʼea bʉdaraba jara ũrĩbisida Mesíasta zeibasita maʉ̃ra Jeowaba zokʼaibasi pʉwʉrʉ Israelta nãã edemarẽã (Génesis 49:10; Deuteronomio 18:18; Salmo 118:22, 26). Maʉ̃ta Isaíasdeba Jeowaba audre bia jara ũrĩbisi, iya jara ũrĩbisi Jesé bakuru karradeba waribasita yi bakuru juwata akʉza maʉ̃bara neta biata diaibasita (Isaías 11:1; naʉ̃ testoʉ̃me akʉra Salmo 132:11). Naʉ̃ba ũdubibʉ mesíasra Jesédeba zeibasita yi warra Davidʼdeba. Davidʼra Israelde nokʼo baita jidasida (1 Samuel 16:13; Jeremías 23:5; Apocalipsis 22:16). Mesías ara zebʉrʉdera David dedaʉba neta biata zaʉbʉrʉ kĩrãkʼa baibasi.
5 Maʉ̃ Mesiasʼra Jesúsbasi, Mateoba Isaías 11:1ne jarabʉta zokʼasi iya jaraside propetaraba jarabʉta aripe berabarimarẽã Jesúsʼra trʉ̃gasidata Nazareno iyira trãgasida Nazaretʼde warisi baera (Mateo 2:23, nota; Lucas 2:39, 40).
Mesiasba zokʼabʉrʉde ẽdrʉdayi akʉza sobiapanañi
5 Dayirãba Jeowaʼa wãrĩnu wawiata ũdubibʉbʉrʉ kãgata ũdubidayi akʉza oẽ bayi iya kãga ẽãta akʉza iyideba jĩga babibʉta. Jesubara maʉ̃ wawiata ũdubibasi Jeowara (Heb. 5:7). Iyara maʉ̃ perabita ũdubi ẽ basi (Is. 11:2, 3). Iya Jeowata mejãcha kãgabasi baera okĩrã ẽ basi Jeowaba jarabʉ awuarara (Juan 14:21, 31). Maʉ̃ba Jesude kĩrãkʼa wawiata ũdubikĩrãpanʉ iyira kãga barabʉ baera, zarea barabʉ, aripe obʉ akʉza buru bia. Kʼawuapanʉ Jeowaba dayirãra mejãcha kãgata, maʉ̃ba dayirãba nemitiata ora, iyira mejãcha sopʉaseabʉ, mawũã ẽ bʉrʉ sobia baseabʉ nebiata obʉbʉrʉ (Sal. 78:41; Prov. 27:11).
ip-1 159 parr. 6
Mesiasba zokʼabʉrʉde ẽdrʉdayi akʉza sobiapanañi
6 Mesiasʼra nokʼo asirioira awuara baibasi jipa, nokʼo asiriobara Israelde 10 tribura jõma jõbisi, mamina Mesias nokʼo babʉrʉdera iyara maʉ̃ta oẽbayi, Isaíasba maʉ̃ ʉ̃rʉ jarasi: «Jeowa jaure zareara iyi ʉ̃rʉbayi. Jaure zarea krĩcha biadebemata akʉza buru biadebemata, adewara jaure zarea ũrãgʼa bia diabaridebemata, jaure zarea kʼawuabibaridebemata akʉza jaure zarea Jeowa wawiabaridebemata; Iyara okĩrã obʉ Jeowaba zokʼabʉ (Isaías 11:2, 3a). Mesias ʉ̃rʉra aseiteta kueda ẽ basi awuarabʉrʉ Daizeze jaure zareata, Juan bautistaba maʉ̃ta ũdusi Jesús buru kʼoeside, Jesús ʉ̃rʉ zesi Daizeze jaure zareata paloma kĩrãkʼa (Lucas 3:22). Maʉ̃ba ũdubibʉ Daizeze jaure zareara Jesús ʉ̃rʉbʉta, maʉ̃ba iyara ũdubibʉ buru biata, krĩcha biata akʉza biʼia ũrãgʼa kʼawuabʉ wuabemarata adewara zareata erbʉ, jipade dayirã nokʼobara nebiata mejãcha erbʉ iyi sode.
ip-1 160 parr. 9
Mesiasba zokʼabʉrʉde ẽdrʉdayi akʉza sobiapanañi
9 Isaíasba jarabʉ Mesiasba kʼãrẽ nebia erbaita, iya naʉ̃ta jarabʉ: «Iyara bari dabʉ awaʉba ũdubʉrʉba kʼawua oẽ, mia ũrãga ẽ bari iya ũrĩbʉrʉba» (Isaías 11:3b). Mesiasʼra jipade juez bia ẽbẽrarã jõmaita, ¿kʼãrẽa?, Mesiasʼbara iya ẽbẽra aba kʼawua oibaradera, maʉ̃ ʉ̃rʉ awuruba jarabʉrʉdeba kʼawua odogo ẽ mia awuruba jarabʉrʉ kʼarea, mia iya ũrĩbʉrʉ kʼarea kʼawua oẽ, iyara biʼia kʼawuabʉ sõbede ẽbẽra abaʉba sewa nebʉrʉ jarabʉra, maʉ̃ba bari ʉ̃rʉ akʉbʉrʉdeba kʼawua oẽ awuarabʉrʉ iyara akʉbʉ ẽbẽra sode kʼãrẽtabʉta mawũã biʼia kʼawua oita (1 Pedro 3:4, nota). Dayirãta juez kĩrãbita wãibarabʉ dayirãbara kãgabayi mawũãbʉ juezta bamarẽã. Jesúsʼra jipade yiza bia idi ewade mebẽrã kongresione kʼawua oibaraita (1 Corintios 6:1-4).
ip-1 161 parr. 11
Mesiasba zokʼabʉrʉde ẽdrʉdayi akʉza sobiapanañi
11 Jesusbara iyi kʼaidubemarara kʼeabasi naʉ̃ba mejãcha kʼarebasi ãyira, naʉ̃ra jipade yiza bia kongregasionebemara idibemaraita, maʉ̃ awuara ẽbẽra kayirua kʼawua obʉadera ãyira mejãcha zʉbʉriabidayi, Daizezeba ãyi kʼawua obʉbʉrʉdera Mesiasba jipa jõbiyi ãyira (Salmo 2:9; naʉ̃ne testoʉ̃me akʉra Revelación 19:15). Adewara yõta neẽbai baera naʉ̃ drʉadera jõmaʉ̃ta aduʼa panañi (Salmo 37:10, 11). Jesúsba jõma aripe berabaribiyi maʉ̃ra, iyara jõma daucha oya awabʉ baera akʉza kʼẽrẽpabʉ baera (Salmo 45:3-7).
Jʉrʉda nekʼãrẽ biʼiabʉta Daizezedebemata
¿Bʉitara kʼãrẽãba yibia Jeowa trʉ̃ra?
15 Jeowa trʉ̃ ʉ̃rʉ bedʼeapanʉta idubʉda ẽ (Joel 2:32; Rom. 10:13, 14). Jeowa trʉ̃ ʉ̃rʉ bedʼeaibara jarakĩrãbʉ ẽ bari kʼawuaibarata saʉ̃ta Daizeze trʉ̃ta akʉza zokʼaita maʉ̃ trʉ̃ta awuarabʉrʉ jarakĩrãbʉ ũdukʼawuaibarata Daizeze sãwũãbʉta, ĩjãibarata iyi ʉ̃rʉ akʉza kʼareba nesidabʉde iyaʼa kʼareba widita (Sal. 20:7; 99:6; 116:4; 145:18). Adewara Daizeze trʉ̃ ʉ̃rʉ bedʼeaibara jarakĩrãbʉ wuabemara ũdukʼawuabita saʉ̃ta Daizeze trʉ̃ta akʉza iya kʼãrẽ nebia erbʉta adewara kʼarebaita yi nemitia opanʉraba ãya nekʼãrẽ aña odata idubʉdamarẽã mõbe nebiata odamarẽã mawũã Jeowa sobiabita (Is. 12:4; Hech. 2:21, 38).
29 DICIEMBRE, 2025DEBA–4 ENERO, 2026 EDA
BEDʼEA BIA DAIZEZE BEDʼEADE ŨDUDATA ISAÍAS 14-16
Daizeze pʉwʉrʉ nejʉrãrara Daizezeba zʉbʉriabiyi
Daizeze Bedʼeara zesi Daizezedeba
16 Isaíasbara bʉsi, Babilonianera mia kʼaita ba ẽ baita (Isaías 13:20). ¿Maʉ̃ra aripe berabarisika? Mawũã. Babilonia pʉwʉrʉ Bagdadeba arakʼaitabʉ. Mamina idira maʉ̃ pʉwʉrʉdera mia kʼãrẽsida neẽ. Daizeze Bedʼeaba jarada kĩrãkʼa, Jeowabara Babiloniara jõma imabʉesi (Isaías 14:22, 23).
17 Daizeze Bedʼeade ʉ̃rabʉrʉ zei jarabʉra jõma aripe berabari wã. Maʉ̃ kʼarea dayirãbara wãrĩnu ĩjãseabʉ Daizeze Bedʼeaba jarabʉra. Maʉ̃ba Jeowaba naʉ̃ drʉa ẽjũã kĩrãwãreã babiya abʉra wãrĩnu oyi (akʉra Números 23:19). Daizezera sewa nebʉrʉ oka (Tito 1:2). * Maʉ̃ba dayirã ewari jõmaʉ̃nẽ babiyi.
ip-1 184 parr. 24
Jeowabara zʉbʉria osi pʉwʉrʉ yi zromata krĩcha badara
24 Daizeze Bedʼeade jarabʉ nokʼora Daizezedeba zedarara chĩdau kĩrãkʼapanʉ (Números 24:17). Maʉ̃ra nokʼodeba ʉ̃ta maʉ̃ra nokʼorabara katuma Siónʼneba zokʼasida, mamina Salomónba Jeowa templo Jerusalénʼne parãsideba maʉ̃ pʉrʉwʉra Sión trʉ̃gasida. AKʉza ley bedʼea abarika zedade jarabasi israelitarara, poagaza 3 bese wãibarabasita Siónʼena maʉ̃ katumane ãba yi jʉreita mamina Nabucodonosorbara krĩchabasi nokʼora Judá ʉ̃rʉ iyirabʉrʉ zokʼaita akʉza tẽã maʉ̃raba zokʼabʉra jõma jãrĩta iyitrʉ yi zromaba kĩrãbasi akʉza iya obʉ kʼarea Jeowaʼa biga diai kaude iyitrʉ̃ audre krĩchabasi iyira Jeowa kĩrãkʼa bakĩrãbasi.
ip-1 189 parr. 1
Jeowaba jarabʉta pʉwʉrʉra
Jeowabara iyi pʉwʉrʉba ãya nemitia obʉ kʼarea kʼẽãbare akʉza edaʉde iduaribʉ awuru pʉwʉrʉba zʉbʉria omarẽã, mamina Jeowabara iduaribi ẽ iyi pʉwʉrʉra aukʼara zʉbʉriabidamarẽã, maʉ̃ kʼarea Jeowabara naena Isaíasʼa bʉbisi sãwũã makenaita iyi Babiloniara (Isaías 13:1). Mamina maʉ̃ ewaridera Baloniabara Jeowa pʉwʉrʉra zʉbʉria onʉma ẽ basi awuarabʉrʉ Isaías ewari basidera Jeowa pʉwʉrʉ mejãcha zʉbʉria obadara asiriarabasi, naʉ̃raba Israeldebemara nokʼorata makenasida akʉza ʉ̃kʉrʉ Judádebemata mamina ewari bio bayeda zʉbʉria oda ẽ basi, mamina Isaíasba naʉ̃ta bʉsi: «Jeowa gorogorora nokʼoba jarabʉ: «Mʉ̃a krĩchada kĩrãkʼa aripe berabariyi, adewara mʉ̃a jarada kĩrãkʼa daucha berabariyi. Asiriorãra mʉ̃ drʉade naʉ̃za oyi akʉza mʉ̃ katumane birachiyi. Ãyi zʉgʉara mʉ̃ pʉwʉrʉdeba ãĩ bʉeyi akʉza ne zʉgʉa abʉra ãyi okiwadeba ãĩ bʉeyi» (Isaías 14:24, 25). Isaíasba naʉ̃ propesia jaradadeba audre ẽãne asiriaraba Judá zʉbʉria oita bʉra jõbisi.
ip-1 194 parr. 12
Jeowaba jarabʉta pʉwʉrʉra
12 Daizeze Bedʼeaba naʉ̃ta jarabʉ. «Naena naʉ̃ bedʼeata jarasi Jeowaba Moab ʉ̃rʉ. Jeowaba naʉ̃ta jarabʉ: nããneba poaga ũbea babʉrʉde (trajamiaba iyi sõbe poaga bayeda trajabʉrʉta jʉachabari kĩrãkʼa), Moaba nebia mejãcha erbadara wua erba ẽ bayi akʉza yi bidara wiña bayi akʉza kʼãrẽ ẽ kĩrãkʼa bayi» (Isaías 16:13, 14.) Arkeologoraba siglo 8de jarasida kʼawuasidata Moab pʉwʉrʉra mejãcha zʉbʉriadata akʉza maʉ̃ pʉwʉrʉdera mia kʼai ẽbẽrataba ẽ basita Tiglat-piléser III, jarasi Moabdebema nokʼo Salamanuba iyaʼa nekʼãrẽ pagaibarabasita adewara nokʼo Moabdebema Kammusunadbiba Senaqueribʼa nekʼãrẽ pagaibarabasita, adewara Esar-hadón akʉza Asurbanipalba jarasida nokʼora Moabdebema Musuri akʉza Kamashaltura ãyi juwa edrebasita. Mawũẽra dããraba moabitara pʉwʉrʉ jipa jõnata, idibasidu mia kʼãrẽsida kʼawuada ẽ maʉ̃ pʉwʉrʉ ʉ̃rʉra.
Jʉrʉda nekʼãrẽ biʼiabʉta Daizezedebemata
Jeowaba bʉaʼa so zarea diabʉ
8 Jõmaʉ̃ba kʼawuapanasi pʉwʉrʉ Babilonianebemaba ẽbẽrarãta ãyi drʉaeda jida edebʉrʉdera maʉ̃ pʉwʉrʉdebara wua ẽdrʉ ẽ bai basita. Maʉ̃ kʼarea krĩchaseapanasi judiorãra pʉwʉrʉ Babilonianebara wua ẽdrʉ ẽ baita (Is. 14:17). Jeowaba ãyaʼa nebiata jʉ̃ãbisi, jarasi ãyira ẽdrʉbita maʉ̃ pʉwʉrʉdeba akʉza jẽda ãyi pʉwʉrʉeda edeibasita. Adewara mia kʼãrẽba iduaribi ẽ baibasita iya jarada aripe oita (Is. 44:26; 55:12). Jeowa dabʉ nããra Babiloniara nejarra kĩrãkʼa basi, kʼãrẽ ẽ basi, maʉ̃ra daya jãrãpʉatabʉrʉdera neẽãdogo baera (Is. 40:15). Naʉ̃ bedʼea biaba judiora Babiloniaena jida ededapeadara so zarea diaibasi. Mamina bari maʉ̃ awa ẽ basi. Isaíasba bʉside naʉ̃ta jarasi: «Yi Jeowa jʉ̃ãpanʉrãra zarea erbayi jẽda» (akʉra Isaías 40:29-31). Ãyira nejõbʉ kĩrãkʼa wãbari wãibasi ãya nebia jʉ̃ãbʉba mejãchade zarea diaibasi baera.