Jõbi wãna naʉ̃ drʉara, ¿Kʼãrẽta jarabʉ Daizeze Bedʼeabara maʉ̃ ʉ̃rʉ?

«Kʼãwũa wãnara aranʉ bai jõbidayi naʉ̃ drʉara. Pʉwʉrʉ zromara doba biraita. Jurua nãã ũdudakata ũdʉdaita. Nagu zroma ũdudaita. Bania jõita biomae. Chirua bia bio jõita akʉza nedʉwʉrʉrata. Naʉ̃ra bari mawũã aukʼara jarapanʉ ẽ. Naʉ̃ra mawũã berabarita jarapanʉ sienpicorabara nokʼoraba biʼia akʉda ẽ baera naʉ̃ra». Maʉ̃ra jarasi António Guterresba, secretario general Naciones Unidas debemaba, iyara jidasi maʉ̃ra Grupo Intergubernamental de Expertos sobre el Cambio Climático debemaba jaradata.

«Sientipicorara mejãchade krĩcha zroma opanʉ atiaʉde jurua ũdupanʉ baera, maʉ̃ba ãyara jarasida Estados Unidosde parque zroma bʉra, bera jõma jõita, 423 bʉrara. Daizeze Bedʼeaba eda jarabʉ kĩrãkʼabʉ maʉ̃ra: tubuta akʉza doba biraita, drʉa hielo erbʉra jõ wã, pusara ʉ̃ta wari wã akʉza mejãcha ũdupanʉ juruata». “Flooding Chaos in Yellowstone, a Sign of Crises to Come,” The New York Times, Junio 15, 2022de.

¿Ara osepanʉka maʉ̃ra?, mawũã bʉrʉ ¿kʼaiba ara oi? Akʉra kʼãrẽta jarabʉta Daizeze Bedʼeaba.

Daizeze Bedʼeaba maʉ̃ ʉ̃rʉ jarabʉ

Daizeze Bedʼeabara jarabʉ Daizezebara «makenaita naʉ̃ drʉa ãrĩbʉrata» (Apocalipsis 11:18) Naʉ̃ bersiculobara jaradiabʉ bedʼea ubea:

1. 1. Ẽbẽrarãba kʼãrẽ opanʉba mejãchade ãrĩseabʉ naʉ̃ drʉara.

2. 2. Aranʉ bai wua ãrĩna ẽ bayi naʉ̃ drʉara.

3. 3. Daizezeba ara oyi naʉ̃ drʉara, mawũã ẽbẽraba ara oda ẽ bayi.

Aranʉ bai neneẽã erpanañi naʉ̃ drʉara

Daizeze Bedʼeabara naʉ̃ «drʉara ewari jõmaʉ̃nẽ bʉ» (Eclesiastés 1:4). Naʉ̃ drʉadera ewari jõmaʉ̃ne bayi ẽbẽrarãra.

• «Ẽbẽra biaratrʉ duanañi maʉ̃ drʉadera akʉza ewari jõmaʉ̃nẽbayi maʉ̃ ʉ̃rʉra» Salmo 37:29.

Dayirã drʉara jipa neneẽã bayi.

• «Drʉa ibʉawabʉta akʉza egoro kʼãrẽ dia ẽãta maʉ̃rãra sobiabayi adewara koribi drʉa ibʉawabʉra sobiabayi akʉza neponorata ʉ̃tʉ zeyi azapran kĩrãkʼa.» Isaías 35:1.