Neũdukʼawuara biaba aba pai sentibi ẽ bayi | Daizeze Bedʼeabara kʼarebaseabʉ

Poaga 2023dera aba pai sentira kaya zromata ũdusida naʉ̃ drʉa jõmaʉ̃ne. ¿Sãwũã ara oseapanʉ maʉ̃ra?

• «Aba pai sentibara akʉza jĩga baibara wuabemaraneba kʼayabiseabʉ dayirãra akʉza bia sentibi ẽ. Mamina maʉ̃ra ara oseabʉ wika wikade dayirã neũdukʼawuara biadeba akʉza ãyibawara audre aba panaita (Vivek Murthy, director general de Salud Pública de Estados Unidos)..”a

Wãrĩnu dayi aba paibʉdera aba pai sentibʉ adewara dayirãra aba pai sentiseapanʉ ẽberãra mejãcha dayi kʼaita bʉ mina. Mawũãsidu Daizeze Bedʼeabara ũragʼa biata diabʉ maʉ̃ ʉ̃rʉ. Jaradiabʉ aba pai senti ẽ baita neũdukʼawuara bia jʉrʉita.

Ũragʼa bia Daizeze Bedʼeaba abʉ maʉ̃ sãwũã ara oita

Bedʼea kʼawuara. Naʉ̃bara bari jara kĩrãku ẽ wari jõmaʉ̃ne jaraibarata bʉa sentibʉta awuarabʉrʉ jara kĩrãbʉ akʉza uri kʼawuaibarata. Bʉa audre ũribʉbʉrʉ bʉ neũdukʼawuaba jarabʉta mawũãrã audre iyi neũdukʼawuara bia bayi.

• Testo Daizeze Bedʼeadebemata: «Krĩcharaidua mayitabʉrʉ nekʼãrẽ jʉrʉita, awuarabʉrʉ krĩchaidua wuabemarasida (Filipenses 2:4).

Audre jʉra wara neũdukʼawuara biata. Jʉrʉda neũdukʼawuara bʉ nabemarãta, bʉ tẽãbemarata, awuru kulturadebemata akʉza drʉa jãpebemata.

• Testo Daizeze Bedʼeadebemata: «Soiduba bia edaidua jõmaʉ̃ta» (2 Corintios 6:13).

Audre kʼawuakĩrãbʉbʉrʉ maʉ̃ ʉ̃rʉ jʉrʉda naʉ̃ artikulota “Cómo saciar la sed de amistad.”