¿Muʼ ba caj i chaʼ jisan Dios jini jontoloʼ bʌ?

22 Wʌle jini winicob xʼixicob wen jontolob jaʼel. ¿Chuqui tac mach wenic woli ti mejlel ila?

23 Lamital miʼ tsʌnsañob yañoʼ bʌ. Dios mi yʌl chaʼan mach yomic miʼ mejlel iliyi (Éxodo 20:13; 1 Juan 3:11, 12).

24 An muʼ bʌ i chaʼleñob xujchʼ. Dios mi yʌl chaʼan mach yomic mi lac chaʼlen xujchʼ (Éxodo 20:15; Efesios 4:28).

25 Lamital winicob miʼ pʌyob cabʌl i yijñamob. Yañoʼ bʌ añob chaʼtiquil uxtiquil i yijñam ti yan tac bʌ otot. Yañoʼ bʌ temelix chumulob pero maʼanic ñujpuñemob ti juez. Ti i tʼan Dios mi yʌl chaʼan mach wenic pejtelel iliyi (Mateo 19:4-6; 1 Corintios 7:1-4; 1 Timoteo 3:1, 2).

26 ¿Cʼajal ba a chaʼan jini Dios tsiʼ yʌqʼue juntiquil jach i yijñam Adán? (Génesis 2:22, 24.)

27 Lamital miʼ chʼujutesañob dios melbil tac bʌ ti cʼʌbʌl. Jini chaʼan cheʼ mi lac chʼujutesan Dios, mi yʌl chaʼan mach yomic miʼ lac cʼʌn dios tac o imágen tac melbil tac bʌ ti cʼʌbʌl (Éxodo 20:4, 5; Isaías 44:9-17; 1 Juan 5:21).

28 Jehová mi caj i jisan jini jontoloʼ bʌ mach bʌ anic miʼ qʼuextañob i melbal (Salmo 37:9, 10; Lucas 13:5; 1 Corintios 6:9, 10).