Ti ora jach yom mi lac majlel ti subtʼan

Cheʼ mi lac tempan lac bʌ chaʼan mi lac loqʼuel ti subtʼan, i tilelʌch cheʼ mi lac mulan lac chaʼlen tʼan quicʼot la quermañojob. Pero cheʼ bʌ miʼ yujtel jiñi tempa bʌ chaʼan loqʼuel ti subtʼan, ti ora jach yom mi lac majlel yaʼ baqui mi caj lac chaʼlen subtʼan. Jiñi la queʼtel chaʼan bʌ subtʼan wen ñuc i cʼʌjñibal cheʼ ti ora jach miʼ sujbel (2 Ti. 4:2). Cheʼ bʌ maʼañic mi lac majlel ti ora, woli jach lac sʌt jiñi ora chaʼan maʼañic mi lac wen chaʼlen subtʼan. Cheʼ bʌ mi lac wen ñaʼtan, mi caj lac taj lac tijicñʌyel cheʼ bʌ mi lac chaʼlen tʼan la quicʼot la quermañojob yaʼ ti lac subtʼan. Cheʼ bʌ ora jach mi lac majlel yaʼ baqui mi laj cajel ti subtʼan, woli lac pʌs chaʼan la comʌch lac melben i yeʼtel Jehová yicʼot Jesucristo cheʼ bajcheʼ xʼeʼtel i chaʼan (Ro. 12:11).