Semana 26 i chaʼan enero

Cʼay 99 yicʼot oración

Cʌntesʌntel chaʼan i Tʼan Dios ti congregación

cl cʌntesʌntel 19 párr. 9-17 (30 min.)

Escuela chaʼan bʌ i yeʼtel Dios

I pejcʌntel jiñi Biblia: Jueces 5-7 (8 min.)

Núm. 1: Jueces 7:12-25 (3 min. o mach taja)

Núm. 2: ¿Muʼ ba mejlel a cʌn baqui bʌ jiñi isujm bʌ ñopbalʌl? (fg i yopol 21 párr. 5) (5 min.)

Núm. 3: ¿Chuqui yom yʌl cheʼ mi lac wen chʼʌm ti ñuc jiñi Biblia bajcheʼ i Tʼan Dios? (gf cʌntesʌntel 10 párr. 3) (5 min.)

Tempa bʌ baʼ mi laj cʌntesʌntel chaʼan subtʼan

Cʼay 88

10 min. ¿Chuqui mi caj lac puc cheʼ ti enero yicʼot ti febrero? I tsajintel yicʼot jiñi yaʼ bʌ tempʌbilob. Cʼajtiben jiñi yaʼ bʌ tempʌbilob chaʼan miʼ yʌlob chuqui wen tac bʌ tsiʼ ñusayob cheʼ bʌ tsiʼ pucuyob jiñi jun tac loqʼuem bʌ ti Biblia tsaʼ bʌ subentiyonla chaʼan mi lac puc ti ili uw. Laʼ ñusʌntic jumpʼejl demostración chaʼan bajcheʼ yom miʼ pujquel jiñi jun tac. Cheʼ jiñi, tsajin jiñi temaj muʼ bʌ i yʌl: «Ti ora jach yom mi lac majlel ti subtʼan».

10 min. Jiñi ancianojob xʼeʼtelob i chaʼan lac Yum:Jiñi muʼ bʌ i ñusan jiñi Cʌntesʌntel loqʼuem bʌ ti La Atalaya. Chaʼlen ti entrevistar jiñi muʼ bʌ i ñusan jiñi Cʌntesʌntel loqʼuem bʌ ti La Atalaya, i melben ili cʼajtiya tac: ¿Chuqui maʼ mel ti jiñi a weʼtel aqʼuebilet bʌ? ¿Bajcheʼ maʼ chajpan a bʌ chaʼan jiñi Cʌntesʌntel loqʼuem bʌ ti La Atalaya? ¿Chucoch mach mejlic a wʌqʼuen comentario tiʼ pejtelel jiñi muʼ bʌ i letsañob i cʼʌb? ¿Chuqui miʼ mejlel i mel jiñi muʼ bʌ i pejcan párrafo tac, muʼ bʌ i yʌcʼob i comentario yicʼot jiñi muʼ bʌ i ñusañob micrófono tac chaʼan ñumen wen yicʼot tijicña miʼ mejlel jiñi Cʌntesʌntel loqʼuem bʌ ti La Atalaya? ¿Bajcheʼ tsiʼ coltayet jiñi Cʌntesʌntel tiʼ chaʼan bʌ i Yumʌntel Dios maxto bʌ jali tsaʼ ñumi chaʼan maʼ ñumen tsʼʌctesan jiñi a weʼtel?

10 min. «Laʼ laj cʼʌn ti subtʼan jiñi jw.org: ‹Sujten tiʼ yamigo Jehová›.» I tsajintel yicʼot jiñi yaʼ bʌ tempʌbilob. Subu chuqui an tac ti jiñi sección am bʌ yaʼ ti lac pájina chaʼan Internet yicʼot pʌsbeñob jumpʼejl video muʼ bʌ i chʼʌm tilel yaʼi. Cʼajtiben jiñi yaʼ bʌ tempʌbilob chaʼan miʼ yʌlob bajcheʼ miʼ mejlel ti cʼʌñol jiñi sección «Sujten tiʼ yamigo Jehová» cheʼ bʌ miʼ chaʼleñob subtʼan ti otot tac, ti baqui jach yicʼot cheʼ mach yicʼotic jiñi grupo miʼ loqʼuelob.

Cʼay 135 yicʼot oración