Yom tsajalet cheʼ maʼ cʼʌn jiñi an tac bʌ ti Internet

¿CHUCOCH ÑUC I CʼɅJÑIBAL? Jiñi am bʌ ti Internet miʼ mejlel i coltañonla o miʼ yʌcʼonla ti wocol. An hermanojob maʼan bʌ miʼ cʼʌñob pero añʌch muʼ bʌ i cʼʌñob chaʼan miʼ pejcañob i familia yicʼot i yamigojob. Pero Satanás yom chaʼan mach weñic mi laj cʼʌn jiñi an tac bʌ ti Internet come yom i bibʼesan wem bʌ lac melbal yicʼot bajcheʼ an la quicʼot Jehová. Jiñi principio tac mi caj i coltañonla laj qʼuel jiñi wocol tac chaʼan maʼañic mi lac yajlel, cheʼ bajcheʼ maʼañic tsaʼ yajli Jesús (Lc. 4:4, 8, 12).

I WOCOLEL

• Cheʼ yaʼ jach mi lac ñusan ora. Cheʼ cabʌl ora mi lac wen cʼʌn jiñi an tac bʌ ti Internet miʼ mejlel i mʌctañonla tiʼ melol i chaʼan bʌ Jehová.

  Principio tac am bʌ ti Biblia: (Ef. 5:15, 16; Fil. 1:10)

• Cheʼ mi laj qʼuel mach tac bʌ weñic. Cheʼ mi laj qʼuel bibiʼ tac bʌ miʼ mejlel i pʌyonla tiʼ qʼuelol pornografía o mi lac yajlel ti tsʼiʼlel. Cheʼ mi lac pejcan muʼ bʌ i letsañob jiñi tsaʼix bʌ i cʌyʌyob i sujmlel miʼ mejlel i jemob lac ñopoñel.

  Principio tac am bʌ ti Biblia: (Mt. 5:28; Fil. 4:8)

• Cheʼ mi lac tsʼijbun tʼan tac o mi lac letsan foto tac mach bʌ yomic. Jiñi lac pusicʼal miʼ lotiñonla, i miʼ mejlel i ñijcañonla chaʼan mi lac letsan foto tac o mi lac tsʼijbun mach tac bʌ yomic. Cheʼ mi lac mel jiñi, miʼ mejlel i bibʼesan lac melbal o miʼ cʼunʼesʌben i ñopoñel yambʌlob.

  Principio tac am bʌ ti Biblia: (Ro. 14:13; Ef. 4:29)

CHEʼ BɅ TSAʼIX LAʼ QʼUELE JIÑI VIDEO YOM TSAJILET CHEʼ MAʼ CʼɅN JIÑI INTERNET, QʼUELE CHUQUI YOM MAʼ MEL CHAʼAN MAʼAÑIC MAʼ YAJLEL TI WOCOL TAC: