I MELBAL JIÑI XÑOPTʼAN
Jehová miʼ coltañonla laj cuch jiñi wocol tac
Ti lac pejtelel mi lac ñusan tsʌts tac bʌ wocol ti ili cojix tac bʌ qʼuin. An i tajol mach cujchix lac chaʼan mi la cubin. Pero, mi mucʼʌch lac sʌclʌben i coltaya Jehová, mi caj i mejlel laj cuch jaʼel jiñi ñumen tsʌts tac bʌ wocol (Is. 43:2, 4). ¿Chuqui mi caj i coltañet a lʌcʼtesan a bʌ ti Jehová mi woli a ñusan jumpʼejl wocol?
Jiñi oración. Jehová mi caj i yʌqʼueñonla lac ñʌchʼtʌlel yicʼot lac pʼʌtʌlel chaʼan mi laj cuch mi mucʼʌch lac suben bajcheʼ yubil mi la cubin (Flp 4:6, 7; 1Te 5:17).
Jiñi tempa bʌ tac. Ili ora ñumen ñuc i cʼʌjñibal lac chaʼan jiñi chʼujul bʌ bʌlñʌcʼʌl yicʼot cheʼ jiñi hermanojob miʼ ñuqʼuesañob lac pusicʼal ti tempa bʌ (Heb 10:24, 25). Cheʼ bʌ mi lac chajpan lac bʌ ti wen, mi lac majlel i mi la cʌcʼ laj comentario, woli la cʌcʼ chaʼan miʼ ñumen coltañonla jiñi i yespíritu Jehová (Ap 2:29).
Jiñi subtʼan. Mi mucʼʌch lac chaʼlen wersa chaʼan mi lac chʌn chaʼlen subtʼan, mach wocolic mi caj la cubin chaʼan mi lac ñaʼtan chuqui tac wem bʌ. Cheʼ jaʼel, mi lac ñumen lʌcʼtesan lac bʌ ti Jehová yicʼot la quermañujob come mi laj comol chaʼlen eʼtel la quicʼotob (1Co 3:5-10).
CHEʼ BɅ TSAʼIX LAʼ QʼUELE JIÑI VIDEO JEHOVÁ MI CAJ I CɅNTAÑET, JACʼɅLA ILI CʼAJTIYA TAC:
¿Chuqui tac tsiʼ colta Malu chaʼan chʌn lʌcʼʌl miʼ yajñel ti Jehová?
¿Bajcheʼ miʼ coltañonla Salmo 34:18 cheʼ bajcheʼ tsiʼ colta Malu?
¿Bajcheʼ miʼ pʌs tsaʼ bʌ ujti tiʼ tojlel Malu chaʼan Jehová miʼ yʌqʼueñonla jiñi lac pʼʌtʌlel mach bʌ añic miʼ mejlel i tajob yambʌlob cheʼ mi lac ñusan wocol tac? (2Co 4:7).