Parte 8
Tsaʼ bʌ i wʌn alʌ jini Biblia miʼ tsʼʌctiyel
Jini Biblia mach cojicach miʼ yʌl tiʼ sujmlel tsaʼ bʌ ujti ti wajali, mi yʌl jaʼel chuqui miʼ caj ti ujtel ti tal to bʌ qʼuin. Jini winicob xʼixicob mach yujilobic chuqui miʼ caj ti ujtel ti tal to bʌ qʼuin. Jin chaʼan laj cujil chaʼan jini Biblia tilemʌch ti Dios. ¿Chuqui mi yʌl jini Biblia chaʼan ti tal to bʌ qʼuin?
Mi yʌl chaʼan tal ñuc bʌ i guerra Dios. Tiʼ guerra Dios miʼ caj i jisan jini jontolil wʌʼ ti pañimil yicʼot jini winicob xʼixicob jontoloʼ bʌ, pero mi caj i coltan jini muʼ bʌ i melbeñob i yeʼtel. Jesucristo, jiñʌch rey yajcʌbil bʌ ti Dios, jiñʌch mi caj i chʼʌm tiʼ wenta chaʼan jini muʼ bʌ i melbeñob i yeʼtel Dios miʼ tajob i ñʌchʼtʌlel i pusicʼal yicʼot chaʼan tijicña mi yajñelob yicʼot chaʼan maʼanic baʼ ora miʼ cajelob ti cʼamʼan mi chʌmel.
¿Mach ba tijicñayic mi laj cubin cheʼ bʌ Dios mi caj i sujtesan ti jumpʼejl paraíso ili Pañimil? Pero an chuqui yom mi lac mel mi laj com chumtʌl ti jini paraíso. Ti jini cojix bʌ cʌntesʌntel mi caj laj cʌn chuqui yom mi lac mel chaʼan mi lac taj chuqui wem bʌ cheʼ mucʼʌch lac melben i yeʼtel. Jin chaʼan, pejcan jini PARTE 8 yicʼot cʌñʌ chuqui mi yʌl jini Biblia chaʼan ti tal to bʌ qʼuin.