Jehová miʼ yʌqʼueñonla juntiquil xColtaya

29 Jini ñaxan bʌ ángel tsaʼ bʌ i mele Dios cheʼ bajcheʼ ñaxan bʌ i yalobil.

Dios miʼ wen cʼuxbin i yalobil i mi caj i cʼʌn chaʼan miʼ jisan jini jontoloʼ bʌ yicʼot chaʼan mi yʌqʼuen i coltʌntel jini xjacʼ tʼañob (Juan 3:16, 36).

30 Jehová tsiʼ choco tilel i Yalobil chaʼan mi yilan pañimil wʌ ti Pañimil. Tsaʼ otsʌbenti i cʼabaʼ Jesús. I cʼabaʼ i ñaʼ ti wajali jiñʌch María (Lucas 1:30-35).

31 Jesús tsiʼ chaʼle wen tac bʌ cʌntesa cheʼ bʌ tsaʼix i taja i colel. Tsiʼ chaʼle cʌntesa chaʼan cojach Jehová jini isujm bʌ Dios (Marcos 12:29, 30).

Jesús tsiʼ yʌlʌ chaʼan cojach yom mi lac chʼujutesan Jehová (Mateo 4:10; Juan 4:23, 24).

Yicʼot jaʼel tsiʼ cʌntesa winicob xʼixicob chaʼan i yumʌntel Jehová (Lucas 17:20, 21).

32 Jesús tsiʼ lajmesa xcʼamʌjelob yicʼot cabʌl tsiʼ mele chuqui tac wen. Jini maʼan tsiʼ mele chuqui mach bʌ wen (Hechos 10:38; 1 Pedro 2:21, 22).

Pero, ¿bajcheʼ miʼ coltañonla loqʼuel ti mulil yicʼot ti chʌmel?

33 Cʼʌñʌlʌch miʼ wersa aqʼuen jumpʼejl tsʌnsʌbil bʌ i majtan Dios chaʼan miʼ coltan jini weñoʼ bʌ. Ti wajali, Dios tsiʼ sube winicob xʼixicob chaʼan mi yʌcʼob tsʌnsʌbil bʌ animal tac chaʼan i mulob (Hebreos 7:25, 27).

34 Jesús maʼanic tsiʼ yʌcʼʌ tsʌnsʌbil bʌ animal tac. Tiʼ bajñelil tsiʼ yʌcʼʌ i bʌ cheʼ bajcheʼ tsʌnsʌbil bʌ i majtan Dios chaʼañonla (Mateo 20:28; Hebreos 10:12).

¿Awujil ba chucoch?