I tejchibal jiñi sección 10

Jehová i Reyʌch chuqui tac an. An tiʼ wenta cʼʌlʌ ti wajali chuqui tac an i cheʼʌch mi caj i chʌn mel (chaʼlen). Jumpʼejl ejemplo, tsiʼ colta loqʼuel Jeremías jumpʼejl pozo. Tsiʼ colta Sadrac, Mesac yicʼot Abednego ti jumpʼejl horno am bʌ i cʼʌcʼal. Tsiʼ colta Daniel chaʼan maʼañic miʼ cʼuxtʌl ti bajlum. Jehová tsiʼ cʌnta Ester chaʼan miʼ coltʌben i tejclum. Maʼañic mi caj i yʌcʼ chaʼan miʼ chʌn ujtel jiñi wocol. Jiñi profecía chaʼan jiñi colem imagen yicʼot jiñi colem teʼ miʼ yʌqʼueñonla lac ñaʼtan chaʼan i Yumʌntel Dios mi caj i jisan jontolil yicʼot mi caj i yuman ili pañimil.