Parte 5
Cheʼ bʌ tsaʼ cʌjchiyob majlel cʼʌlʌl cheʼ tsiʼ chaʼ meleyob jini muro yaʼ ti Jerusalén
Cheʼ baʼ ora jini israelob maxto loqʼuemobic ti libre yaʼ ti Babilonia, cabʌl tsaʼ ilʌbentiyob i pusicʼal chaʼan chuqui ñopol i chaʼañob ti Jioba. Sadrac, Mesac yicʼot Abednego tsaʼ chojquiyob ochel yaʼ ti horno woli bʌ ti lejmel i cʼʌcʼal, pero Dios cuxul tsiʼ locʼsayob. Ti wiʼil, cheʼ bʌ tsaʼ jisʌnti jini Babilonia tiʼ cʼʌb medojob yicʼot persiajob, Daniel tsaʼ chojqui ochel tiʼ mal tocol bʌ lum baʼ otsʌbil tac i chaʼañob bajlum, Dios tsiʼ colta jaʼel cheʼ bʌ tsiʼ mʌcbe i yej jini bajlum tac.
Cheʼ jini, jini rey Ciro, tsiʼ colta jini israelob chaʼan librejix mi yajñelob. Ti chaʼ sujtiyob majlel baʼan i tejclumob, yaʼ baʼ ora tsaʼ tsʼʌctiyi lujumpʼejl i chʌncʼal (70) jab, cheʼ bʌ tsaʼ cʌjchiyob majlel yaʼ ti Babilonia. Jini ñaxam bʌ ti cajiʼ melob cheʼ bʌ ti chaʼ sujtiyob majlel yaʼ ti Jerusalén, jiñʌch cheʼ tsiʼ chaʼ techeyob i mel jini templo i chaʼan bʌ Jioba. Mach cabʌlic qʼuin tsaʼ ñumi cheʼ bʌ jini i contrajob tsiʼ waʼchocoyob jini eʼtel. Tsaʼ ujti i melob jini templo cheʼ bʌ anix chaʼpʼejl i chaʼcʼal (22) jab i ñumel cheʼ baʼ ora ti chaʼ sujtiyob yaʼ ti Jerusalén.
Ti wiʼil, mi caj laj cʌn majlel cheʼ bʌ ti chaʼ sujti majlel Esdras yaʼ ti Jerusalén chaʼan miʼ qʼuel mi wen utsʼatax tsaʼ mejli jini templo. Ili tsaʼ ujti cheʼ anix wucpʼejl i yuxcʼal (47) jab i yujtel ti melol jini templo. Cheʼ anix uxlujumpʼejl (13) jab i loqʼuel majlel Esdras yaʼ ti Jerusalén, Nehemías tsiʼ yʌcʼʌ i coltaya chaʼan miʼ chaʼ mejlel jini muro tsaʼ bʌ jejmi yaʼ ti Jerusalén. Tiʼ pejtelel jini PARTE 5, chaʼan tsaʼ bʌ ujti, miʼ tsʼʌctiyel lajchʌmpʼejl i waxʌcʼal (152) jab cʼʌlʌl ti jimbʌ ora.