CʼAJTIYA TAC CHAʼAN BɅ JIÑI BIBLIA
¿Muʼ ba mejlel laj cʌn i sujmlel chaʼan Dios?
¿Chucoch yom Dios chaʼan mi laj cʌn jiñi i sujmlel? Pejcan Juan 17:3
Dios an i pejca jiñi wiñicob xʼixicob. Chaʼan miʼ yʌqʼuen i ñaʼtʌbal jiñi tsaʼ bʌ i tsʼijbuyob jiñi Biblia, tsiʼ cʼʌñʌ jiñi chʼujul bʌ i yespíritu (2 Pedro 1:20, 21). Jin chaʼan, cheʼ mi lac pejcʌben i Tʼan Dios miʼ mejlel lac ñumen cʌn. (Pejcan Juan 17:17 yicʼot 2 Timoteo 3:16.)
Yaʼ ti Biblia, cabʌl chuqui miʼ yʌqʼueñonla laj cʌn tiʼ tojlel Dios. Miʼ tsictesan chucoch tsiʼ mele jiñi quixtañujob, chuqui mi caj i mel tiʼ tojlelob yicʼot bajcheʼ yom mi la cajñel (Hechos 17:24-27). Jehová yom chaʼan mi laj cʌn baqui bʌ i sujmlel tiʼ tojlel. (Pejcan 1 Timoteo 2:3, 4.)
¿Bajcheʼ yilal miʼ qʼuel Dios jiñi choncol bʌ i sʌclañob i sujmlel?
Jiñi i sujmlel yaʼʌch an ti Jehová Dios, i tsiʼ choco tilel i Yalobil, Jesucristo, chaʼan miʼ cʌntesañonla. Jin chaʼan, muʼ bʌ i sʌclañob i sujmlel miʼ chʼujbibeñob i cʌntesa Jesús (Juan 18:37). Ili jiñʌch jiñi quixtañujob yom bʌ Dios chaʼan miʼ chʼujutesañob. (Pejcan Juan 4:23, 24.)
Satanás an i pucu cabʌl lot chaʼan yonlel quixtañu maʼañic miʼ cʌñob Dios (2 Corintios 4:3, 4). Jiñi mach bʌ yomobic i cʌn i sujmlel, jasʌl jach mi yujilob jiñi mach bʌ isujmic cʌntesʌntel (Romanos 1:25). Ili ora, yonlel quixtañu miʼ tajob i sujmlel chaʼan Dios cheʼ miʼ pejcañob jiñi Biblia. (Pejcan Hechos 17:11.)