Ñumen weñʼesan a subtʼan: ¿Bajcheʼ yom maʼ suben i tʼan Dios jiñi yujil bʌ yambʌ tʼan?

Chucoch ñuc i cʼʌjñibal. Jehová yom chaʼan miʼ coltʌntel quixtañujob tiʼ petol pañimil tiʼ chaʼan bʌ Dios (Hch. 10:34, 35). Jesús tsiʼ yʌlʌ chaʼan mi caj i sujbel jiñi wen tʼan «tiʼ pejtelel pañimil» (Mt. 24:14). Zacarías tsiʼ wʌn alʌ chaʼan «tiʼ pejtelel yujiloʼ bʌ yambʌ tʼan tac añoʼ bʌ ti colem tejclum tac» mi caj i jacʼob jiñi wen tʼan (Zac. 8:23, TNM). I cheʼ bajcheʼ tsiʼ qʼuele jiñi apóstol Juan, jiñi cuxul bʌ mi caj i ñusañob jiñi ñuc bʌ wocol jiñʌch tilemoʼ bʌ tiʼ «pejtelel tejclum tac, ti jujunmojt wiñicob, tiʼ pejtelel lum yicʼot tiʼ pejtelel tʼan tac» (Ap. 7:9, 13, 14). Jin chaʼan, mi tsaʼ lac taja yujil bʌ yambʌ tʼan yaʼ ti territorio yom mi lac chaʼlen wersa chaʼan mi lac suben jiñi wen tʼan.