Ñumen weñʼesan a subtʼan: Cʌntesan jiñi tsijib to bʌ

Chucoch ñuc i cʼʌjñibal. Jiñi tsijiʼ bʌ xcʌntʼañob i chaʼan Jesús yom miʼ cʌn i jacʼob tiʼ «pejtelel chuqui tac» tsiʼ yʌlʌ, cheʼ bajcheʼ i subol jiñi i sujmlel bʌ (Mt. 28:19, 20). Cabʌl ochemob ti jiñi Escuela chaʼan bʌ i Yeʼtel Dios, tajol miʼ suben i familiajob yicʼot i yamigojob jiñi wen tʼan. Xucʼu xucʼul mi caj i ñumen mulañob jiñi woli bʌ i cʌñob. Cheʼ bʌ miʼ cʌñob chaʼan Jehová yom cheʼ tiʼ pejtelel quixtañujob miʼ yubiñob jiñi wen tʼan, tajol yomobix loqʼuel ti subtʼan, yambʌ junchajp i colelob tiʼ chaʼan bʌ Dios (Ro. 10:13, 14). Cheʼ tsaʼix subentiyob chaʼan miʼ loqʼuelob ti subtʼan, yom mi laj cʌntesañob chaʼan maʼañic miʼ chaʼleñob bʌqʼuen (Lc. 6:40).

Bajcheʼ yom miʼ mejlel:

Coltan jiñi tsijiʼ bʌ xsubtʼan chaʼan miʼ taj jiñi jun tac muʼ bʌ i cʼʌjñel ti subtʼan yicʼot ti cʌntesa. Pʌsben bajcheʼ chajpʌbil a portafolio o bolsa, i suben chuqui i cʼʌjñibal jiñi jun tac yaʼ bʌ an tiʼ mal.
Sajcanla bajcheʼ miʼ sujbel jiñi wen tʼan yaʼ ti La Queʼtel tiʼ chaʼan bʌ Dios, i laʼ i ñop i yʌl tiʼ bajñel tʼan. Cʼʌñʌla muʼ bʌ i yʌl jiñi Benefíciese yaʼ tiʼ yopol 82 muʼ bʌ i mejlel ti ujtel yaʼ ti laʼ territorio. Suben chaʼan ñuc i cʼʌjñibal cheʼ wen miʼ chʼʌl i bʌ yicʼot cheʼ wen jach (2 Co. 6:3, 4).
Mach cojach jiñi. Pʌsben i tarjetajlel jiñi territorio yicʼot bajcheʼ miʼ cʼʌjñel jiñi registro chaʼan otot tac. Pʌsben chaʼan miʼ tsʼijbun cheʼ bʌ miʼ taj jiñi yom bʌ i ñumen cʌn. Suben chaʼan miʼ chaʼ julaʼtan (1 Co. 3:6). Pʌsben bajcheʼ miʼ cʼʌjñel jiñi jw.org yicʼot jiñi folleto Buenas nuevas para gente de todas las naciones.
Yom a wujil pijt, i suben chaʼan weñʌch cheʼ woliʼ chaʼlen wersa (Pr. 25:11). Pʌsʌ yom bʌ miʼ mejlel. Mach ñajʌyic i chaʼan jiñi uts bʌ a coltaya yicʼot a chʼejlel ti subtʼan.

Ñopo a mel iliyi ti ili uw:

Chaʼlen subtʼan ti otot tac a wicʼot, i pʌyʌ majlel cheʼ maʼ mel revisita o estudio tac. Mi maʼañic a estudio ti ili ora, suben juntiquil tsijib to bʌ xsubtʼan chaʼan miʼ loqʼuel a wicʼot.