Cʌntesañob chaʼan miʼ melbeñob i yeʼtel Jehová tiʼ pejtelel ora

Juntiquil tsijib to bʌ mi caj i sujtel ti wem bʌ xsubtʼan mi mucʼʌch i pʌsbentel chaʼan yom tijicña yaʼ ti subtʼan yicʼot chaʼan yomʌch miʼ chʌcʌ loqʼuel (Pr. 22:6; Fil. 3:16). Laʼ laj qʼuel bajcheʼ tac miʼ mejlel a coltan jiñi muʼ bʌ a wʌqʼuen estudio chaʼan wen miʼ cʌn subtʼan:

• Teche a cʌntesan cheʼ bʌ tsaʼto ochi bajcheʼ xsubtʼan (km 8/15 i yopol 1). Suben chaʼan ñuc i cʼʌjñibal cheʼ ti jujumpʼejl semana miʼ chaʼlen subtʼan (Fil. 1:10). Suben chuqui wem bʌ chaʼan jiñi territorio (Fil. 4:8). Chaʼan miʼ ñumen cʌn, suben chaʼan miʼ loqʼuel ti subtʼan yicʼot yambʌ xsubtʼañob, i yicʼot jiñi hermano am bʌ tiʼ wenta jiñi grupo (Pr. 1:5; km-S 10/12 i yopol 6 párr. 3).

  

• Cheʼ bʌ tsaʼix i chʼʌmʌ jaʼ, chʌn cʌntesan yicʼot ñuqʼuesʌben i pusicʼal, ñumen to mi woli to i chʼʌm estudio yicʼot jiñi libro «I cʼuxbiya Dios» (km-S 12/13 i yopol 7).

  

• Mi choncolet ti subtʼan yicʼot juntiquil tsijib to bʌ, cʼʌñʌ tʼan tac mach bʌ wocolic yaʼ ti subtʼan. Suben chaʼan weñʌch bajcheʼ tsiʼ chaʼle subtʼan yicʼot bajcheʼ tac miʼ mejlel i ñumen weñʼesan (km-S 5/10 i yopol 7).