Ñumen weñʼesan a subtʼan laʼ laj cʼʌn video tac chaʼan mi lac chaʼlen cʌntesa

¿CHUCOCH ÑUC I CʼɅJÑIBAL?

Miʼ cʼotel tiʼ pusicʼal jiñi quixtañujob cheʼ bʌ miʼ qʼuelob yicʼot cheʼ miʼ ñʌchʼtañob jiñi video tac. Cheʼ jaʼel, miʼ ñumen ñʌchʼtañob i miʼ cʼajtesañob jiñi cʌntesʌntel. Jehová cʼʌmbil i chaʼan ti cʌntesa jiñi muʼ bʌ i mejlel laj qʼuel, i jiñʌch jumpʼejl wem bʌ ejemplo (Hch. 10:9-16; Ap. 1:1).

Jiñi video ¿Am ba i cʼabaʼ Dios?, ¿Majqui tsiʼ yʌcʼʌ ti tsʼijbuntel jiñi Biblia? yicʼot ¿Bajcheʼ mi lac ñaʼtan chaʼan isujmʌch muʼ bʌ i yʌl jiñi Biblia? yaʼʌch locʼsʌbil ti cʌntesʌntel 2 yicʼot 3 i chaʼan jiñi folleto Jini wen tʼan. Jiñi video ¿Chucoch yom mi lac pejcan jiñi Biblia?, ¿Chuqui jiñi estudio loqʼuem bʌ ti Biblia? yicʼot ¿Chuqui miʼ mejlel yaʼ ti i Yotlel Tempa bʌ? mi caj i coltan jiñi quixtañujob chaʼan miʼ chʼʌmob jumpʼejl estudio i chaʼan miʼ tilelob ti tempa bʌ. Cheʼ jaʼel, an jal bʌ video tac muʼ bʌ i mejlel lac pʌs cheʼ bʌ woli la cʌcʼ estudio (km-S 5/13 i yopol 3).

¿BAJCHEʼ YOM MIʼ MEJLEL?

• Wʌn chaʼlen ti descargar jiñi video a wom bʌ a pʌsben i yum otot.

• Ñaʼtan jumpʼejl o chaʼpʼejl cʼajtiya a wom bʌ a melben muʼ bʌ i jajqʼuel yaʼ ti video.

• Tem qʼuelela jiñi video.

• Alʌla ñumen ñuc bʌ i cʼʌjñibal.

ÑOPO A MEL ILIYI:

• Cucu tiʼ pat jiñi tratado i pʌsben jiñi código baqui miʼ mejlel i sʌclan jiñi video ¿Chucoch yom mi lac pejcan jiñi Biblia?

• Pʌsʌ jiñi video ¿Bajcheʼ mi lac ñaʼtan chaʼan isujmʌch muʼ bʌ i yʌl jiñi Biblia? i pʌsʌ jiñi folleto Jini wen tʼan. Taja ti tʼan jiñi cʌntesʌntel 3.