Jehová maʼañic mi caj i cʌy jiñi muʼ bʌ i cʌy i mul

David tiʼ tsʼijbu jiñi Salmo 51 cheʼ bʌ Natán tsiʼ tiqʼui chaʼan jiñi tsʌts bʌ mulil tsaʼ bʌ i mele yicʼot Betsabé (Batseba). I conciencia David tsaʼ caji i ticʼlan i tsiʼ subu i mul yicʼot i pecʼlel (2 S. 12:1-14).

David miʼ mejlel i chaʼ taj i wenlel ti Dios, anquese tsiʼ chaʼle mulil

51:3, 4, 8-12, 17

• Cheʼ bʌ maxto cʌybil i chaʼan i mul yicʼot subebil i chaʼan, i conciencia tsaʼ caji i ticʼlan i maʼañic tsiʼ yubi i tijicñʌyel.

• Wen cʼux tsiʼ yubi come tsiʼ yʌqʼue i chʼijiyemlel Dios i lajalʌch bajcheʼ tsiʼ cʼʌscʌbeyob i bʌquel tsiʼ yubi.

• Tsiʼ wen mulaj chaʼan miʼ ñusʌbentel i mul, i taj i wenlel ti Dios yicʼot i tijicñʌyel cheʼ bajcheʼ ti wajali.

• Tsiʼ cʼajtibe Jehová ti wocol tʼan chaʼan miʼ coltan i mulan i jacʼben i tʼan.

• Tsiʼ ñopo chaʼan Jehová mi caj i ñusʌben i mul.