Cʼajtisanla i yijñam Lot

¿Chucoch tsaʼ sujti i qʼuel i pat jiñi i yijñam Lot cheʼ bʌ woli ti putsʼel loqʼuel yaʼ ti Sodoma? Jiñi Biblia maʼañic miʼ yʌl (Gn. 19:17, 26). Pero miʼ yʌqʼueñonla lac ñaʼtan chaʼan mach yomic i cʌy jiñi i chubʌʼan tac (Lc. 17:31, 32). Chaʼan mach cheʼic mi la cujtel bajcheʼ jiñi, ¿chuqui yom mi lac mel chaʼan wen mi lac bej qʼuejlel ti Dios? (Mt. 6:33). Jesús tsiʼ cʌntesayonla chaʼan ‹mach mejlic lac yuman Dios cheʼ woli lac yuman chubʌʼañʌl› (Mt. 6:24). Jin chaʼan, ¿chuqui miʼ mejlel lac mel cheʼ bʌ mi laj qʼuel chaʼan jiñi i bej sʌclʌntel chubʌʼañʌl tac yʌquel i mʌctañonla chaʼan mi lac mel i chaʼan bʌ Dios? Laʼ laj cʼajtiben Jehová chaʼan miʼ coltañonla laj qʼuel chuqui yom bʌ mi laj qʼuextan yicʼot chaʼan miʼ yʌqʼueñonla lac chʼejlel chaʼan mi lac mel bajcheʼ woli laj cʼajtiben.

YAʼ CHUCUL TI JIÑI UXCHAJP VIDEO CʼAJTISANLA I YIJÑAM LOT, JACʼɅ ILI CʼAJTIYA TAC:

• 

  ¿Bajcheʼ tsaʼ yʌjñi i pensar Gloria, muʼ bʌ i yʌl yicʼot i melbal chaʼan jiñi taqʼuin cheʼ bʌ tsaʼ caji ti wen xicʼol i bej sʌclan?

• ¿Chuqui mi laj cʌn ti jiñi i yijñam Lot?

• ¿Bajcheʼ tsiʼ colta Joel yicʼot i familia jiñi principio tac?

• ¿Chuqui bʌ wocol tsiʼ taja Ana chaʼan bajcheʼ an yicʼot Dios tiʼ caj jiñi i piʼʌlob ti troñel?

• ¿Chucoch yomʌch an lac chʼejlel cheʼ bʌ mi lac wersa xijqʼuel chaʼan mi lac ñaxan sʌclan taqʼuin?

• ¿Chuqui tsiʼ mele Brayan yicʼot Gloria chaʼan ñaxañʌch miʼ chaʼ acʼob tiʼ cuxtʌlel tiʼ melol i chaʼan bʌ Jehová?

• ¿Baqui bʌ principio tac miʼ tajtʌl ti tʼan ti ili video?