I MELBAL JIÑI XÑOPTʼAN
Ñumen weñʼesan a subtʼan: Suben wen tʼan jiñi mach bʌ añic miʼ cʼotelob i wut
¿CHUCOCH ÑUC I CʼɅJÑIBAL? An cabʌl xpotsʼob muʼ bʌ i chaʼleñob bʌqʼuen cheʼ bʌ miʼ chaʼleñob tʼan yicʼot mach bʌ i cʌñʌyobic. Jin chaʼan, yom la cujil bajcheʼ mi lac pejcañob cheʼ mi lac subeñob jiñi wen tʼan. Jehová mucʼʌch i cʼuxbin jiñi xpotsʼob yicʼot miʼ chʼʌmob ti ñuc (Lv. 19:14). Laʼ lac lajin Jehová i laʼ laj coltan chaʼan miʼ cʌñob Dios.
¿BAJCHEʼ YOM MIʼ MEJLEL?
Laʼ lac sʌclañob (Mt. 10:11). ¿A cʌñʌ ba jumpʼejl familia am bʌ xpotsʼ tiʼ yotot? ¿Am ba yaʼ ti a territorio jumpʼejl escuela, otot baqui miʼ cʌntʌntel jiñi xpotsʼob o yambʌ organización yomoʼ bʌ jiñi jun tac melbil bʌ chaʼan jiñi xpotsʼob?
Pʌsʌ chaʼan a womʌch a coltañob. Mi uts bajcheʼ maʼ pejcan yicʼot maʼ pʌs chaʼan a womʌch a coltan, tajol maʼañic mi caj i chaʼlen bʌqʼuen. Suben jiñi temaj muʼ bʌ i mulan i ñʌchʼtan.
Coltañob chaʼan miʼ cʌñob Jehová. Jiñi i yorganización Jehová an i mele jun tac ti cabʌl formato chaʼan miʼ coltan jiñi lac piʼʌlob mach bʌ añic miʼ cʼotelob i wut. Cʼajtiben jiñi quixtañu chuqui ti formato miʼ mulan chaʼan miʼ cʌn Dios. Jiñi am bʌ tiʼ wenta subtʼan yom miʼ qʼuel chaʼan jiñi am bʌ tiʼ wenta jun tac miʼ cʼajtin jiñi jun tac muʼ bʌ i cʼajtin jiñi lac piʼʌlob maʼan bʌ miʼ cʼotelob i wut.