Laʼ laj qʼuel jiñi laj cuxtʌlel cheʼ bajcheʼ miʼ qʼuel Dios

21:20; 21:22, 23 (TNM); 21:28, 29

Jehová miʼ wen qʼuel ti ñuc jiñi laj cuxtʌlel. ¿Bajcheʼ miʼ mejlel lac pʌs chaʼan cheʼʌch mi laj qʼuel jaʼel?

• Laʼ laj cʼuxbiñob tiʼ sujm jiñi yambʌlob yicʼot laʼ laj qʼuelob ti ñuc (Mt. 22:39; 1 Jn. 3:15).

• Jiñʌch cheʼ bʌ mi lac chaʼlen subtʼan yicʼot lac tijicñʌyel (1 Co. 9:22, 23; 2 P. 3:9).

• Jiñʌch cheʼ mi laj cʌntan lac bʌ cheʼ bʌ an chuqui mi lac mel (Pr. 22:3).

Mi mucʼʌch laj qʼuel ti ñuc jiñi cuxtʌlel, ¿chuqui mi caj lac mel chaʼan maʼañic mi la cʌcʼ ti chʌmel yambʌlob?