Ñopo ti Jehová cheʼ bʌ maʼañic a taqʼuin

Wocolʌch bajcheʼ chumulonla ti ili cojix tac bʌ qʼuin. I ñumen wocolto miʼ cajel come woliʼ ñumen lʌcʼtiyel i jilibal ili pañimil. Tajol maʼañic mi caj lac wen taj jiñi i cʼʌjñibal bʌ lac chaʼan (Hab. 3:16-18). ¿Chuqui mi caj coltañonla lac lʌtʼ cheʼ bʌ maʼañic lac taqʼuin? Yomʌch mi lac ñop chaʼan jiñi lac Dios Jehová mi caj i coltañonla. Miʼ yʌcʼ i tʼan chaʼan mi caj i cʌntan jiñi i yamigojob i miʼ mejlel i yʌqʼueñonla chuqui i cʼʌjñibal lac chaʼan, mach yʌlʌyic chuqui mi lac ñusan (Sal. 37:18, 19; Heb 13:5, 6).

¿Chuqui miʼ mejlel a mel?

• Cʼajtiben Jehová chaʼan miʼ coltañet i miʼ yʌqʼueñet i ñaʼtʌbal (Sal. 62:8).

• Jacʼʌ a mel eʼtel tac maʼañic bʌ baʼ wis mele (g-S 1/10 8, 9, recuadro tac).

• Mach​ a cʌy a mel jiñi ñumen ñuc tac bʌ i cʼʌjñibal, bajcheʼ i pejcʌntel jiñi Biblia ti jujumpʼejl qʼuin, jiñi tempa bʌ yicʼot jiñi subtʼan.

CHEʼ BɅ TSAʼIX LAʼ QʼUELE JIÑI VIDEO LAʼ LAC MEL LA COTOT MUʼ BɅ I CUCH CHUQUI JACH: ‹YOM TIJICÑAYONLA YICʼOT CHUQUI TAC AN LAC CHAʼAN›, JACʼɅ ILI CʼAJTIYA TAC:

• ¿Chuqui ti wocol tac tsiʼ tajayob ili familia tac?

• ¿Chuqui jiñi ñumen ñuc bʌ i cʼʌjñibal yom ti laj cuxtʌlel?

• ¿Bajcheʼ miʼ mejlel laj coltan jiñi maʼañobic bʌ i taqʼuin?