Yan tac bʌ tema muʼ bʌ i tilel ti Lac Tsictesʌbentel

Cabʌl hermanojob miʼ wen mulañob i cʼʌn jiñi aplicación JW Library^® chaʼan miʼ chajpañob i bʌ chaʼan jiñi tempa bʌ, mach wocolic miʼ yubiñob chaʼan miʼ waʼ tajob jiñi tema muʼ bʌ caj i chaʼlentel ti estudiar yaʼ ti Lac Tsictesʌbentel. Pero jiñi revista Lac Tsictesʌbentel chaʼan bʌ estudio lʌcʼʌ tiʼ pejtelel ora miʼ chʼʌm tilel yambʌ tema tac muʼ bʌ mejlel i wen coltañonla jeʼel. ¿Baqui mi lac taj?

Tiʼ yujtibal jujumpʼejl tema chaʼan estudio, yaʼ tiʼ yebal an baʼ miʼ yʌl «Otros artículos» yicʼot jumpʼejl enlace i cʼabaʼ «Contenido de este número». Cheʼ maʼ petsʼ ilayi mi caj i jambeñet jumpʼejl lista chaʼan pejtelel jiñi tema muʼ bʌ i chʼʌm tilel jiñi revista, jiñi tema tac chaʼan bʌ estudio yicʼot jiñi yan tac bʌ tsaʼ bʌ la cʌlʌ. Yajcan baqui bʌ a wom a pejcan.
Yambʌ muʼ bʌ mejlel a mel, jiñʌch maʼ wochel yaʼ baʼ miʼ yʌl «Lo nuevo» am bʌ tiʼ tejchibal jiñi JW Library chaʼan maʼ chaʼlen ti descargar jiñi revista tsijib loqʼuem bʌ. Cheʼ tsaʼix a chaʼle ti descargar, pejcan majlel ti jujumpʼejl tema chaʼan tsʼʌcʌl maʼ qʼueleʼ.