Mejl bʌ lac chaʼlen ti estudiar

Muʼ bʌ i mejlel a cʼʌn chaʼan maʼ cʌntesan a walobilob

Jiñi tatʌlob añob ñuc bʌ yeʼtel, yom miʼ cʌntesañob i yalobilob chaʼan miʼ lʌcʼtesañob i bʌ ti Jehová (Efes. 6:⁠4). Jiñi organización cabʌl chuqui melbil i chaʼan chaʼan miʼ coltañob. ¿Bajcheʼ miʼ mejlel i cʼʌñob?

• Sʌclan jiñi información. Yaʼ ti jw.org miʼ mejlel laʼ taj cabʌl muʼ bʌ i mejlel i coltan jiñi xcolelob yicʼot jiñi alʌlob, cheʼ bajcheʼ video tac, cʼay tac yicʼot yan tac bʌ.a Chaʼan maʼ taj, cucu yaʼ ti «Cʌntesa tac» i cheʼ jiñi «Alʌlob» o «xColelob».

• Yajcan baqui bʌ jiñi a wom a cʼʌn. Yaʼ ti sección «Alʌlob», miʼ mejlel a taj muʼ bʌ caj i cʼʌjñibʌyel i chaʼan a walobil. Alʌ yicʼot a walobil jiñi tsaʼ bʌ laʼ qʼuele.

• Mach a cʼʌn jiñi video tac yicʼot yan tac bʌ muʼ bʌ tilel yaʼi chaʼan jach mi laʼ ñusan qʼuin. Cʼʌñʌ jiñi información chaʼan maʼ coltan jiñi a walobil chaʼan miʼ sujtel ti yamigo Jehová.