¿Baqui bʌ jiñi i sujmlel laj cuxtʌlel?

I jacʼbal muʼ bʌ i yʌcʼ jiñi Biblia

An cabʌl bajcheʼ miʼ mejlel lac melben lac bʌ ili cʼajtiya. Tajol mi laj cʼajtiben lac bʌ: «¿Chucoch cuxulonla?» «¿Chucoch wʌʼañonla ila ti pañimil?». Jiñi Biblia miʼ yʌl chaʼan Dios yom chaʼan mi lac sujtel tiʼ yamigo. Chaʼan mi lac ñumen chʼʌmben i sujm, laʼ laj qʼuel muʼ bʌ i yʌl jiñi Biblia.

• Dios jiñʌch tsaʼ bʌ i Meleyonla. Jiñi Biblia miʼ yʌl: «[Dios] tsiʼ meleyonla i chaʼañonla» (Salmo 100:3; Apocalipsis 4:11).

• Dios añʌch chucoch tsiʼ mele pejtelel chuqui an, yicʼot joñonla (Isaías 45:18).

• Dios tsiʼ meleyonla come yom chaʼan mi laj cʌn yicʼot chaʼan mi lac tajben i sujmlel laj cuxtʌlel (Mateo 5:3). Yom chaʼan mi lac taj pejtelel iliyi chaʼan tijicñayonla (Salmo 145:16).

• Cheʼ mi lac chaʼlen wersa mucʼʌch lac mejlel laj cʌn Dios yicʼot mi lac sujtel tiʼ yamigo. Jiñi Biblia miʼ subeñonla: «Lʌcʼtesan laʼ bʌ ti Dios i mi caj i lʌcʼtesan i bʌ ti laʼ tojlel» (Santiago 4:8; 2:23).

• Chaʼan mi lac sujtel tiʼ yamigo Dios, yom mi lac mel tsaʼ bʌ i ñaʼta cheʼ bʌ tsiʼ meleyonla. Jiñi Biblia jamʌ tsiquil miʼ yʌl chuqui yom mi lac mel: «Jin chaʼan tsaʼ mejli jiñi wiñic: Chaʼan miʼ bʌcʼñan Dios, miʼ cʼuxbin yicʼot miʼ jacʼben i mandar tac» (Eclesiastés 12:13, versión de Ángel Sánchez, nota; lenguaje actualizado).

• Ti jiñi talto bʌ qʼuin Dios mi caj i jisan jiñi wocol yicʼot mi caj i yʌqʼuen i cuxtʌlel maʼañic bʌ i jilibal jiñi i yamigojob, jiñi xucʼul bʌ miʼ melbeñob i yeʼtel, cheʼ jiñi mi caj i tsʼʌctiyel pejtelel yom bʌ ti lac tojlel (Salmo 37:10, 11).