Cʌntesʌntel 16

Laʼ lac pʌs chaʼan mi laj cʼuxbin Dios

Chaʼan miʼ jalijel juntiquil ti la camigo, yom chaʼan mi lac chaʼlen tʼan yicʼot. Mi lac ñichʼtʌben i tʼan, cheʼ jaʼel miʼ ñichʼtan lac chaʼan. Yicʼot jaʼel wen mi la cʌl tiʼ tojlel yañoʼ bʌ. Lajalʌch jaʼel cheʼ mi la com chʌn yamigojonla Dios. Qʼuele awilan chuqui yom mi lac mel mi yʌl jini Biblia.

Yom mi lac pejcan Jehová ti jujumpʼejl qʼuin. «Pejcanla Dios ti pejtelel ora.» (Romanos 12:12.)

Mi lac pejcan i Tʼan Dios, jini Biblia. «Chʼoyol ti Dios pejtelel i Tsʼijbujel. An i cʼʌjñibal ti cʌntesa chaʼan lac ticʼol, yicʼot chaʼan lac tojʼesʌntel.» (2 Timoteo 3:16.)

Mi laj cʌntesañob yañoʼ bʌ chaʼan Dios. «Cucula cheʼ jini. Sutqʼuiñob ti xcʌntʼañob winicob xʼixicob ti pejtelel pañimil, [...] cʌntesanla chaʼan miʼ laj chʼujbiñob pejtelel chuqui tac tsac subeyetla.» (Mateo 28:19, 20.)

Laʼ lac lʌcʼtesan lac bʌ tiʼ yamigojoʼ bʌ Dios. «Jini muʼ bʌ i piʼleñob majlel jini weñoʼ bʌ i pusicʼal mucʼʌch i tajob i ñaʼtʌbal.» (Proverbios 13:20.)

Yom mi lac majlel yaʼ ti Otot, baʼ mi yujtel Tempa bʌ. «Laʼ laj coltan lac bʌ ti pejtelel chuqui wen, chaʼan mi laj cʼuxbin lac bʌ bajcheʼ yom yicʼot wen bʌ lac melbal, [...] laʼ lac chʼejlʼesan lac bʌ.» (Hebreos 10:24, 25.)

Mi la cʌcʼ laj coltaya ti eʼtel chaʼan jini i Yumʌntel. «Ti jujuntiquil laʼ i yʌcʼ cheʼ bajcheʼ tsiʼ ñaʼta tiʼ pusicʼal, mach tiʼ chʼijiyemlelic, mach chaʼanic xicʼbebil jach. Dios miʼ cʼuxbin jini muʼ bʌ i yʌcʼ tiʼ tijicñʌyel i pusicʼal.» (2 Corintios 9:7.)

[Dibujo yaʼ ti iyopol 27]

I YOTLEL TEMPA BɅ chaʼan i Testigojob Jehová