Ñumen weñʼesan a subtʼan: Chaʼlen subtʼan ti teléfono

¿CHUCOCH ÑUC I CʼɅJÑIBAL? Come jiñʌch junchajp bajcheʼ mi lac sub «jini wen tʼan» (Hch. 20:24).a Miʼ coltañonla chaʼan mi lac suben jiñi wen tʼan jiñi maʼañic bʌ mi lac tajob tiʼ yotot.

¿BAJCHEʼ YOM MIʼ MEJLEL?

• 

  Chajpan a bʌ. Sʌclan jumpʼejl wem bʌ temaj. Cheʼ jiñi, tsʼijbun ti jumpʼejl jun jiñi a wom bʌ a wʌl. Cheʼ jaʼel, chajpan chuqui mi caj a tsʼijbuben ti mensaje chaʼan maʼ tsictesʌben chucoch tsaʼ ñopo a pejcan. Yom yaʼan a wicʼot ti a mesa jiñi tsaʼ bʌ a tsʼijbu ti a jun yicʼot jiñi yan tac bʌ mejl bʌ i coltañet, bajcheʼ jumpʼejl tableta o celular baqui jamʌl a chaʼan jiñi JW Library^® o jw.org^®.

• 

  Mach a chaʼlen bʌqʼuen. Yom maʼ chaʼlen tʼan cheʼ bajcheʼ ñʌmʌlet. Yom tseʼtseʼñayet lajal bajcheʼ yaʼʌch yoque an a wicʼot jiñi quixtañu. Mach yomic jujumujcʼ maʼ cʌy tʼan mi mach i cʼʌjñibalic. Ñumen wen cheʼ mach a bajñel jach maʼ chaʼlen subtʼan ti teléfono. Mi tsiʼ melbeyet jumpʼejl cʼajtiya jiñi woli bʌ a pejcan, yom maʼ chaʼ al ti cʼam bʌ tʼan chaʼan miʼ ñʌchʼtan jiñi a piʼʌl ti subtʼan chaʼan miʼ coltañet a sʌclan i jacʼbal jiñi cʼajtiya.

• 

  Suben chaʼan mi caj a chaʼ pejcan. Mi yomʌch i bej cʌn i chaʼan bʌ Biblia, cʌyben jumpʼejl cʼajtiya chaʼan maʼ wʌqʼuen i jacʼbal cheʼ bʌ maʼ chaʼ pejcan. Miʼ mejlel a suben chaʼan a wom a wʌqʼuen jumpʼejl jun o a chocben majlel ti Internet. Cheʼ jaʼel, miʼ mejlel a chocben majlel jumpʼejl video o jumpʼejl temaj ti mensaje. Mi weñʌch miʼ qʼuel, miʼ mejlel a suben chaʼan miʼ yochel ti lac página chaʼan Internet.