¿Árõpe hárori mɨre dakihãravɨa bakinó?

BÍBLIA YÓPE AIVƗ

“Hɨ̃menihikɨ [...] tʉ̃recʉyʉme caiye oride ne yacorʉare. [...] Que baru põeva ye yaibénajarama. Chĩomenajarama. Obenajarama. Aru ijibequiyebu náre máre” (Apocalipsis 21:3, 4, Majepacʉ Jʉ̃menijicʉi Yávaiye Mamaene Coyʉitucubo, Wycliffe Bible Translators).

AIPETA KAÐATEIDI IYEDE KOREÓVAI BARU

Kɨrãharamu hoborõ kaivɨre mearo đainoi (Hechos 10:34, 35).

Ñáhimeni aru ihiétebenaharamu (Isaías 25:8; 33:24).

Kainɨmɨara torohɨrĩ kɨrãharamu mahevɨke aru mahe yóvaimarake (Salmo 37:11, 29; Mateo 5:5).

¿AIPE TENI HÃVEMA ARĨ MAHIDI MAHA BÍBLIAI KƗEDE?

Iye bohe:

• Hɨ̃menihikɨ ɨ̃i aiyede hãve tede đarĩ mahibi. Hɨ̃menihikɨrabe “parʉcʉ caivʉ pʉeno” aivɨ Bíblia, ɨ̃i parɨé kũimévɨ (Apocalipsis 15:3). Ke baru, hoborõre meahino tede đakivɨ akemavɨ aru ɨ̃, ɨ̃i aino mákarõpedeka đarĩ mahibi ɨ̃. Bíblia aivɨ “põeva ne đarĩ majibeno maiyójabevʉ Jʉ̃menijicʉre” (Mateo 19:26).

• Hɨ̃menihikɨ ɨ̃i aiyede hãve tede đaiyɨbi. Põeva yaivɨ bákavɨre, Heová ne apɨrõre hakopaiyovaiyɨrĩ vaibi aivɨ Bíblia (Job 14:14, 15).

  Jesús, Hɨ̃menihikɨi mákɨ, ihimarare hɨokemavɨ, aivɨ Bíblia máre. ¿Aipe teni náre hɨoyɨ batekémari? No matekémavɨ ɨ̃i ɨrõ (Marcos 1:40, 41). Hípakɨ đaiyɨrope, nópe bahureka đarehameđa ɨ̃: kõmahe teivɨre kađateameđa (Juan 5:19).

  Ke baru Jehová aru Jésus đaiyɨrõre hãvemu arĩ mahivɨ maha: kainɨmɨara dakihãravɨare torohɨrĩ kɨrãhinore (Salmo 72:12-14; 145:16; 2 Pedro 3:9, Traducción del Nuevo Mundo, 2019).