Negdogoye sogleargu, ¿doa Babba igar imasa?

Noé ibagangi bur melu dulemar ibmar isgana imagdii gusmalad (Génesis 6:5)

Adán Evabo mimmigan niggudmargu, nabbaneggi dulemar merguded. Abar ángelmala, niaba igar imasmarmogad, geb Babgi agbiddemarmogad. We ángelmar nabbanegse agdenonimalad, geb ome niggumalagala duleyob na imasmalad.

Omegan mimmigan niggudmargua, e mimmigan yeer dungu gusmalad, geb bule duddu nanabalina.

Nabbaneggi dulemar isganamar mergudsunnad. Bibliagi soglenaid, dulemar nue isgusbuggwanye, geb unnila ibmar isgana ginbii binsadii gusmarye.

Noé, Babba igar imasadbali arca sobsad (Génesis 6:13, 14, 18, 19, 22)

Noé dina dule nuedinad. Jehová ega sogsad, e dega dulemar isganamar obelogega neg odogoye.

Jehová, Noéga sogsabalid be ur dummad soboye, arcaye be bioye. Ega soglesbalid be be gwenadgan buraggwa arca yaba dogoye, geb ibmar durgan oubobaloye.

Noé emar owisosad neg dogsoggarye, auggi dulemar dina Noéba igar sassurmalad. Abar agga Noé gine dodoarmalad. Bamaladdina agga isdar Noé dagdemalad.

Noé arca ogusgua, arca yaba ibmar durgan ouboded.