LECCION 56
Mer gwenaganbo urwed amidi guo
Anmar sordagan abargi anmar siile, rey Davidyob anmar iddodamogad. Weyob sogsad: “Ibibayobi, gwenaddigwale bulaggwa ambiggued yeer iddollege” (Salmo 133:1). Nabir anmar nabo nued gudi gumalagala, anmar alamagger gebed, mer nabo urwed amimalaga.
1. Bela neg dirbimaggar Jehova sordagan, ¿igi ibmar imaggedbimala?
Baid neggweburgi gudii be anmar igar iddogedse nadele, sun be e gayadi aggu iddogeled, auggi, bad be wisiled ibu ibmargi sunmaglenai. ¿Ibigala? Ar bela neggweburmar irba anmar sordagan na emarbi Bab igar durdaggega gardamar ebumalad. Bela anmar na sabedbimarbalid. Bia anmar gudisundibe, ‘bela anmar, sordagan buraggwa Jehova nug odummogedgi binsaedbimarbalid’, Jehovaga arbadi guedi bur anmar binsadaed (Sofonías 3:9).
2. Anmar sordagan yaurgi mer urwed noegala, ¿ibu be imagmogar gebe?
Bibliag soglenaid: “Na be mussub mussub ise nue sabguar nanamarsun” (1 Pedro 1:22). ¿Igi be nabir weg ibmar soglenaidba igar imasmogale? Wis dule aggar be imasale, mer be doggus aa ibmargi binsaer gebed, bur be we dule ibmar nuegan imagdiidgi binsadaer gebed. Mer be unnila dulemar soggwennabi be aimarga imagbalir gebed. Mer be unnila be dulemarbarbi aggabalir gebed, mer be isdar wagmar dagbalir gebed, bela emarbi be dulemar dagger gebed (1 Pedro 2:17 absogo).a
3. Gwenad wargwenbo wis be isdar iddosale, ¿ibu be imaggoe?
Anmar, gwenaganbo urwed amibisur inigwale, auggi, ar bela anmar noedbibarsoggu, sun ibagwengi wis anmarga igar aburbalid. Aagala, Bibliagi weyob anmarga soglenaid: “Wis ibmar aggar gusale, na ega ibmar ies imagmalo”. Geb sognabalid: “Ar igi Jehova bemarga isgued ies imasmoga, deyob bemar imagmogoed” (Colosenses 3:13, TNM). Anmardi bur bali bali Jehova igargi yoleged, deginigwale, Jehova anmarga ibmar ies imasdaed. Aagala Jehova abeged, ibmar aggar gusale, anmar, gwenaganga ibmar ies imagmogad. Degsoggu, wis be aggar emar imas na iddogele, gwae yog igar nudaggar imagdao (Mateo 5:23, 24 absogo).b
NUEGGWA WE IBMAR DURDAGMARGOLO
Wegine be durdaggoed, ibu be nabir imasmogale, mer gwenaganbo urwed amigega.
¿Ibu be imaggoe igar nudaggega?
4. Mer unnila dulemar soggwennabi binar guo
Bela anmar na sordagan sabgubie inigwale, auggi, dule, anmar dulesurdibe, dule wilesaggwadibe, bonigwaggwadibe, inbaggwa beedse guardabalid aa dule anmar ai nuedga anmar imaggega. Deyob ibmar gualile, ¿ibu be imaggoe? Gusmalad 10:34, 35 absomalo, we ibmargi sunmagmarbalo:
Jehovadi unnila dulemar soggwennabi binarsulid. Degsoggu, dule, be dulesurdibe, dule wilesaggwadibe, bonigwaggwadibe, ¿igi be we dule dagged abelemoga?
Be maidgi dulemar, ¿doamar isdar dagdamala, doamargi gadi dododamarbali? ¿Ibigala nuedsuli, be, emaryob damogar?
2 Corintios 6:11, 13 se absomalo, we ibmargi sunmagmarbalo:
¿Ibu nabir be imasale, bela gwenagan sabgumogaga?
5. Wis igar aburusar, ibmar ies imagdao, yog igar nudaggar imagdabalo
Jehovadi aggar anmar imagmasur inigwale, auggi, anmar e igargi yolesar edi anmarga ibmar ies imasdaed. Salmo 86:5 absomalo, we ibmargi sunmagmarbalo:
Anmar e igargi wis yolesale, ¿igi Jehova anmar dagdaye Bibliagi soglenai?
¿Bule Jehova nue anmar sabe be iddoge? ¿Ibigala deyob be soge?
¿Ibu ibmar ulale sun wis anmarga gwenaganbo igar aburudele?
¿Igi nabir anmar, Jehovayob ibmar imasmogale, mer gwenaganbo urwed amigega? Proverbios 19:11 absomalo, we ibmargi sunmagmarbalo:
Dule wis aggar be imasale, ¿ibu be nabir imasale, mer urwed amigega?
Anmar aggar emar imasardina, ¿ibu anmar imagbaloe? VIDEO dagmalo, we ibmargi sunmagmarbalo:
Videogi ome, ¿ibu imasa nabir igar nudaggega?
6. Ibu ibmar gwenagan nued imasdae, bur aa ibmargi addagdao
Bali bali gwenagan dagdiidba be dagdagoed, inbaggwa noar ibmar imasdamarmoga, inbaggwa nued ibmar imasdamarbali. ¿Ibu be imasarsunna, bur gwenagan ibmar nuegan imagdiidgi addaggega? VIDEO dagmalo, we ibmargi sunmagmarbalo:
¿Igi be nabir imasale, gwenagan ibmar nuegan imagdiidgi bur addaggega?
Unnila anmar nodiidginbi Jehova addagmasurmogad. 2 Crónicas 16:9a absomalo, we ibmargi sunmagmarbalo:
Ibu ibmar be nued imasde, unnila Jehova aa ibmarginbi addagmaye soged, ¿bule Jehova be binar be iddosunna?
Olargan yeer dagleged wis bibbi aggar gusale, be, meddesuliled, wile be daggeled. Gwenagan wis noar ibmar imasmogale, Jehova bibbisaar gwenagan obassasurdamogad, wile dagdamogad.
ABAR SOGDAMALAD: “Dule aggar an imasar an ega aggar sogosulid, auggi, an ega ibmar iegeddi, iegosulid”.
¿Ibigala anmardi, dule aggar anmar imasar ibmar ies saed abelege?
WE IGARGI SUNMAGLESAD
Gwenaganbo wis igar aburusar anmar ibmar ies imagdaele, geb bela anmar, gwenagan binardabalile, doggus anmar na sordaganbo urwed amidi guosulid.
Ibu be durdasa
¿Ibu be imaggoe, mer be unnila dulemar soggwennabi binar guega?
Gwenaganbo wis beg igar aburusale, ¿ibu be imaggoe?
Gwenaganbo wis beg igar aburusale, ¿Jehovayob be ibmar ies imagbimoga? ¿Ibigala deyob be soge?
NABIR BE WE IBMAR DURDASBALILED
Jesus ibmar soggwengi sunmasad, sogega, mer emargi issaggwa sunmagdi gumaloye. Wegine soglenaid, ibu ibmargi sunmasa.
Dule baid aggar anmar imasale, ¿doa inso igar nudaggoedi?
“Igar nudaggegala, ibmar ies saleger gebed” (La Atalaya, noviembre 1, 2002 gad)
Wegine soglenaid, ibigala abar dulemar bar e dulesurmalad isdar dagsurmala.
Wegine soglenaid, igi nabir igar onudaglesale, mer gwenaganbo urwed amilegega.
“Mer urwedgi na ebo igar nudagdamalo” (La Atalaya, mayo 2016 gad)