Ҫемьеллӗ пурнӑҫра телей мӗнле тупмалла?

Ҫемьеллӗ пурнӑҫ телейлӗ пултӑр тесен юрату кирлӗ (Эфес 5:33).

Мӑшӑрлӑ пурнӑҫ тӗлӗшӗнчен Турӑ панӑ йӗрке: пӗр арҫын тата пӗр хӗрарӑм.

Юратакан упӑшка хӑйне арӑмӗпе ҫепӗҫҫӗн тытать тата ӑна ӑнланма тӑрӑшать.

Арӑмӗн упӑшкине пулӑшса тӑмалла.

Ачасен ашшӗ-амӑшне итлемелле.

Хаяр ан пул; ырӑ кӑмӑллӑ тата мӑшӑра шанчӑклӑ пул (Колоссӑ 3:5, 8—10).

Турӑ Сӑмахӗнче упӑшкин арӑмне хӑйӗн тӑл-пӗвне юратнӑ пек юратмалла, арӑмӗн вара упӑшкине тарӑннӑн хисеплемелле тенӗ.

Мӑшӑрсӑр пуҫне урӑх никампа та ар хутшӑнӑвне кӗмелле мар. Темиҫе арӑм та пулмалла мар.

Иегова Сӑмахӗ ҫемьесене телейлӗ пулма вӗрентет.