Ырӑ хыпар сарас ӑсталӑха лайӑхлататпӑр. Тепӗр хут килни

ҪАКӐ МӖНШӖН ПИТӖ КИРЛӖ: Патшалӑх ҫинчен калакан хыпарпа интересленекен ҫынсем Турӑ пирки пӗлесшӗн (Ис 55:6). Ҫавӑн пек ҫынсене Турӑ ҫинчен ытларах пӗлме пулӑшас тесен пирӗн вӗсем патне пӗрре анчах мар каймалла. Кашни ҫыннӑн хӑйӗн лару-тӑрӑвӗ, ҫавӑнпа вӗсен интересне аталантарас тесен тӗрлӗ майсемпе усӑ курмалла. Ҫын патне тепӗр хут каяс умӗн кашнинчех лайӑх хатӗрленетпӗр пулсан, мӗн ҫинчен калаҫмаллине шутлатпӑр пулсан тата Библи вӗренӗвӗ пуҫлама тӗллев лартатпӑр пулсан, эпир ӑнӑҫлӑрах пулатпӑр.

ҪАКНА МӖНЛЕ ТУМАЛЛА

• Ҫын патне май килнӗ таран хӑвӑртрах, темиҫе кунранах, кайма тӑрӑшӑр (Мф 13:19)

• Ырӑ кӑмӑллӑ пулӑр, хӑвӑра хисеплӗн тата яланхи пекех тытӑр

• Ҫынна ӑшшӑн сывлӑх сунӑр. Ӑна ятран чӗнӗр. Хӑвӑр мӗншӗн килнине аса илтерӗр. Тен, эсир ӑна мӗнле те пулин ыйту ҫине хурав пама, вырӑнлӑ статьяна кӗртсе пама, пӗрле видеоролик пӑхма е Библи вӗренӗвӗ мӗнле иртнине кӑтартма сӑмах панӑ. Ҫын урӑх тема ҫинчен калаҫасшӑн пулсан, ҫавӑн ҫинчен калаҫма хатӗр пулӑр (Фп 2:4)

• Ҫын чӗрине акнӑ чӑнлӑх вӑрлӑхӗсене шӑварас тесе ӑна Библири тата статьясенчи шухӑшсене каласа парӑр (1Кр 3:6). Ҫынна лайӑхрах пӗлме тӑрӑшӑр

• Тепӗр хут килме калаҫса татӑлӑр