ˈWɔn ˈˈgbɩɩ˗ ˈˈsɔɔdo ˗nu ˈwo dɔ ˗a ˈˈpiʋ̈

Moizö waa Aadhɔn ˗wo ˗dho Fadhaɔn ˈˈpiʋ̈ ˈwo ˗Zlan ˗bha nɔɔnwo ˈö yö ˗a dɔ: ‹Ü ˈti ü ˗kwaa n man ˈˈsɛgümɛn ˗nu ˗zü kö ˗wo ˈdho, ˈˈluu ˗nu ˗wo ˗dho ü ˗bha ˈˈsɛ ˈö yö ˗a bho.› ˈˈLuu ˗nu ˈnën ˈwo ˗tɔ ˈˈwɔnŋ ˈˈgblʋ̈gblʋ̈ ˗nu ˈwo mɛn ꞊ɲɔɔn mü. ˈˈLuu ˗nu ˗wo ˗da Ezitö ˗mɛn ˗nu, ˗a ꞊nɔɔnmɛn ˗nu oo ˗a ˈˈflɛɛmɛn ˗nu oo, ˗an ꞊gban ˗gɔ ˈkɔɔ. ˗An ˗bha ˈˈsɛ ˗todhösü ˗kun pa ˗sü ˈka ˈˈluu ˗nu ˈka. ˈˈKɛɛ ˈˈsɛ ˈˈpian ˗dhɛ ˈwo˗ Goshɛnö ˗kë ˈö Izraɛdhömɛn ˗nu ˈwo kun ˗a ˈgü bhë, ˈˈluu ˗nu ˈwaa kun mü. ˈWɔn ˈˈgbɩɩ˗ ˗yiishiö ˗naan waa˗ ˗dhɛ ˗nu ˈwo dɔ ˗an ˈˈpiʋ̈, ˗wo ˗kë Ezitömɛn ˗nu dosɛnŋ ˈnën˗ ˈka. ˈYö Fadhaɔn ˗ya pö: ‹˗Kaa pö Zoova ˗dhɛ ˗ya kë kö ˈˈluu ˗nu ˈwo bhë ˗wo ˈdho kö ˈa n ꞊kwaa ˈˈsɛgümɛn ˗nu ˗zü.› ˗Dhɛ ˈö Zoova ˗yö ˈˈluu ˗nu bhë ˗an ˗kë, Fadhaɔn ˈti ˈto ö ˗wo ˗ta. ˗Dhɛ ˈö ˈˈdhʋ̈, ˗yö ˗dho ˗gleŋ ˈsü ˈwɔn ˗nu ˈwo bhë ˗an ˗bha kö ˗yö ö ˗bha ˈwɔn ˗kë ˗kɔ ˗nu bho ˈˈgblʋʋ ˗ee?

Zoova ˗ya ˗pö: ‹Fadhaɔn yö ˈti ö ꞊kwaa n ˗man ˈˈsɛgümɛn ˗nu ˗zü kö ˗wo ˈdho, ˈˈyua ˗dho ˗ya ˗tuëë ˗nu ˈˈpɛpɛ ˈwo Ezitö ˗an ˗bha ˈwo ga.› ˗Dhɛkpaɔyi ˈö dɔ ˗a ˈˈpiʋ̈, ˈyö ˗an ˗bha ˗tuëë ˗nu ˈwo ˗ya ga ˗sü ˗bha. ˈˈKɛɛ Izraɛdhömɛn ˗nu ˗bha ˗tuëë ˗nu ˗zë ˗a do ˗ʒiaan ˈti ga. ˈKö ˗kë ˈˈdhʋ̈, Fadhaɔn ꞊gɔɔgbɩɩdhɛ ˗kë ˈö yö ˈti ˈˈwɩ˗ ˗bha kö ˗yö ö ꞊kwaa ˗an ˗zü.

ˈYö Zoova ˗ya pö Moizö ˗dhɛ ˗yö ö ꞊yɛɛkë, ˗yö ˈdho Fadhaɔn ˈˈpiʋ̈ kö ˗yö ˈˈyʋʋbi ˗kpëŋ ˗dhɛ ˈˈfüödhɛ ˈgü. ˈDhɛ ˈö˗ ˗kë ˈˈdhʋ̈, ˈö ˈˈyʋʋbi ˗yö ˗kë ˗bobi ˈka ˈö sɔ Ezitömɛn ˗nu ꞊gban ˈˈpɛpɛ ˗ta. ˗Bobi ˈö bhë, ˗yö ˗nu ˈˈkaaga ˈˈdhiʋ̈dhiʋ̈sü ˈka Ezitömɛn ˗nu waa wü ˗nu ˗an ˗ta. ˈKö ˗kë ˈˈdhʋ̈ ꞊wɛ, Fadhaɔn ˈti ö ꞊kwaa Izraɛdhömɛn ˗nu ˗zü kö ˗wo ˈdho.

Zoova ˗yö Moizö ˗bɔ ˈzü Fadhaɔn ˈˈpiʋ̈ kö ˗yö ö ˗bha nɔɔnwo ˈö yö ˗a dɔ: ‹ˈBhaa˗ ˈˈpiʋ̈ ꞊dedewo kö ˈü ü ꞊kwaa n man ˈˈsɛgümɛn ˗nu ˗zü kö ˗wo ˈdho ˗ee? Dhiʋ̈ˈˈ, mënŋga ˗dho ban ˈˈsɛ ˗ta. ˗Dhɛkpaɔyi ˈö dɔ˗ ˈˈpiʋ̈, ˈö Zoova ˗yö nu mënŋga, dhaga waa ˈˈshiʋ̈ ˈka. ˈWɔn ˈˈgbɩɩ˗ suu ö ˈˈdhʋ̈ yö ˈti kë do Ezitö ˗sɛ ˈgü. ˈˈDhü ˗nu waa tapë ˗nu ˈwo kun ˗dhɛ ˈˈwɛɛ ˗nu ˈgü ˗an ꞊gban ˗wo ˗ga. ˈˈKɛɛ ˗a ˗dhɛ ˗nu ˈwo ˗kun Goshɛnö ˗pö ˈgü, pë ˈbha ˈti ˗an kë. ˈYö Fadhaɔn ˗ya pö: ‹˗Ka bhɛɛˈˈ Zoova ˗dhɛ kö ˗yö ˈwɔn ˗nu bhë ˗an ˈduannu kö ˈka ˈdho. ˈˈKɛɛ ˗dhɛ ˈö mënŋga ˈwo wo bo ꞊wɛnŋ ˗sü ˈka, ˈyö Fadhaɔn ˗yö ö ˗wo bho ˈˈgblʋʋ ˈzü ˗dɛɛwo.

˗A ˈˈdhiʋ̈tadhɛ ˈgü, Fadhaɔn ˗ya ˗pö Moizö ˗dhɛ: ‹Kaa ˈˈsɛgümɛn ˗nu ka ꞊mɔɔn˗ ˗bha ˈka ʒiö. ˈˈKɛɛ ˗ka ˗tuëë ˗nu ˈto.› ˈYö Moizö ˗ya pö: ‹Yi dua ˗mü kö ˈyi ˈdho yi ˗bha ˗tuëë ˗nu ꞊gban ˈka. Yi ˗dho ˗an ˈsü kö ˈyi ˈˈsaa˗ bho ˗an ˈka yi ˗bha ˗Zlan ˗dhɛ. › ˈWɔn ˗yö ˗shiö Fadhaɔn ˗dhɛ ˈzü, ˈö ˗gbla ˈˈgbɩɩ˗ ˈka ˈö˗ pö: ‹˗Bhö ʒiö ü ˈgo n ˈˈdhiʋ̈! Kö ˈa ˗kpan ü ˗bha ˈzü, ˗a dho ü zë.›

ˈDhɛ ˈwo ꞊ɲɔɔn mü, ˈyö Zoova ˗ya pö Moizö ˗dhɛ: ‹˗Bhö ü ˗kɔ luuˈˈ dhaŋ˗ ˈgü.› ˈDhɛ Moizö ˗ya ˗kë ˈˈdhʋ̈, ˗wo ˗to ˈˈshia˗ mü ˈö ˗dhɛ ˗yö ꞊tröö sënsëndhö. Ezitömɛn ˗nu ˗wo ˗to ˗dhɛtiidhɛ ˈgü ˗dhɛkpaɔyi ˗yaaga ˈˈpiʋ̈. ˈWaa kun ꞊mɔn ˗ni ˈgü ˗a ˗bha kö ˗wo ˗kpan wo ˈko ˗nu ˗bha. ˈˈWo ˈbhü ˗kun Izraɛdhömɛn ˗nu dosɛnŋ ˈnën ˗an ˗gɔ ˈkɔɔ.

˗A ˈˈdhiʋ̈tadhɛ ˈgü, Fadhaɔn ˗ya ˗pö Moizö ˗dhɛ: ‹ Kaa ˈˈsɛgümɛn ˗nu ka ꞊mɔɔn˗ ˗bha ˈka ʒiö. ˈˈKɛɛ ˗ka ˗tuëë ˗nu ˈto. › ˈYö Moizö ˗ya pö: ‹ Yi dua ˗mü kö ˈyi ˈdho yi ˗bha ˗tuëë ˗nu ꞊gban ˈka. Yi ˗dho ˗an ˈsü kö ˈyi ˈˈsaa˗ bho ˗an ˈka yi ˗bha ˗Zlan ˗dhɛ. › ˈWɔn ˗yö ˗shiö Fadhaɔn ˗dhɛ ˈzü, ˈö ˗gbla ˈˈgbɩɩ˗ ˈka ˈö˗ pö: ‹˗Bhö ʒiö ü ˈgo n ˈˈdhiʋ̈! Kö ˈa ˗kpan ü ˗bha ˈzü, ˗a dho ü zë.›