Bo Yɛlɛ Mine La Hoŋ Na Baŋ E Ka A Soŋ Bo Ka Ho Taa Popeɛloŋ Ka Hooŋ Wa Tuoro Yelkpeɛne​—Wala Ka A Baabole Yelkyaare A Yɛlɛ Ŋa?

A yi a donfaa ŋa poɔŋ, te koŋ baŋ pigi yelfaare na zaa naŋ na baŋ pɔge te te zemmo poɔŋ. Teɛroŋ na te naŋ taa kyaare a yɛlɛ la na baŋ vɛŋ ka te taa popeɛloŋ, kyɛ a yɛlɛ na poɔŋ te naŋ be na naane. Aneazaa ka a Baabole vɛŋɛɛŋ aŋ pɛle ka te na tuoree yelkpeɛne, kyɛ “neɛ na sukyiri naŋ taa popeɛloŋ maŋ dire la tigri wagre zaa.” (Yeng Yelibie 15:15) Bo teŋ na baŋ e ka lɛ vɛŋ ka te taa popeɛloŋ? Te nyɛ lɛ a Baabole kawane naŋ na baŋ soŋ bo.

Boŋ Na Baŋ Soŋ Bo Ka Ho Toɔ̃ Are Ho Yelwonii Noɔreŋ?

A Baabole yeleeŋ ka: “Yelwonii naŋ be neɛ sukyiriŋ maŋ vɛmeŋ ka o eŋɛ kyoɔre yaga, kyɛ yelbisoŋ maŋ vɛmeŋ oŋ taa popɛle.”​—Yeng Yelibie 12:25.

• A Baabole na baŋ soŋ boŋ ka ho are ho yelwonii noɔre a ta zoro dabeɛ̃. Ka hooŋ boɔrɔ ka ho zanne yɛlɛ yaga poɔ, kanne a zannoo yɛlɛ ŋa “What the Bible Says About Anxiety.” “(Yɛlɛ A Baabole Naŋ Yelkyaare Te Yelwonii)”

Boŋ Na Baŋ Soŋ Bo Ka Ho Ta Maŋ E Ho Yoŋ?

A Baabole yeleeŋ ka: “Zɔmeŋ soŋ maŋ wulee nɔmmo wagre zaa O maŋ eɛ yɔɔ ba naŋ dɔge dɔgɛɛ daare zuŋ.”​—Yeng Yelibie 17:17.

• A Baabole na baŋ soŋ boŋ ka ho neŋ ho zɔmenne taa niiloŋ naŋ e kpeɛŋaa ka lɛ soŋ bo ka ho ta maŋ la e ho yoŋ lɛ. Kanne a zannoo yɛlɛ ŋa “Ho Zɔmenne Na Baŋ Soŋ Boŋ Ka Ho Iri Yɛlɛ Zaa Naŋ Vɛŋ Hoŋ Teɛrɛ Ka Ho Eɛ Ho Yoŋ Bare​—Sori A Baabole Naŋ Na Baŋ Soŋ Bo.”

Boŋ Na Baŋ Soŋ Bo Ka Ho Nɔŋ Naaŋmen Ane Ho Tɔsoba?

A Baabole yeleeŋ ka: “Aseŋ ka ho nɔnɔ Jehoova ho Naaŋmen ane ho sukyiri zaa, ho nyɔvore zaa, ane ho teɛroŋ zaa. . . . Aseŋ ka ho nɔnɔ ho tɔsoba aŋa ho meŋɛ.”a​—Matio 22:37-39.

• Puoro na baŋ soŋ teŋ ka te nɔŋ Naaŋmen yaga zaa. Ka hooŋ boɔrɔ ka ho zanne yɛlɛ yaga poɔ, kanne a zannoo yɛlɛ ŋa “Does God Hear Our Prayers?” “(Ka Lɛ Naaŋmen maŋ kyɛllɛ wonee te puoro?)”

• Ka te naŋ wa wuli nɔmmo ko te taaba, lɛ wuleeŋ ka te de la yɛlɛ na Yezu naŋ da yelka te erɛ na tonɔ neŋ toma. Kanne yɛlɛ yaga poɔ a yi a zannoo yɛlɛ ŋa poɔŋ “What Is the Golden Rule?” “(Bo Yɛlɛ Ka Yezu Yele Kyaare te Neŋ Noba Laŋ zemmo Yɛlɛ)”

Zanne yɛlɛ yaga poɔ a nyɛ lɛ a Baabole naŋ na baŋ soŋ bo ka ho taa popeɛloŋ a yi a donfaa ŋa poɔŋ. Te tonɔ boɔlɔ boŋ ka ho sage a Baabole zannoo te neŋ noba naŋ maŋ erɛ zaala zaala na.