Sori Naaŋmen Naaloŋ Naŋ Na Tu A Sɛgre A Saluoni Yɛlɛ Velaa Zaa

“Lɛ na a saluoni naŋ leɛrɛ na vɛŋɛɛŋ ka noba tuoro toɔrɔ, a ba e mɔlɔ ko noba naŋ be teŋbɛrɛ pooreŋ meŋ, a lɛ vɛŋɛɛŋ ka lɛ na bonvobɔ naŋ maŋ laŋ erɛ yɛlɛ ka yɛlɛ kyɛnɛ soŋ zaa a saluoni poɔŋ na meŋ sããna. Lɛ na a saluoni naŋ leɛrɛ na vɛŋɛɛŋ ka sasekpeɛne fuuro yaga zaa, a sããna noba yie, a lɛ vɛŋ aŋ e kpeɛŋaa ko noba naŋ be a donɛɛ lombori zaa ka ba taa zeŋ laafeɛ. Lɛ na a saluoni naŋ leɛrɛ na vɛŋɛɛŋ ka a mama poore tolɔ yaga zaa, azuŋ, a na baŋ vɛŋeŋ ka bonvobɔ naŋ be a mama poore kpɛŋ zie zaa [kpikpi].”​—Inger Andersen, under-secretary-general of the United Nations and executive director of the UN Environment Programme, July 25, 2023.

Ka lɛ gɔmenantere naŋ be a donɛɛ lombori zaa na baŋ laŋɛɛ taa a de noɔreyeni a sɛgre a yelkpeɛŋaa ŋa bee? Ba na toɔ̃ iree a yelkpeɛne ŋa zaa bare kpɛlɛŋkpɛlɛŋ bee?

A Baabole wuli teŋ gɔmenante kaŋa naŋ na toɔ̃ sɛgre a saluoni yɛlɛ velaa zaa. A Baabole lɛ vɛŋɛɛŋ teŋ baŋ ka a gɔmenante sereŋ na eɛ lɛ meŋ. A Baabole yeleeŋ ka, “a sazu Naaŋmen na na biŋ [la] naaloŋ.” A gɔmenante ŋa na diree naaloŋ a kaara a tendaa zaa, a lɛ sɛgre a tendaa yɛlɛ zaa ka a soma yaga zaa. (Daaniel 2:44) Naaŋmen Naaloŋ na puliŋ, neɛzaa “koŋ pere [o tɔsoba] kyɛbee a sãã saammo zaa” a tendaa zuŋ.​—Aizeeya 11:9.