Göi Itre Icasikeu Ne La Huliwa Ne Treu Juun
Koi 1 Juun Me Wiike Cili
Nyima 223
8 men: Itre ithuemacanyi koi së. Iëne jë la Itre Hna Amekötiin qa hnine la Huliwa ne Baselaia. Itre Ithuemacanyi Akötresie.
15 men: “ Hnëkëne Jë Thatraqane La Nöjei Huliwa Ka Loi Asëjëihë.” Troa ce ithahnatan. Hamëne ju la itre xaa hnepe mekune qa hnine la zonal, La Tour de Garde, ne 15 febuare 1989, götrane 22-4.
22 men: “Loi e Troa Cainöje Kowe La ‘Nöjei Ate Asëjëihë.’ ” Tro la ketre qatre thupe a ce ithahnatane memine la itre trejine ka maca troa cainöj, lo itre mekune hna hamëne göi aqane troa nyiqaane ithahnata. Ce wange ju la etrune la itre hmi ngöne la nöje hne së hna mele ngön, nge qaja jë la kepine matre, loi e troa eje the së la itre taan mekun, nyine troa nyiqaane ithahnata ngöne la isa hmi cili. Kuca jë la ketre iamacanyi ka xoxopatr, ngöne la aqane iwai hmaca troa nyiqaane la ketre etid.
Nyima 112 me thithi ne nyipun.
Koi 8 Juun Me Wiike Cili
Nyima 209
10 men: Itre ithuemacanyi koi së. Troa cile fë la hna ithingë.
15 men: “Thupëne Hnyawa Kö La Itre Ewekë Ne La Maseta.”
20 men: “Epi Tro Asë Hi Së a Kuca La Huliwa Hna Nyiqaane Hë.” Troa ce ithahnatan. Qaja jë la kepine matre, kola mejiune hnene la itre qatre thupe kowe la itre trejine ka nyimutre, ka hetre hni ne ajane troa huliwa, matre troa kuca la itre ewekë ka sisitria. Wange hmaca ju la itre huliwa ka nyipi ewekë hnine la ekalesia, tune la troa nyihnyawane la Uma ne Baselaia, me troa cilëne la itre xaa hnëqa ju kö, maine troa hane xatuane la itre ka wezipo, me itre qatr, me troa kuci teritoar. Sipone jë kowe la itre qatre thupe tro angatre a qaja la aqane madrine angatre la ixatua hna hamëne hnene la itretre cainöj. Amamane jë la enyipi ewekëne tro së isa ala caasi a isa catre huliwa.
Nyima 153 me thithi ne nyipun.
Koi 15 Juun Me Wiike Cili
Nyima 7
9 men: Itre ithuemacanyi koi së.
18 men: Isa catre pi troa huliwa. Cainöje hna nyitrepene hnene la zonal, La Tour de Garde, ne 15 januare 1986, götrane 10-14. Ithahnatane jë la enyipi ewekëne troa xome la huliwa ne pionie hut, nge xatuane jë la itre trejine troa nyiqaane xome e treu 1 semitrepa.
18 men: “Loi e Troa Anyipicin Jëne La Thiina Ka Loi.” Troa ce ithahnatan. Troa pane ithahnata memine la itre xaa ka amamai tulu ka loi. Tro angatre a qaja la aqane haine hnene la itre xaa atr, la aqane ujë i angatr ka loi. Hamëne jë la caas, maine lue ewekë hna melën, hna xome qa hnine la zonal, La Tour de Garde, ne 1 januare 1995, götrane 24-5.
Nyima 170 me thithi ne nyipun.
Koi 22 Juun Me Wiike Cili
Nyima 61
10 men: Itre ithuemacanyi koi së. Troa cile fë la hna ithingë.
15 men: Troa nyiqaane tune ka la itre gojenyi ne zonal? Amamane hnyawa ju la nyine troa kuca ka nyipi ewekë: Troa cinyihane asë la etrune la nöjei zonale hna hamën, bëeke hmaca jë troa iwai, tro fë la lue xan, amamane jë la itre mekune ka hnyipixe qa hnine la itre zonale hna xötrei kapa, matre troa amejëne la aja ne la itre atr. Atreine hi tro së a hamëne lapane la itre zonale së kowe la itre atr ka lapa easenyi së, me itre sine ce huliwa së, me itre ka cilë magazë, me itre ka cilë isas, me itre xane ju kö. Hnyingëne jë kowe la caasi maine lue ka cainöj, troa qaja la hnei nyidroti hna kuca ngöne la itre gojenyi ne zonal, nge ka hetre thangane ka loi koi nyidro.
20 men: Loi e tro la itre pionie a xatuane la itre xaa trejin. Cainöj hna troa kuca hnene la qatre thup, atre thupëne la huliwa ne cainöj; kola wange hmaca la hna amekötin, matre tro la itre pionie a xatuane la itre xaa ka cainöj. Qaja jë lo ini hna kapa, qa ngöne la itre porogarame ne ixatua cili. (jv 100; km 7/79 1, 3) Kola ajane hnene la itre ka xomi bapataiso, ngöne lo köni macatre hnapan, laka, itre milio, troa hane kapa la itre ixatua cili. Kola qaja hnene la porogarame hna hape “itre pionie a xatuane la itre xaa trejin,” la aqane huliwa memine la ini ne la itre pionie lapa, me itre pionie hut, ka hane sine lo Ini thatraqane la huliwa ne pionie. Ame la ewekë hna ajan, ke, ene la itre pionie a isa xatuane la lue ka cainöj, matre tro nyidroti a isa maca hnyawa troa cainöj, me catre tro fë pala hi la maca ka loi. Thaa tro kö a luelue la itre hna troa xatuan; Loi e troa qaja hnyawa ka hape, kola troa amamane la ihnim, me itre ixatua ka menyik. Kola troa hamëne hnene la porogarame ka hnyipixe celë, kowe la itre trejin, a itre hadredre thauzane pala hi la etrun, la ixatua ka ijije matre tro angatre a itretre nyihlue i Akötresie ka atreine tro fë hnyawa pala hi la maca ka loi.
Nyima 207 me thithi ne nyipun.
Koi 29 Juun Me Wiike Cili
Nyima 114
10 men: Itre Ithuemacanyi koi së. Amekunëne jë la itre trejine troa hamëne la rapore ne cainöje ne la treu juun. Ithahnatane jë ngöne la itusi hna troa tro fë e treu julai.
15 men: Hapeu, eni a nyenyape hmidra? Cainöje hna kuca hnene la ketre qatre thup, a hna nyitrepene ngöne la zonal, La Tour de Garde, ne 15 diseba 1987, götrane 18-19, paragarafe 14-16. Xatuane jë la itre trejine ka catre nyihluei Akötresie, a itre macatre ka nyimutre hë enehila, troa thele aqane troa hetre thangane ka loi la huliwa i angatr, me aelëne la itre hawa ne cainöje i angatr.
20 men: Ijiji së asë hi troa cainöje ngöne la nöjei ijin. Cainöj, nge troa ce ithahnatane fe la itre mekune hna troa xome qa hnine la zonal, La Tour de Garde, ne 15 okotropa 1987, götrane 22-7. Ame koi itre trejine ka tru jolen, pine laka, kola huliwa i maseta, maine trene hnepe lapa pena, maine trene itre xaa hnëqa, amamane jë koi angatre ka hape, ijije hi tro angatre a xome la itre hnepe ijine ka nyimutre ngöne la drai, troa hane tro fë la maca ka loi kowe la itre xaa atr. Qaja ju fe la aqane melëne lai hnene la itre xaa trejine ne la nöj.
Nyima 76 me thithi ne nyipun.