Göi Itre Icasikeu Ne La Huliwa

Koi 10 Maac Me Wiike Cili

Nyima 131

10 men: Itre ithuemacanyi koi së. Xome jë la itre mekune nyine ixatua ngöne la götrane 6 maine itre xaa aqane nyiqaane ithanata pena thatraqane la teritoare i epun, nge iamacanyine jë la aqane troa tro fë la itre zonal La Tour de Garde ne 1 Maac me Réveillez-vous ! ne Maac, maine kolo lue hna kapa pinën, memine la pepa ne ihë koi Drai Ne Amekunën.

20 men: Pine Nemen Matre Troa Traqa Itrony? Cainöj, me ce ithanatane la itre mekune hna xome qa hnine La Tour de Garde ne 15 Mei 2007, götrane 11-13. Könëne jë la itre atrene la icasikeu troa hamë mekune ngöne la aqane kepe thangane angatre la hna sine la itre icasikeu ne la ekalesia, me aqane cile angatre kowe la itre jole matre troa sine lapaane la itre icasikeu.

15 men: “Hetre Nyine Tro Asë Hi Së a Hamën Koi Iehova.”a Maine ijije la traem, sipone jë kowe la itre atrene la icasikeu troa qeje mekune ngöne la itre xötre hna hamën.

Nyima 8

Koi 17 Maac Me Wiike Cili

Nyima 144

10 men: Itre ithuemacanyi koi së. Amekunëne jë la itre atrene la icasikeu troa traqa fë la lue zonal La Tour de Garde ne 1 Eiperem me Réveillez-vous ! ne Eiperem maine lue hna kapa pinën kowe la Icasikeu Ne La Huliwa ka troa xulu, me hnëkë troa ce ithanatane la itre aqane nyiqaane ithanata ka ihmeku memine la teritoare së. Iëne jë la Itre Hna Amekötiin qa hnine la Huliwa Ne Baselaia.

15 men: Kola Sa La Itre Hnyinge i Nyipunie. Troa cile fë hnene la ketre qatre thup. E jë me ce ithanatan asë la hna cinyihan.

20 men: “Tro Sa Xatuane Tune Kaa La Itre Ka Sine La Drai Ne Amekunën?”b Ame la kola ce wange la paragarafe 5, iamacanyine jë la aqane troa nyiqaane la ketre etid memine la ketre atr ka hane sine la Drai Ne Amekunën, thaa tro pe a aqean.

Nyima 214

Koi 24 Maac Me Wiike Cili

Nyima 111

10 men: Itre ithuemacanyi koi së. E jë la hna ithingë me itre ahnahna.

15 men: Hnëkë Jë Troa Tro Fë La Itre Zonale Hna Xötrei Kapa. Troa ce ithanatan. Ame la kola ase isa amamane la itre mekune ka tru ngöne lai lue zonal La Tour de Garde ne 1 Eiperem me Reveillez-vous ! ne Eiperem maine lo lue hna kapa pinën, hnyingëne jë la itre atrene la ekalesia la itre hna cinyihane ka troa ketr la itre atr ne la teritoar, nge pine nemen. Könëne jë la itre trejine troa qaja la itre xaa mekune e hnine la itre hna cinyihan hnei angatre hna mekune troa amamane hnyawa. Nemene la hnying ka troa nyiqane hnyawa la porotrik? Thupene lai, nemene xötre e hnine la hna cinyihan, hnei epuni hna troa e? Xome jë la itre aqane nyiqaane ithanata ka ihmeku memine la teritoar, nge iamacanyine jë la aqane troa tro fë La Tour de Garde ne 1 Eiperem me Réveillez-vous ! ne Eiperem maine cili pena lo lue hna kapa pinën.

20 men: Easa Tro Fë La Maca Ka Loi. Thaa tro kö a sasaithe la caa menetr ne nyiqaan hnene la ketre qatre thup, lo ka troa cile fë la cainöj hna eköthe hune La Tour de Garde ne 1 Julai 2005, götrane 18-19, paragarafe 10-14. Könëne jë la itre atrene la ekalesia troa qeje mekune ngöne la aqane akeukawane me thue mejiune koi angatr, la angatre a xötrei drenge la ithuemacanyi ne la Baselaia.

Nyima 29

Koi 31 Maac Me Wiike Cili

Nyima 37

10 men: Itre ithuemacanyi koi së. Amekunëne jë la itretre cainöje troa hamëne la rapor ne hna cainöj ngöne la treu Maac.

20 men: Loi e Troa Huliwane Hnyawane La Annuaire 2008. Cainöj, nge troa ce ithanatan. Ce ithanatane jë la “Tus Qaathei Lapa Ne Xomi Meköt,” ngöne la sinecetrone la Huliwa Ne Baselaia götrane 3-4. Tro la luetre maine köni trejine a qaja la ketre hna melëne qa hnine la Annuaire ka thuecatre koi angatr. Canga wange jë la caas maine lue trejine matre tro nyidroti a qaja la aqane isa eköthe nyidro la porogarame matre nue ijine troa e la Annuaire. Nyipune jë me xatuane asë la itre atrene la ekalesia troa hane e asë la itus.

15 men: “Loi e Tro Sa Iakeukawanyi Ngöne La Huliwa Ne Cainöj.”c

Nyima 122

Koi 7 Eiperem Me Wiike Cili

Nyima 186

10 men: Itre ithuemacanyi koi së.

20 men: Pine Nemene Matre Uthe Lapaane La Ijine Bapataiso? Thaa tro kö a sasaithe la caa menetr ne nyiqaane hnene la qatre thup ka troa cile fë la cainöj, hna eköthe hune La Tour de Garde ne 1 Julai 2006, götrane 29-30, paragarafe 14-17. Troa nango hnyinge kowe la caas maine lue ka cainöje thöth hna bapataison. Nemene la ka upi nyidro troa eatrëne la aja cili ngöne la co petre kö nyidro? Nemene la aqane xatua nyidro hnene la bapataiso troa macaje ngöne la ua, me aqane thupë nyidro?

15 men: Hane Kö Epuni Thele Troa Qaja Mekötin? Cainöj me ce ithanatane la itre mekune qa hnine la Huliwa Ne Baselaia ne Januare 2002, götrane 6. Ce ithanatane jë la itre aqane nyiqaane ithanata ka hmaloi, memine la aqane troa nango saze itre ej matre troa nyiqaane la ketre etid jëne la itus Ini Tusi Hmitrötr. Thupene lai, kuca jë la caas maine lue iamacany. Xatuane jë la itre atrene la ekalesia troa thele troa nyiqaane la ketre etid ngöne la wiike ka xulu ngöne la itus Ini Tusi Hmitrötr jëne la aqane qaja mekötin.

Nyima 225

[Ithuemacany e cahu fen]